Matio 3:7 - Nouveau Testament en Ngienboum

⁷ Jâŋ gyá pá’ pʉ̀a ná nùɔ pà *farisay paa pʉ̀a ná nùɔ pà *sadukay tó yɔ́b tà ńgyɔ́ɔn, pá’ à ge nu’u wɔ́b ntse, ńgɔɔn né pɔ́b ngie: ngẅɛ̀ mennú, pàpá’ legye, àwɔ́ zɔ piŋ shwóŋó gẅi lékÿo ngɔ́’ gie pi lyɛbté tà é ne ńge gwe á ná pi.

Matio 3:7 Referans Kwoze

Matio 12:34

Ngẅɛ̀ mennú, ńgwɔ́ pi gwɔ́ pʉ̀a tepòŋ pɛ́’ɛ, ńgɔɔn nò mbòŋo lêkɔ́? Nyìŋ gɔɔn pɔ́ nò gie áa tsɛ̀ɛ ntʉ́m yé.

1 Tesalonika 1:10

Pú’u, ńcʉ́’ʉ ńzẅí’te pɔ́ ngie Míŋ we fó tÿǒ lepwó ńtó, Míŋ we ŋwɛ́ aa Yěsô, mbà Ssé la zíme yé nà legwé. Yé zɔ ne ḿbe’e wégè nà ngʉ̀ngʉ̀ gie e ne ńtóo.

Roma 1:18

E Ssé zɔɔn ńgwɔ́ tÿǒ lepwó ne ńnyɛɛ ngie à ne ńgyaŋa lóŋ, mélà’mie pʉ̀a mésoŋ é móŋo yé, ńnéŋe ńgÿo menò tepòŋ. Pɔ́ ne ńdɔgɔ ńgÿo menò tepòŋ mɔ́b ńtáte nò nénʉ́ léfa’a fà’. E Ssé ne ńnéŋe ntsaŋ twó pɔ́b,

Matio 23:33

Pi ee ngẅɛ̀ mennú, ńgwɔ pà másèm nnú, ńgwɔ́ pí gǎ ńdá’ ńtsó té kúu tsɛ̀ɛ mmɔ̌g?

Roma 5:9

Áa nà fʉ̀’ɔɔn, mbà metse mé kéen ńgÿo e Ssé cʉ́’ʉ ńdíe wégè pege gwɔ́ ndʉŋ ndʉŋ mvfò yé, ńgwɔ́ kɔ́ piŋ ńgÿo tà Kristo lá’ ńnyé té gÿo pege tsẅɛ ngɔ́’ gie e ge lá’ fó nà pá’ e Ssé ne ńgyáŋa lóŋ?

Matio 22:23

Á gíŋe ńgwɔ́ pɔ́ lyɛ̌’o, tsɔ́ ntá’ pʉ̀a ná nùɔ pà *sadukay leen ńké tóo lejʉ́ŋ Yěsô. Pà *sadukay ée pʉ̀a pie pɔ́ té zẅíŋ ngie mepfó ge gÿo zíme nà legwé wɔ́. Pɔ́ zɛ́te mbwó Yěsô ngie:

Matio 16:6

Yěsô gÿo ne ńgɔɔn né pɔ́b ngie: Pi laga twó gí, ḿbɔ́ɔn *mvòŋ pʉ̀a *farisay lâ pʉ̀a *sadukay.

1 Jâŋ 3:10

Pi gyá mmó gie mé fó mǒ ńdɔg ńzsé púɔ Ssé, ńgíŋe ńzsé pe Sátà. Nyìŋ lɔɔn tè gÿo mmó gie áa ndʉŋ ndʉŋ mvfò Ssé wɔ́, ńké tè kwoŋo fɛ́ we wɔ́, mbà ngàŋ tè míŋ Ssé wɔ́.

Ŋwà’ne Jâŋ 9:40

Etsɔ́ ntá’ pʉ̀a nà nùɔ pà *farisay pie pɔ́ laa jʉ’ó, jú’u yɔɔn nò, ńzɛ́te Yěsô ngie: Mé té ńgɔɔn gɔɔn wɔ́ ngie ɔ̀ gɔɔn mefʉ̀ pɛ́’ɛ̀ tà sáŋa wég mǒ ka?

