Matio 26:49 - Nouveau Testament en Ngienboum

⁴⁹ Jẅidas gwóon ńtsíŋte nnɛ́, ńtóo lejʉ́ŋ Yěsô, ńgɔɔn ngie: À Ndè, n tsyɛ’té, ńdeen ńgwóon ńtáŋte yé.

Matio 26:49 Referans Kwoze

1 Tesalonika 5:26

Pi tsyɛ’te mefɛ́ mefɛ́ métsèm, ńcʉ́’ʉ létsyɛ’te ńtáŋte mennɛ́ mí nà ntí ye pʉ̀a Ssé.

Matio 26:25

Jẅidas, ngàŋ menáŋ wɛ̌, zɛ́te yé Yěsô ngie: Tsítsà ɔ̀ gɔɔn wɔ̀ɔn ka? Yěsô tsɔ́’ɔ mbwó yé ngie: Gù zɔ kě ńgɔɔn!

Ŋwà’ne Jâŋ 19:3

Ńne sẅɛ́’te nnɛ́ ńtóo lejʉ́ŋ yé, ésíe yé ngie: Mé tsyɛ’té fùɔ pà Yuda! Ńtéme mbwó metuŋó yé.

Lukase 7:45

Ɔ̀ kaa tsyɛ’te wɔ̀ɔn, ésiŋte wɔ̀ɔn mɔ́. Tá á gʉa ná yé, mbà tà fó pá’ à ně ńkúu ndá yɔɔn, à ne siŋte mekwò mɔ́ɔn té kʉ́a.

Malékuse 15:18

ńdeen ńké ńzye létsyɛ’te yé, ńně ńgɔɔn ngie: Mé sǐe fùɔ pà Yuda!

Matio 23:7

Pɔ́ kwoŋ ngie mé tyé mangǐɛ, ńtsyɛ’te wɔ́b lê mekù’, epʉ̀a piŋ ńnéŋe ńtóŋo wɔ́b lê tsítsà.

Matio 23:8

Tá ńgʉa ná pi, tà pi gÿo ngie mé tóŋo gẅi ngie tsítsà, á nue pi gwɔ́ pɔ́ mefɛ́ mefɛ́, ḿbiŋ ńgẅiin pɔ́ tà’ tsítsà wémɔ’ɔ́.

Matio 26:48

Á gwaa gwɔ́, mbà Jẅidas la shwóŋó wɔ́b pá’ à ge gÿo tá pɔ́ liŋe Yěsô, yɛ̌ liŋé gwɔ́ ngie yé lɔɔn ńtsyɛ’te nyìŋ, ńtáŋte yé pɔ́ zsé ngie aa yé ḿbiŋ ńgwoon yé.

Ŋwà’ne Jâŋ 4:31

Ńgwɔ tó pú’u, *ngàŋa kwò yé ne ńtsíŋe yé ńgɔɔn ngie: Rabbi, pfɛ́ɛ mémmó la.