Matio 3:10 - Nouveau Testament en Ngienboum

¹⁰ Mé ně ńzɔɔn ndá’ ńkaa ńzɔɔn lélɔg ńkɔ́’ɔ yɛ̌ yɛ̌ tÿǒ wɔ́ gie á té zém ntɔ̌ɔn mbòŋo wɔ́, éfó ssé kɔ́’ɔ yé, e ké ma’ pɔ́ mmɔ̌g

Matio 3:10 Referans Kwoze

Ŋwà’ne Jâŋ 15:6

Nyìŋ lɔɔn tè la nnɛ́ ná mèŋ wɔ́, á gwɔ́ pá’ pwó tÿǒ gẅie mé *kɔ̌’, ḿma’a nzèm nká’ á júm. Mé gÿo ḿbí ńtuɔ mmɔ̌g.

Lukase 3:9

Mé ně ńzɔɔn ńdá’ ńkaa nzɔ́ɔn lélɔg ńkɔ́’ɔ yɛ̌ yɛ̌ tÿǒ wɔ́ gie á té ně ńzéme ntɔ̌ɔn mbòŋo wɔ́, éfoo Ssé kɔ́’ɔ yé ké ma’ pɔ́ mmɔ̌g.

Matio 7:19

Àtÿǒ gie á té zém ntɔ̌ɔn mbòŋo wɔ́, mé kɔ́’ ńtuɔ mmɔ̌g.

Ŋwà’ne Jâŋ 15:2

Á gyá pwó tÿǒ gie à té ne ńzéme wɔ́, ńkɔ́’, ńtóo ná gie à ne ńzéme mentɔ̌ɔn, ńnyɛte ńkwɔ́gɔ wé wɛ̌, á cwoŋo ńzém mentɔ̌ɔn mboŋó.

Heber 6:8

Tá ńgwɔ́ gie kɔ́ɔn *ngùb pɔ́ nyɛ́’ ŋu’ zɔ̌ lɔɔn ńkwɔ́’ɔ nà yɛ̌ jʉ’ʉ tsetsá’, mbà á té kẅéte nà tsɔ́ mmó wɔ́, mbà Ssé ge néŋ ndòon mǒ, mé gwá’, ńgÿo ńcʉ́’ʉ ńgwá ńtuɔ tuɔ.

Matio 21:19

Á gyá tÿǒ mbÿě ngem ngʉ̀ŋe mánzsè, ńgʉa tsìŋe wó, ńgyá pɔ́ ndà’ meffo mǒ, ńgɔɔn né tÿǒ ayɛ̌ ngie: Ɔ̀ tě ńdá’a ńgíŋe ńzéme ntɔ̌ɔn wɔ́! Àtÿǒ ayɛ̌ gwóon ńjúm.

Lukase 23:31

É tsɔ́ɔn lékwé pú’u, á nue mé lɔɔn ńgÿo pá’ɔɔn nà tÿǒ gie á ne ńzéme ntɔ̌ɔn, mbà mé ge tó kúu nà tÿǒ gie á té ne ńzéme ntɔ̌ɔn wɔ́ é gÿo lêkɔ́?

Heber 12:25

Pú’u la, pi pɔ́ɔn le lʉ’ʉ lézẅí’te nò gie á kẅɛɛ ncwò nyìŋ gẅie à ne ńgɔɔn nò mbwo pi, á nue á lɔɔn ńgwɔ́ gie mé la néŋ ntsaŋ twó pʉ̀a pie pɔ́ la lʉ’ʉ lé jú’u nò gie Mǒsê laa ndùmo ssé tsetsá’ ńne ńkága tuŋó yɔ́b mǒ, mbà pege lɔɔn ńtém nzèm Ssé gẅie aa tÿǒ lepwó, ńne shwóŋó wégè nò, mbà á ge gǎ tá pege e le kú pɔ́ ngɔ́’ gie e tɔ́g yɛ̌ wɔ́.