Heber 11:7

Á la fó pɔ́ ná pá’ Noah zǎb ntʉ́m wé nà Ssé, à tè lɔgɔ mmó gie Ssé tʉ̌ njÿó ńnyɛɛ yé, ńdɔg ḿma’a kwàŋ wɔ́. À piŋ ńgwɔ́ mmó gie mé la nyé tè gyá. Áa yɛ̌ Noah kwóon *máamáa kanú’, lélɔg ńgÿo ngẅɛ̀ ye kúu tsoló ńtẅɛ́, ńdɔg pú’u, ńnyɛ ngie ntsaŋ ee twó petsɔ́ pʉ̀a, tá mbà á gʉa ná yé, á fó ná pá’ à zǎb ntʉ́m wé nà Ssé, e Ssé cʉ́’ ńdíe yé pɔ́ pá’ nyìŋ gẅie aa ndʉŋ ndʉŋ mvfò yé.

Megàŋ ntúm 26:5

Mèŋ, n dɔ̌ɔn ńnéŋe ná ntí gie nyìŋ ná nùɔ pà *farisay neŋé pú’u, é piŋ ńgwɔ́ pʉ̀a ńcʉŋe nà *lepʉ̌ nò Ssé yég tɛ’. Pà Yuda lɔɔn ńkwoŋ, pɔ́ shwóŋó nkwɔbɔ́ ngie, anò gie mèŋ n gɔɔn lɔɔn, áa nò nénʉ́. Pɔ́ zɔɔn ḿbú ńzsé wɔ̀ɔn tà fó tàa lyɛ̌’.

Megàŋ ntúm 20:31

Pi pɔ́ɔn légwá’a lÿɔ̀g. Pi kímte ngie n ka lɔg ngù’ tá, á gwɔ́ pɔ́ letsẅɛ́’, ńgwɔ́ pɔ́ zsǒ, mèŋ n ne ńnáa ntÿɔgɔ́ mbwo wɔ̌wɔ́ɔ tsetsɛ̀ɛ pi té kʉ́a. Tà ńgwɔ́ ná, ńne ńdʉa.

Megàŋ ntúm 15:5

Tá tsɔ́ ntá’ pà *farisay, pie pɔ́ ka záb ntʉ́m wɔ́b ná Yěsô, é ne ńkẅi yɔ́b pɔ́ ngie: Á zɛ́te ngie mé pú’ pʉ̀a pie pɔ́ gwaa záb ntʉ́m wɔ́b ná Yěsô, pɔ́ té pà Yuda wɔ́, ḿbiŋ ńzɛ́te mbwo pɔ́b ngie pɔ́ giŋ pá’ *lepʉ̌ Mǒsê ne ńzɛ́te.

Megàŋ ntúm 5:17

Tándá pànuŋe pwɔ́’ pâ pʉ̀a pie pɔ́ la ně ńtóonte nò yé lêen ńké ńzyé lekwɔ́’ɔ lóŋ ntí megàŋ ntúm. Pàtóonte nò yé ŋwɛ́ gwɔ́ ná nùɔ gie mé lɔ́ɔn ńtóŋo le ye pà *sadukay.

Ŋwà’ne Jâŋ 8:44

Agẅi tá aa Sátá, pi piŋ né ńkwoŋo légÿo mmó gie à né ńtsɔ́ɔn. Á gʉa ná yé, mbà tà fó nzyeté, á gwɔ́ pɔ́ nzẅè nyìŋ. À laa mé ńgiŋe tsɛ̀ɛ nò nénʉ́ wɔ́. Ńtí nue à tè nò nénʉ́ tsɛ̀ɛ ntʉ́m yé gẅiin, tà tsoon lǎg. À gwɔ̌ tà ne ńcÿɔ nò, á gwɔ́ pɔ́ kwà’ shwóŋè yé, á nue aa ngàŋa cÿɔ nò, ńgwɔ́ nyìŋ gẅie yé zɔ la nuŋe cÿɔ nò.

Ŋwà’ne Jâŋ 1:24

Pʉ̀a pie mé la túmo wɔ́b mbwo Jâŋ la, lâ pà *farisay.

Lukase 18:11

Nyìŋ *farisay kúu wó, ńtyé mángyɛ̌ ńně sẅíŋte Ssé ngie: E Ssé yɔ̀ɔn, mèŋ n nǎ ndǎg mbwo gù tɛ’, ńtí pá’ ɔ̀ la gÿo mèŋ n tè gwɔ́ pá’ petsɔ́ pʉ̀a mesoŋ wɔ́. Pɔ́ ée metsǒŋ, pɔ́ té gÿo mmó gie ɔ̀ ne ńkwòŋo wɔ́, éfʉte mezwě pɔ́b, mèŋ n nǎ ndǎg mbwo gù, mélà’mie mèŋ n tè pá’ nkẅè ncùb pà *Roma ŋwɛ́ wɔ́.

