Matio 26:52 - Nouveau Testament en Ngienboum

⁵² Yěsô gɔɔn né yé ngie: Néŋ nně jù tsɛ̀ɛ mbʉ́a, nyìŋ gẅie à soŋo nně ge lá’ kwé pɔ́ nně.

Matio 26:52 Referans Kwoze

Ŋwà’ne Ngyà jʉ’ 13:10

Nyìŋ lɔɔn ńgwɔ́ gẅie mé la záb ngie à ge lá’ gwɔ́ pu’u ncù, mbà à ge lá’ gwɔ́ pɔ́ wɛ̌. Nyìŋ gẅie mé la záb ngie mé ge lá’ lɔg nně ncù, é zẅé yé, mé ge lá’ lɔg pɔ́ yɛ̌ zẅé yé. Yɔɔn nò lɔgɔ ńgɔɔn ngie pʉ̀a pie ée pe Ssé gẅiin léshÿɔg, ńké ńne ńzába pɔ́ ntʉ́m nà Ssé.

Roma 12:19

Pi meshǔ pɔ́ɔn, tà nyìŋ gẅi sele ńtsɔ́’ɔ nò tepòŋ gie mé gÿǒ ná yé, ńnáa tsɔ́. À nyé e Ssé zɔ lá’ ḿbÿɛ, á nue áa tsɛ̀ɛ ŋwà’ne Ssé, yé Cʉ̀apʉ̀a gɔɔn ngie: «Mèŋ n zɔ gẅiin létsɔ́’ɔ nò tepòŋ ńnáa tsɔ́, mèŋ n zɔ gẅiin ntsɔ’ɔ́ fà’ we wɔ̌wɔ́ɔ».

1 Piɛ 3:9

Tà pi lɔgɔ nò tepòŋ ńtsɔ́’ɔ nò tepòŋ. Tà mé zoonte gẅi pi pʉŋe. Tà ńcʉ́’ pú’u, pi gɔɔn ngie e Ssé gwɔ́ nê ngàŋ, e Ssé la tsɔ́’ɔ gẅi pɔ́ pá’ à ge gwɔ́ né pi.

Ŋwà’ne Ngyà jʉ’ 16:6

Á nue pɔ́ la pfɛte metse pʉ̀a pú, mbɔɔ me pà Ntsẅi nkʉ̀ pú. Ɔ̀ kě ńná metse pɔ́ nú. Á gwɔ́ pá’ á kě ńne ńzɛ́te ngie mé gÿo ná pɔ́b pú’u.

1 Tesalonika 5:15

Pi pɔ́ɔn lélɔgɔ nò tepòŋ ńtsɔ́’ɔ nò tepòŋ. Pi gÿo pɔ́ nò mbòŋo tsetsɛ̀ɛ pi té tyɛ̀’te.

Matio 5:39

!Tá’ mèŋ n gɔɔn né pi ngie: Tà pi tsɔ́’ɔ piŋé nò nyìŋ gẅie à gÿǒ nò tepòŋ ná pi ńnáa yetsɔ́. Nyìŋ cúɔ pwó letuŋó nyìŋ, á sele yetsɔ́ gwǒŋ á mege ńcúɔ.