Matio 28:10 - Nouveau Testament en Ngienboum

¹⁰ Yěsô leen ńké ńgɔɔn né pɔ́b ngie: Tà pi pɔ́g. Pi gʉa ńtsẅi né mefɛ́ pɔ́ɔn, ńgie pɔ́ gʉa né Galilea, ńgie pɔ́ ge gyá wɔ̀ɔn pɔ́ wó.

Matio 28:10 Referans Kwoze

Roma 8:29

Á nue pʉ̀a pie e Ssé la tʉ́ njÿó ńtsɔ́’ɔ wɔ́b, à la gíŋe ntʉ́ njÿó ńzáb ngie mémmó ge lá’ ne kúbe ná pɔ́b kubé, tà pɔ́ sẅé Míŋ we. À cʉa pú’u, Míŋ we gwɔ́ mûɔ ndÿò á nùɔ mefɛ́ pé pie é gyɔ́ɔn.

Ŋwà’ne Jâŋ 20:17

Yěsô gɔɔn né yé ngie: Tè gíŋe ndáte wɔ̀ɔn, á nue mèŋ n nyě tè kwɔ̌’ tà ńkúu lejʉ́ŋ Tá wɔ̀ɔn. Ké ńgʉa ńgyá mefɛ́ pɔ́ɔn, ńgɔɔn né pɔ́b ngie: Mèŋ n ge kwɔ́’ nê lejʉ́ŋ Tá wɔ̀ɔn mie à giŋé ńgwɔ́ Tá gẅi. Á lejʉ́ŋ Ssé yɔ̀ɔn gie e giŋé ńgwɔ́ Ssé gi.

Matio 28:7

Pi gwóon ńgʉa shwóŋ *ngàŋa kwò yé ngie à zimé nà legwé, ńgie à vɔgɔ́ Galilea ńně ńzẅí’te gẅi lâ pɔ́, pi ge kúu wó tá gyá yé. Yɔɔn aa nò gie mèŋ n kɔ’ɔ́ ńgẅiin léshwóŋó gẅí.

Malékuse 16:7

Pi gʉa fʉ̀’ɔɔn shwóŋó Piɛ, pâ yetsɔ́ *ngàŋa kwò Yěsô ngie à vɔgɔ́ Galilea, ńne ńzẅíte gẅi pá’ à la shwóŋó gẅi ngie pi ge lá’ gyá yé wó la.

Matio 28:5

Tá *cÿɔ́’ Ssé gɔɔn né pànzwě ngie: Tà pi pɔ́g, n zsě ngie pi tóo fa’ Yěsô gẅie mé ka kime yé ná tÿǒ kǐ la.

Matio 14:27

Tá Yěsô gwóon ńgɔɔn né pɔ́b ngie: Pi pʉ́le ńnéŋe, à gwɔ́ pɔ́ mèŋ, tà pi pɔ́g.

Ŋwà’ne Jâŋ 6:20

Tá Yěsô gɔɔn né pɔ́b ngie tà pi pɔ́g, à gwɔ́ pɔ́ mèŋ.

Matio 25:45

Fùɔ tsɔ́’ɔ mbwó pɔ́b ngie: Mèŋ shwóŋó gẅí, kwà’ nénʉ́, mbàa yɛ̌ fʉ̀’ wɔ́ gie pi la tè gÿó mɔɔn menò á ná wɛ̌ mûɔ ményìŋ gẅie aa fɛ́ wɔ̀ɔn mɔ́, mbà pi la gíŋe tè mmó ná mèŋ gÿo.

Matio 25:40

Àfùɔ tsɔ́’ɔ mbwó pɔ́b ngie: Mèŋ shwóŋó gẅí, kwà’ nénʉ́, mbàa yɛ̌ fʉ̀’ wɔ́ gie pi la gÿo mɔɔn menò, ná wɛ̌ mûɔ ményìŋ gẅie aa fɛ́ wɔ̀ɔn mɔ́, mbà pi lɔ̌ɔn ńgÿo pɔ́ ná mèŋ.

Matio 26:32

Yěsô gíŋe ńgɔɔn ngie: Mèŋ n ge gÿo gwɔ́ tà zíme nà legwé, e vɔgɔ Galilea zẅí’te gẅí.

Matio 28:9

ńtóo légiŋ, ḿbumte Yěsô. Á gɔɔn né pɔ́b ngie. N tsyɛ’té gẅí! Pɔ́ kẅí’te mvfò yé, ńkíbe mekwò mé, ńgu’te yé.

Matio 28:16

*Ngàŋa kwò Yěsô ntsɔ̀b yémɔ’ɔ́ nê legém la jú’u nò gie Pànzwě pá gɔ̌ɔn, ńgʉa né Galilea, ńkwɔ́’ɔ ndùm lekwɔ’ɔ́ sie Yěsô la gwɔ gwɔ́, mbà à la la’te mbwó pɔ́b, ngie pâ pɔ́ ge lá’ pumte wó