Lukase 16:14

Yěsô gɔɔn pú’u, pà *farisay pie é laa jʉ’ó jú’, ḿbú sóon, ńgẅe yé, mélà’mie pɔ́ gɔ’ nkáb tɛ’.

Lukase 7:30

Tá ńgʉa ná pà *farisay, pâ pàkyàgte mbʉ̌ Ssé, mbà pɔ́ la gwá’a yɔ́b yɛ̌ nò gwǎ’, tá á gwɔ́ gie Ssé la nyɛte ńtíi wɔ́b, ńgwá’ pú’u, pɔ́ té zẅíŋ Jâŋ nu’u wɔ́b ntse wɔ́.

Malékuse 12:18

Etsɔ́ ntá’ pʉ̀a nà nùɔ pà *sadukay leen ńké ńtóo lejʉ́ŋ Yěsô. Pà *sadukay ée pʉ̀a pie pɔ́ té zẅíŋ ngie mepfó ge gÿo zíme nà legwé wɔ́. Pɔ́ zɛ́te mbwo Yěsô ngie:

Malékuse 12:13

Pɔ́ gÿo ńtúm pʉ̀a nà nùɔ pà *farisay, pâ nùɔ ye *Herôd ngie pɔ́ gʉa fa’ pá’ à lɔɔn ńgwɔ́ pɔ́ fó nà nò gie Yěsô gɔ̌ɔn ńgwóon yé.

Malékuse 8:15

Pâ pɔ̌ ne ńgee pú’u, Yěsô gɔɔn né pɔ́b ngie: Pi laga twó gí, ḿbɔ́ɔn *mvòŋ pà *farisay mbɔɔ ye fùɔ *Herôd.

Matio 22:34

Pʉ̀a *farisay gwɔ́ tà ńjú’ pà’ Yěsô jÿɔ̌’ ncwò pʉ̀a *sadukay, ḿbú ńcú’te lejʉ́ŋ Yěsô.

Matio 22:15

Pʉ̀a *farisay gwɔ́ lyɛ̌’, ńgÿo cú’tè, éfa’ pá’ à lɔɔn ńgwɔ́ pɔ́ fó ná nò gie Yěsô gɔ̌ɔn ńgwoon yé,

Matio 12:24

Tá’ pʉ̀a *farisay, jú’ pú’u, ńgɔɔn ngie: Bɛlzebùl, tándá *messé tepòŋ zɔ́ gÿo tá Yěsô ku’u léjwoŋ *messé tepòŋ.

Matio 5:20

!Áa yɛ̌ tá mèŋ n gɔɔn né pi ngie: Pi lɔɔn té kú’te *lepʉ̌ mbòŋo ńtɔ́g *pàkyagte lepʉ̌ Mǒsê lâ pà *farisay wɔ́, mbà pi tě ńdá’a ńkúu ná nò *lefùɔ Ssé wɔ́.

Heber 6:18

Pú’u la, eshúm ée wó sépʉ́a sie à lɔɔn ńgwɔ́ é le kúbe, pá’ e Ssé la ka’a nò mbɔɔ pá’ à la kʉa, é gwɔ́ menò mie á tʉ tà Ssé gɔɔn mé fa’ kékáŋ. Wɛ̌ le gwɔ́ kẅiŋte wég tɛ’, á wég gẅie peg léen ńnyé kɔ̀ɔkɔ́ɔ, nkwaŋá wég cʉ́’ ńtyé pɔ́ nà mmó gie peg zẅí’te mbwo yé.

Matio 15:12

*Ngàŋa kwò Yěsô leen ńké sẅɛ’te nnɛ́ ńto ńzɛ́te yé ngie: Tà ɔ̀ ne ńzsé ngie: Ànò gie ɔ̀ gɔ̌ɔn la gegé pà *farisay tɛ’?

Matio 16:1

Pà *farisay lâ pà *sadukay tó ńzẅí’ ncwò Yěsô, ńzɛ́te yé ngie à nyɛɛ wɔ́b liŋé gie á la’te ngie Ssé zɔ túmo yé.