Matio 3:6 - Nouveau Testament en Ngienboum

⁶ ńtyé mvfò mânyìŋ ntsèm, ńzẅíŋe meno tepoŋ mɔ́b, á nu’u wɔ́b tsɛ̀ɛ ntse Jurdeŋ.

Matio 3:6 Referans Kwoze

Megàŋ ntúm 19:18

Lelÿò pʉ̀a zẅíŋe nò Yěsô, ḿbiŋe ne ńtóo ńtyé tsetsɛ̀ɛ pʉ̀a ńkwé’e ngyè yɔb tÿǒ ńzẅíŋe mmó gie pɔ́ ka gÿo, á tepòŋ.

1 Jâŋ 1:9

Pege lɔɔn ńzẅíŋ mefʉa mégè, mbà Ssé ge lege ná né pege, éfó ná pege kẅile nò tepòŋ ntsèm, mélà’mie e Ssé ka’a mmó ńgÿo, á gwɔ́ ndʉŋ ndʉŋ

Heber 9:10

Yɛ̌ ntí legu’te Ssé ee ntí gie e lǐe pɔ́ mbùm nyìŋ, á gwɔ́ nò ńdíe shúm léjÿó, ńdíe melù’, ńdíe lésɔg *melɔ̌’. Metʉ̀ mɛ̌ mbʉ̌ la gẅiin légwɔ́ wó tà ńdá’ ńkú pɔ́ fʉ̀’ gie e Ssé lɔ̌ɔn ńge gíŋe gÿo kɔ̀ɔkɔ́ɔ pɔ́ sẅe sẅé.

Matio 3:11

Mèŋ, n gẅiin yɔ́ɔn pɔ́ ndà’ lénu’u gẅi tsɛ̀ɛ ntse, lélɔg ńnyɛ ngie pi kubé mà. Tá nyìŋ gẅie aa nzèm mèŋ ńne ńtóo, ge tó yé néŋ pʉ̀a mbwó Zẅìge Ndʉalʉ̌a, é néŋ pʉ̀a tsɛ̀ɛ mmɔ̌g. À cʉa wɔ̀ɔn, tà mèŋ n tè ku’u lésẅɛ melɔ̌ɔn mé wɔ́.

Heber 6:2

pá’ lezi’í nò nà mekẅé ntse, pá’ lezi’í nò ná lezǎb mbwó twó pʉ̀a, pá’ lezi’í nò ná *lezimé nà legwé mbɔɔ ná pá’ e Ssé ge lá’ tsɔ́’te mentsaŋ é lɔg zsote.

Kolosia 2:12

Á laa fʉ̀’ gie mé la nu’u gẅi tsɛ̀ɛ ntse, mé laa pú’u, ńdɔgɔ ḿbúte gẅia Kristo ńnéŋe tsɛ̀ɛ lesyè, pia pɔ́ gíŋe ḿbúte ńzíme nà legwé, á nue pi zẅǐŋ ngie e Ssé gẅie à la zíme Yěsô ná legwé, à gẅiin tʉ̀ lélɔg ńgÿo pi zím gí nà legwé.

1 Korento 10:2

ńdɔg pú’u, ńkẅé ntse, ńcʉ́’ pʉ̀a Mǒsê.

Megàŋ ntúm 22:16

Ɔ̀ɔ fʉ̀’ɔɔn ńnyé ńzẅí’te kɔ́. Lu ssé ńtó mé lɔg lezíŋ sé ńnu’u gú ntse, ńdɔg sɔg menò tepòŋ mú.

Megàŋ ntúm 11:16

N deen ńké ńkímte shwóŋè Cʉ̀apʉ̀a pá’ à la gɔɔn ngie: Jâŋ la nu’ pʉ̀a ntse, tá ńgʉa ná pi, mbà Ssé ge gÿo ńnéŋe gẅi mbwo Zẅìge Ndʉalʉ̌a.

Megàŋ ntúm 1:5

Á gwɔ́ pá’ à la shwóŋó wɔ́b ngie: Jâŋ la nù’ pʉ̀a ntse, tá ńgʉa ná pɔ́b, mbà é cʉ́’ lyɛ̌’ shÿɔ́’ɔ tsɔ́ wɔ́, e Ssé ńnéŋe wɔ́b mbwo Zẅìge Ndʉalʉ̌a.

Lukase 3:16

Tá á tsɔ́’ɔ mbwó pɔ́b metsèm ngie: Mèŋ n dêen ńgẅiin yɔ́ɔn pɔ́ ndà’ lénu’u gẅi tsɛ̀ɛ ntse. Tá tsɔ̌ ndÿò ne ńtóo; à cʉa wɔ̀ɔn tà mèŋ n tè ku’u lékyɛ́’ menkÿo melɔ̌ɔn mé wɔ́. À ge tó néŋ pʉ̀a mbwo Zẅìge Ndʉalʉ̌a, é néŋ pʉ̀a tsɛ̀ɛ mmɔ̌g.

Malékuse 1:5

Pʉ̀a tà ńgyɔ́ɔn leen ńké fóo tsɛ̀ɛ pàga ngwòŋ Jẅidea ńtóo, lelÿò fóo Yerósalem ńtóo ńgyá Jâŋ, ńzẅíŋe menò tepòŋ mɔ́b, á nú’u wɔ́b tsɛ̀ɛ ntse Jurdeŋ.

1 Piɛ 3:21

Wɛ̌ ntse é laa liŋé kẅe ntse gie á gÿo pi tsẅɛ́ɛ fʉ̀’ɔɔn lɔɔn. Mé téen ńdɔgɔ sɔgɔ pɔ́ ncÿǒ nà mbùm nnɛ́ wɔ́. Á gwɔ́ pɔ́ lélɔg ńdúɔ mbwo Ssé ngie à sɔg mentʉ́m mégè, é le gíŋe ńŋaga wégè wɔ́. Akẅe ntse lɔgɔ pú’u, ńgÿo pi tsẅɛ́ɛ, ńzẅɛ́’ɛ pá’ Yěsô Kristo la zíme nà legwé.

Ŋwà’ne Jâg 5:16

Pú’u la, pi zẅíŋ mefʉa tsetsɛ̀ɛ pi. Nyìŋ zẅíŋ mefʉa mbwo fɛ́ we, afɛ̌ we zẅíŋe mbwo yé. Nyìŋ gẅi sẅíŋte Ssé nà twó fɛ́ we. À cʉ́a pú’u, pi zeŋe. Asẅíŋte nyìŋ gẅie áa ndʉŋ ndʉŋ mvfò Ssé, á giŋ tɛ’.

Lukase 1:16

À gÿo pʉ̀a Israel tà ńgyɔ́ɔn sele ntʉ́m wɔ́b, ḿbiŋe mbwo Cʉ̀apʉ̀a Ssé yɔb.