Matio 26:29 - Nouveau Testament en Ngienboum

²⁹ Mèŋ shwóŋó gẅí, mèŋ n tě ńdá’a ńgíŋe ńnúu mɔɔn melù’ wɔ́, tà lá’ cʉ́’ʉ núu pɔ́ me sẅé fʉ̀’ gie pege cʉ̌’ ńgwɔ́ pɔ́ tsɛ̀ɛ lefùɔ Tá wɔ̀ɔn.

Matio 26:29 Referans Kwoze

Ŋwà’ne Ngyà jʉ’ 7:17

Á nue mûɔ *Njʉ̀njÿò gẅie à tyé tsetsɛ̀ɛ lʉŋe lefùɔ ge gwɔ́ ngàŋa pyɛ́bɛ wɔ́b, é lɔgɔ wɔ́b é gʉa nà meti’í ntse, á jʉ’ gie ntse ge gÿo mé gwɔ́ wó. E Ssé gÿo ḿbú ńtsí’i ntse nÿɔ́g mɔ́b ntsèm.

Heber 12:2

Pege ne ńtÿɔ́gɔ menÿɔ́g pɔ́ ná Yěsô gẅie à la zí’i wégè lézáb ntʉ́m nà Ssé, yé zɔɔ nyìŋ gẅie à ge lá’ ńnéŋe wégè ná mbwó Ssé ndà’ ndà’. À la nyé lekág gẅie à laa we, mé kíme yé nà tÿǒ nkǐ á shÿɔg shÿɔg, à tè lɔg shʉ́ gẅie ée nà lekwě pú’u, ńtóŋo tsɔ́ nò wɔ́. Aa fʉ̀’ɔɔn ńnéŋe ngʉ̀ŋe lʉŋe lefùɔ ye Ssé, á nà gwǒŋo pwó Ssé ye tʉ̀.

Malékuse 14:25

Mèŋ shwóŋó gẅí, kwà’ nénʉ́, Mèŋ n tě ńdá’a ńgíŋe ńnú mɔɔn melù’ wɔ́, tà lá’ cʉ́’ʉ núu pɔ́ me sẅé á fʉ̀’ gie Ssé zɔ cʉ’ʉ́ sá’a njÿó.

Megàŋ ntúm 10:41

À ka tè nyɛɛ mbwo lá’a ntsèm wɔ́, à ka nyɛ pɔ́ mbwo peg pàjÿó ńgyá pie Ssé la vɔg ńtsɔ́’. À ka zimé nà legwé pú’u, pega pɔ́ jÿó shúm ḿbiŋ ńnú.

Ŋwà’ne Jâŋ 17:13

Áa nà fʉ̀’ɔɔn mèŋ n ne ńtóo né lejʉ́ŋ gù. Tá’ n kě ńtyé tsɛ̀ɛ njÿó ńgɔɔn yɔɔn shwóŋè légwɔ́ gie pɔ́ ge gẅiin wɔɔn lekág ntʉ́m pɔ́b, á kwà’ lekág.

Matio 13:43

Á gwɔ gwɔ́ pú’u, pʉ̀a pie é kú’te *lepʉ̌ Ssé gwɔ́ tsɛ̀ɛ ngwòŋ gẅie Tá wɔ́b Ssé sá’a, ńně ńŋwʉŋe pá’ nèm la. Nyìŋ lɔɔn ńgẅiin metuŋó lélɔg ńjú’u nò á jú’.

Ŋwà’ne Ngyà jʉ’ 14:3

Pɔ́ tyé mvfò lʉŋe lefùɔ, mbɔɔ mvfò menɔ̀ɔn pá lekùa lâ mvfò melÿò pɛ̌, ńne ńzɔbɔ tsɔ́ zɔ́bɔ ntse sẅé, é té ndà’ pʉ̀a ntsá’ nkÿo lê ntsá’ ntsɔ̀b lekùa lê móm lekùa (144.000) pie mé la cu’u wɔ́b ndá nkwɔɔn ndùmo ssé tsetsá’ wɔ́, mbà tsɔ̌ nyìŋ la tè wó tà ńku’u lézí’i yɛ̌ zɔ́bɔ ntse tà ńzɔb wɔ́,

Lukase 15:32

Tá’, á kɔ’ɔ́ ḿboŋ ngie pege kág kwà’ mboŋó, mélà’mie afɛ̌ gù wɔɔn à ka kwě, à zimé nà legwé, à kà pyě, mèŋ n gǐŋ ńgyá yé.

Lukase 12:32

Epʉ̀a pɔ́ɔn, pi gwɔ̌ pɔ́ mbó ntá’ tá’, tà pi pɔ́g, mélà’mie Tá gẅi Ssé ka gyǎ ngie à ge ná lefùɔ mbwo pi.

Ŋwà’ne Jâŋ 15:11

Mèŋ n gɔɔn yɔɔn nò mbwo pi légwɔ́ gie lekág gẅie aa tsɛ̀ɛ ntʉ́m mèŋ ge gíŋe gwɔ́ tsɛ̀ɛ ntʉ́m gẅí, pi gẅiin kwà’ lekág.

Matio 28:20

ńzí’i wɔ́b létÿɔ́gɔ kwò ná menò ntsèm mie mèŋ n da zí’i gẅí. Pi zsé ngie, kwà’ mèŋ n ge lá’a gwɔ́ pɔ́ tsetsɛ̀ɛ pi tà njÿó lá’ ḿmag.

Matio 18:20

Àjʉ’ gie pʉ̀a mépʉ́a ka pʉ̀a métá wɔ́, cu’té wó nà lezíŋ sɔ́ɔn, mbà mèŋ n ge gwɔ́ tsetsɛ̀ɛ pɔ́b.

Matio 16:28

Mèŋ shwóŋó gẅí, kwà’ nénʉ́, etsɔ́ ntá’ ná pʉ̀a pie ée jʉ’ɔɔn fʉ̀’ɔɔn té gÿo kwé, té gwɔ́ gie pɔ́ gyǎ pá’ *Míŋ Nyìŋ tǒ pá’ fùɔ wɔ́.

Ŋwà’ne Jâŋ 16:22

Áa ndʉŋ ndʉŋ pá’ pi ee fʉ̀’ɔɔn ńne ḿmÿɔgɔ mÿɔg, tá mèŋ n ge gÿo gíŋe gyá gẅí, pi lêen ńké ńcʉ́’ʉ ńkága kǎg. Atsɔ̌ nyìŋ le ku’u lévéle gẅi lekág wɔ́.

Matio 25:34

Fùɔ leen ńké ńgɔɔn né pʉ̀a pie ée nà gwǒŋo pwó yé ye tʉ̀ ngie: Pi pie tá wɔ̀ɔn kěen ńnéŋ mbʉ́lè ná pi, pi tó ńkúu tsɛ̀ɛ lefùɔ sie e Ssé la lá’ nyɛte ńdɔg ńzẅí’te gẅi tà fó lénuŋe ngwòŋ.

Matio 26:28

Á nue mɔɔn ée metse mɔ́ɔn, é metse mie Ssé lɔgɔ ńgwaa kʉa, é mie é pfɛte ná twó pʉ̀a tà ńgyɔ́ɔn, pá’ e Ssé ge lɔg lege meno tepoŋ mɔ́b.

Matio 26:30

Pâ pɔ́ leen ńké ńzɔb mentse ńdɔg ńgu’te Ssé, àfʉ̀’ ku’ pɔ́ kẅɛ, ńgʉa né ndùm lekwɔ’ɔ́ metÿǒ mèvɛ olive.