Matio 28:8 - Nouveau Testament en Ngienboum

⁸ Pànzwě gwóon fó ngʉ̀ŋe lesyè ńgʉa létsẅii yɔɔn nò mbwó *ngàŋa kwò Yěsô. Ecÿɔ’ nyé ńgwɔ́ pɔ́ ná pɔ́b, tá pɔ́ ne ńkága kǎg,

Matio 28:8 Referans Kwoze

Malékuse 16:8

Panzwě ŋwɛ́ leen ḿbú ḿbɔ́g pɔ́g, ńkẅɛ ńkÿo, ḿbú ńtebe tà fó tè gíŋe ńku’u létsẅii nò mbwo nyìŋ wɔ́, mbà cÿɔ’ pǔ ńgwoon wɔ́b.

Ŋwà’ne Jâŋ 16:20

Tà mèŋ shwóŋó gẅí, kwà’ nénʉ, pi ge gÿo lʉa, é cúa mbùm gí, é ńnéŋe nê lemÿɔg, epʉ̀a njÿó ne ńkága yɔ́b kǎg. Tá lemÿɔg gẅi gÿo sele ńcʉ́’ pɔ́ lekág.

Ŋwà’ne Jâŋ 16:22

Áa ndʉŋ ndʉŋ pá’ pi ee fʉ̀’ɔɔn ńne ḿmÿɔgɔ mÿɔg, tá mèŋ n ge gÿo gíŋe gyá gẅí, pi lêen ńké ńcʉ́’ʉ ńkága kǎg. Atsɔ̌ nyìŋ le ku’u lévéle gẅi lekág wɔ́.

Matio 28:7

Pi gwóon ńgʉa shwóŋ *ngàŋa kwò yé ngie à zimé nà legwé, ńgie à vɔgɔ́ Galilea ńně ńzẅí’te gẅi lâ pɔ́, pi ge kúu wó tá gyá yé. Yɔɔn aa nò gie mèŋ n kɔ’ɔ́ ńgẅiin léshwóŋó gẅí.

Matio 28:9

ńtóo légiŋ, ḿbumte Yěsô. Á gɔɔn né pɔ́b ngie. N tsyɛ’té gẅí! Pɔ́ kẅí’te mvfò yé, ńkíbe mekwò mé, ńgu’te yé.