Matio 26:24 - Nouveau Testament en Ngienboum

²⁴ *Míŋ Nyìŋ ge kwé, à gwɔ́ pá’ mé la gɔɔn tsɛ̀ɛ ŋwà’ne Ssé, tá’, àndù té poŋ aa nyìŋ gẅie à sẅiŋé yé. Mbòŋo laa pá’ mé lɔɔn tè zyé yé wɔ́.

Matio 26:24 Referans Kwoze

Lukase 24:46

Ńgɔɔn ngie: Áa tsɛ̀ɛ ŋwà’ne Ssé ńgwɔ́ ngie: *Nzà’nkÿo gẅíin lé lá’ ńgyá ngɔ́’, ńkwé, tá Ssé piŋ ńzíme yé nà legwé nà mbɔ́ɔntè lyɛ̌’ tá.

Matio 18:7

Ndoon ee two pʉa pie pɔ ee tsɛ yɔɔn njÿo, ńgÿo pʉa fʉate meno! Aa nenʉ meno mie é lɔɔn ńgwɔ́ é gÿo nyìŋ fʉa manzse, ée tsɛ̀ɛ njÿó tà ńgyɔ́ɔn. Mɛ̌ menò téen ndá’a ńzága wɔ́. Tá’ àshÿó tepòŋ ké ńgwɔ́ nyìŋ gẅie a ge gÿo nyìŋ fʉa manzse!

1 Korento 15:3

N da cʉ́me nò gie mé la cʉ́me pɔ́ mbwo mèŋ á mbwo pi, á gwɔ́ ná nkʉ̀ mbòŋo ńgwɔ́ kwòŋ. Yɛ̌ nò gwɔ́ ngie: Kristo la kwé nà menò tepòŋ mégè, á gwɔ́ pá’ ŋwà’ne Ssé la tʉ́ njÿó ńgɔɔn.

Ŋwà’ne Jâŋ 17:12

Á kaa fʉ̀’ gie peg lâ pɔ́ ka gwɔ̌, mèŋ n ne ńdɔgɔ metʉ̀ mú, é metʉ̀ mie ɔ̀ la náa mbwo mèŋ la, ḿbyɛ́bɛ wɔ́b. N ka tÿɔ́’te wɔ́b tà tsɔ̌ tà’ nyìŋ ná pɔ́b tè pyé. Nyìŋ gẅie á la ne ńzɛ́te ngie à pyé zɔ ká pyě. Á lɔgɔ ḿbumte nà nò gie mé la ŋwe’e tsɛ̀ɛ ŋwà’ne Ssé.

Lukase 22:22

Áa nò ngie *Míŋ Nyìŋ ge kwé pá’ Ssé la lá’ ńzáb, tá’ ndòon ee twó nyìŋ gẅie à ge tsege yé ná mé zẅé yé.

Malékuse 14:21

*Míŋ Nyìŋ ge kwé, á gwɔ́ pá’ mé la gɔɔn tsɛ̀ɛ ŋwà’né Ssé, tá’, andù tepòŋ aa nyìŋ gẅie à sẅiŋé *Míŋ Nyìŋ. Mbòŋo laa pá’ mé lɔ̌ɔn tè zyé yé wɔ́?

Matio 26:54

N dɔɔn ńké ńgÿo pú’u, àmmó gie mé la ŋwe’e tsɛ̀ɛ ŋwà’ne Ssé gǎ tà ḿbumte? Á nue mé la ŋwe’e tsɛ̀ɛ wó ngie: Menò ge lá’ cʉate pɔ́ pá’ é cʉate fʉ̀’ɔɔn lɔɔn.

