Matio 5:1 - Nouveau Testament en Ngienboum

¹ Yěsô gyá pá’ menùɔ lá’ tǒ, ńkwɔ́’ɔ ndùm lekwɔ’ɔ́, ńnéŋe ssé, *ngàŋa kwò yé tó ńkẅɛ́te yé.

Matio 5:1 Referans Kwoze

Malékuse 3:13

Yěsô gÿo ńkwɔ́’ɔ ndùm lekwɔ’ɔ́, ńtóŋ pʉ̀a pie à tsɔ’ɔ́ wɔ́b. Pɔ́ tó,

Matio 15:29

Yěsô gÿo fó jʉ’ó, ńgʉa né ngʉ̀ŋe letʉŋ sie ée Galilea, ńkwɔ́’ tà ńkúu ndùm lekwɔ’ɔ́, ńnéŋe ssé.

Malékuse 4:1

Yěsô la gíŋe ńzye lézí’i pʉ̀a nò Ssé á ngʉ̀ŋe ntse Galilea, anùɔ lá’ tóo lejʉ́ŋ yé tà ńgyɔ́ɔn tɛ’, tà á kúu tsɛ̀ɛ kanú’ gie áa tsɛ̀ɛ ntse, ńnéŋe. Alá’ tyé ngʉ̀ŋe ntse.

Malékuse 3:20

Yěsô kúu ndá, alá’ gíŋe ńcú’te ńgyɔ́ɔn gyɔ́ɔn tà pâ *ngàŋa kwò yé té gyá fʉ̀’ tà ḿpfɛ́ɛ mmó wɔ́.

Matio 4:25

Àlá’ menùɔ menùɔ fô Galilea, éfô tsɛ̀ɛ metÿǒsoŋ legém, éfô Yerósalem, éfô Jẅidea tà mbɔɔ ná yetsɔ̌ nzǐŋ ntse Jurdeŋ, ńcʉ́me nzèm yé.

Matio 13:2

Menùɔ lá’ cú’tè lejʉ́ŋ yé tà ńgyɔ́ɔn tɛ’, tà á kúu tsɛ̀ɛ kanú’, ńnéŋe. Menùɔ lá’ tyé ngʉ̀ŋe ntse.

Matio 5:2

Á zye léla’te nò mbwó pɔ́b ngie:

Lukase 6:12

Yěsô gwɔ́ lyɛ̌’, ńgʉa ndùm lekwɔ’ɔ́ lésẅíŋte Ssé, tà ńdá’a wó lá’.

Lukase 6:17

Yěsô pâ *ngàŋ ntúm yé gie à tsɔ̌’, fó ndùm lekwɔ’ɔ́ sẅɛ́’ tà ńkúu tsìŋe lekwɔ’ɔ́, ńgyá yetsɔ́ *Ngàŋa kwò yé gwɔ́ jʉ’ó tà ńgyɔ́ɔn pâ nùɔ lá’, mbà mé fǒ nà pàga ngwòŋ Jẅidea, éfó tÿǒsoŋ Yerósalem, éfó mengʉ̀ŋe metÿǒsoŋo Tir pɔ́ Sidoŋ tà mbɔɔ metÿǒsoŋ mie ée nkʉ̀ŋ ntse.

Lukase 6:20

Yěsô ńnéŋe tà ḿbʉ’ʉ twó yé, ńdíe *ngàŋa nkwò ye, ńgɔɔn ne pɔ́b ngie: Pi ee pàshÿó mbòŋo, pi pie pi ee mepóŋ, mélà’mie *lefùɔ Ssé gwɔ́ pɔ́ sí.

Lukase 9:28

Yěsô gɔɔn yɔɔn nò, é gÿo ńgwɔ́ lyɛ̌’ lefɔ̌ɔn, á faga Piɛ, ńgÿo Jâŋ pɔ́ Jâg, pâ pɔ̌ kwɔ́’ɔ nà tsɔ́ lekwɔ’ɔ́ pá’ à ge tsyɛ’te Ssé,

Ŋwà’ne Jâŋ 6:15

Yěsô gyá shÿó gẅie pɔ́ ne fa’a légwoon yé ńdɔgɔ yé ńgÿo fùɔ, ńgíŋe ńnyé wɔ́b ńgʉa né ndùm lekwɔ’ɔ́ gílé yé.