Matio 26:40 - Nouveau Testament en Ngienboum

⁴⁰ Yěsô sẅíŋte Ssé pú’u, ḿbiŋ nzèm né lejʉ́ŋ *ngàŋa kwò yé, ńgyá pɔ́ ne ńdyé. Á gɔɔn né Piɛ ngie: Pi fǒ kaa ku’ pá’ ńgwɔ́ pege pú shÿɔgɔ lelɔ́g mbɔɔ ná tá’ ném wɔ́ la!

Matio 26:40 Referans Kwoze

Malékuse 14:37

Yěsô sẅíŋte Ssé pú’u, ḿbiŋ nzèm lejʉ́ŋ *ngàŋa kwò yé, ńgyá pɔ́ ne ńdyé lyě. Á gɔɔn né Piɛ ngie: Símo, ɔ̀ lyě lá? Ɔ̀ fǒ kaa ku’u léná’a shÿɔgɔ lelɔ́g mbɔɔ ná tà’ nèm wɔ́ la?

Lukase 22:45

Esẅíŋte Ssé tà ńtsẅé jʉ’, ḿbʉ́’ʉ nnɛ́, ḿbiŋ nê lejʉ́ŋ *ngàŋa kwò yé, ńgwɔ tó, mbà pɔ́ mÿɔ̌g tà ńkʉ́a ńdyéte.

Matio 26:43

ńgɔɔn pú’u, ńgíŋ ḿbiŋ nzèm, ńgyá pɔ́ ne ńdyé lyě, mélà’mie á la gwaa gwɔ́, mbà lelɔ́g pǔ ńgwoon wɔ́b tɛ’.

Lukase 9:32

Á gwaa gwɔ́, mbà Piɛ pâ petsɔ́ pʉ̀a pǔ ńdyé tɛ’, pɔ́ gwɔ vege, ńgyá shʉ́shÿɔ́g Yěsô ne ńkyɛ’ɛ jʉ’, Yěsô pâ pʉ̀a pá mépʉ́a tyé jʉ’ó.

Matio 26:35

Piɛ gɔɔn né yé ngie: Mé lɔɔn fó ḿbúte wɔ́gɔ́ ne ńdɔgɔ ńge pɔ́ nzẅě, mbà à lɔɔn ńgwɔ́ n de gú moŋe! Yetsɔ́ *ngàŋa kwò yé metsèm gíŋe ńgɔɔn yɔ́b pɔ́ pú’u.

Matio 26:38

ńdeen ńké ńgɔɔn né pɔ́b ngie: Ntʉ́m wɔ̀ɔn ée pá’ɔɔn ne ḿmÿɔgɔ pɔ́ nà ntí gie ńgwɔ́ mèŋ n kwé kwě. Pi ńnéŋe jʉ’ɔɔn, ḿbɔ́ɔn nyìŋ wege légwá’a lÿɔ̀g ńdyé,

Matio 25:5

Nyìŋ gẅie à gee ńzɔ́’ɔ, à tè tɔ́g ńtó wɔ́, pɔ́ ńnéŋe tà lelɔ́g gwoon wɔ́b pɔ́ lyéte.

Matio 26:41

Tà pi gíŋe ńdyé, pi sẅíŋte Ssé, ḿbɔ́g menò njÿó lékwà’te gẅí, pi fʉa nò. Ntʉ́m nyìŋ tʉte tɛ’ tá’, mbùm nnɛ́ pÿɛ́ pÿɛ̌.