Malékuse 9:12

Á tsɔ́’ɔ mbwo pɔ́b ngie: «Áa nò, a*ntsẅì nkʉ̀ Ssé *Elîɛ vɔgɔ ńtóo lézába kɔ̀ɔkɔ́ɔ nà yé jʉ’», ńzɔɔn ńgwɔ gwɔ́, mbà pá’ mé la gíŋe ńŋwe’e tsɛ̀ɛ ŋwà’ne Ssé ngie: *Míŋ Nyìŋ zɔɔn ge lá’ gyá ngɔ́’ tɛ’, mé kʉ́e yé, mé ŋwe’e pú’u, ńdɔgɔ ngie kɔ́

Matio 26:56

Tá menò mie é cʉate lɔɔn lɔgɔ ḿbumte ná nò gie pà *ntsẅì nkʉ̀ Ssé la ŋwe’e. Mé gwoon Yěsô pá’ɔɔn, *ngàŋa kwò yé metsèm pú ńgwá’a yé ńkÿo.

Megàŋ ntúm 28:23

Pà Yuda gɔɔn pú’u, pâ Pɔl táŋa lyɛ̌’ gie pâ pɔ̌ ge gÿo gíŋe pumte. Alyɛ́’ ŋwɛ́ gÿo ńku’, pɔ́ gíŋe ńtó, ńkẅɛ́te yé jʉ’ gie à ńnéŋe wó, ńgwaa tó sɛ̌ lekwò ḿbú ńgyɔ́ɔn tɛ’. Pɔl kyagte nò *lefùɔ Ssé éshwóŋó wɔ́b tà fó mba’á mba’ ńkúu ncwò nzém, éfa’ shÿó légÿo tà pɔ́ nyɛte ńzsé nyìŋ gẅie Yěsô aa yé, ńne ńkẅile menò tsɛ̀ɛ meŋwà’ne *lepʉ̌ Mǒsê mbɔɔ tsɛ̀ɛ meŋwà’ne pà *ntsẅì nkʉ̀ Ssé.

Megàŋ ntúm 4:28

Pɔ́ la táŋa yé pú’u, ńdêen ḿbú ńgÿo kɔ̀ɔkɔ́ɔ gie gù Ssé, ɔ̀ lá lá’ ńtʉ́ njÿó ńkwaŋte ńzáb ngie á ge lá’ gwɔ́ pú’u.

Megàŋ ntúm 2:23

Wɔɔn aa nyìŋ gẅie mé la ńnéŋe mbwo pi, á gwɔ́ pɔ́ pá’ e Ssé la lá’ ńkwaŋte ńzáb. Pi lêen ńké gÿo pàtezsě Ssé kime yé nà tÿǒ nkǐ, ńzẅé yé.

Ŋwà’ne Jâŋ 19:28

Mɔɔn menò la tɔ́g, Yěsô zsé fʉ̀’ɔɔn ngie akɔ́ɔkɔ́ɔ kǔ’, ńgɔɔn ngie: Agág yɔ́ɔn shÿǒ, ńgɔɔn pá’ɔɔn légwɔ́ gie mmó gie mé la ŋwe’e tsɛ̀ɛ ŋwà’ne Ssé ge pumte.

Ŋwà’ne Jâŋ 19:24

Palÿɔ́’ ncù gɔɔn tsetsɛ̀ɛ pɔ́b ngie: Tà pege shʉa yɔɔn. Pege tyéente, nyìŋ gẅie à jÿǒ, pege náa mbwo yé. Á lɔgɔ ḿbumte ná nò gie mé la ŋwe’e tsɛ̀ɛ ŋwà’ne Ssé ngie: «Pɔ́ ně ńgabte menzsǒ mɔ́ɔn tsetsɛ̀ɛ pɔ́b, ḿma’a tyèente nà nzsǒ yɔ̀ɔn ye lÿò». Yɔɔn áa mmó gie pàlÿɔ́’ ncù la gÿo.

Matio 26:31

Pɔ́ ne ńgee, Yěsô gɔɔn né pɔ́b ngie: Á ge gÿo gwɔ́ letsẅɛ́’ lyɛ̌’ yɔɔn, pi metsèm pú ńgwá’a wɔ̀ɔn ńkÿo, á pumte pá’ mé la ŋwe’e tsɛ̀ɛ ŋwà’ne Ssé ngie: «Mèŋ n ge lá’ zẅé mbyɛ̀b mvfó, *menjʉ̀njÿò mé saa tsẅɛ».