Matio 27:51 - Nouveau Testament en Ngienboum

⁵¹ Yěsô cʉ́m pú’u, nzsǒ gie mé la lɔg ńkʉŋe tsɔ́ jʉ’ tsɛ̀ɛ *jʉ’ʉ Ssé fó tÿǒ shʉa pàg pʉ́a tá ńkúu ssé. Tsetsá’ cʉ’ʉ, metóon shʉ́ate,

Matio 27:51 Referans Kwoze

Malékuse 15:38

Yěsô cʉ́m pú’u, nzsǒ gie mé la lɔg ńkʉŋe tsɔ́ jʉ’ tsɛ̀ɛ ndá gie ee *jʉ’ʉ Ssé, éfó tÿó shʉa tà ńkúu Ssé.

Heber 6:19

Legwɔ́ gẅie pege ne ńzẅí’te mmó pɔ́ mbwo Ssé gÿo ntʉ́m wégè pʉ́le ńnéŋe té vɛ. Pege ne ńkwa’a ńzsé ngie pege ge lá’ shúu sẅɛ́, é kúu jʉ’ gie e Ssé ee wó.

Lukase 23:45

Nzsǒ gie mé la lɔg ńkʉŋe jʉ’ gie *pànùŋe pwɔ́’ tyé wɔ́ ndá Ssé, éshʉa tsetsɛ̀ɛ, éfó tÿǒ ńkúu ssé.

Ŋwà’ne Ngyà jʉ’ 11:19

Pɔ́ gɔɔn pú’u, tà ńgwɔ cʉ́me, ncwò jʉ’e Ssé gie áa tÿǒ lepwó tsɔ́’ɔ ńtyé, akʉ̀b gie e Ssé la lɔg ńgwaa *kʉ̀a kẅɛ ńtyé tsɛ̀ɛ jʉ’ yé ŋwɛ́. Menně mbʉ̀ŋ kyɛ’ jʉ’. Mé jú’ ngyè *mecÿɔ́’ Ssé, ńjú’ lefaŋ vɛ́te ngʉ̀a ngʉ̀a. Atsetsá’ cʉ’e. Megẅì pú ńgwe pá’ɔɔn tɛ’.

Matio 27:54

Yěsô lá kwé pá’ɔɔn, tándá pàlÿɔ́’ ncù pâ pàlÿɔ́’ ncù pie é la ne ḿbyɛ́be Yěsô gyá pá’ tsetsá’ pǔ ńcʉ’ʉ, ńgíŋe ńgyá kɔ́ɔkɔ́ wɔ́ gie á ne ńcʉa, ḿbú ńcÿɔ’ tɛ’, ńgɔɔn ngie Yěsô kaa kwà’ Míŋ Ssé.

Matio 28:2

ńdeen ńkúu wó ńjú’ tsetsá’ pú ńcʉ’ʉ tɛ’. *Cÿɔ́’ Cʉ̀apʉ̀a fó tÿǒ lepwó sẅɛ́’, ńtó ńkite tóon gẅie mé ka lɔg ńjÿɔ́’ ncwò lesyè, ńkwɔ́’ ńnéŋe ná tóon ŋwɛ́.

Ŋwà’ne Ngyà jʉ’ 11:13

Pɔ́ ne ńkwɔ́’ɔ pú’u, atsetsá’ pú ńcʉ’e tɛ’. Tà’ nzsè tÿǒsoŋ á nà nzsè legém á kème. Tsetsá’ cʉ́’e pú’u, ńzẅete pʉ̀a mesoŋ ntsá’ sɔɔn mbʉ́a. Apfwɔ́’ɔ pʉ̀a pie pɔ́ tsẅɛ̌, á gyá ḿbɔ́g, ńnáa legú’ mbwo Ssé gẅie à ńnéŋe tÿǒ lepwó.

Heber 9:3

Lúm we tsoló gẅie aa nzèm mmó nzsǒ yɛ̌ gwɔ́ kwà’ jʉ’e Ssé.

Lukase 23:47

Tá ndá pàlÿɔ́’ ncù pà *Roma jʉ’ó la pú ńgyá kɔ̀ɔkɔ́ɔ wɔ́ gie á pǔ ńcʉa, tà ye mbÿɛ̌ gwɔ́ le gɔɔn ngie: Nyìŋ wɔɔn kaa tèfʉa. Ashwóŋè yé ŋwɛ́ ná mekù’ mbwo Ssé.