Matio 26:18 - Nouveau Testament en Ngienboum

¹⁸ Yěsô gɔɔn né pɔ́b ngie: Pi gʉa tÿǒsoŋ, ńgyá mákyè, ńgɔɔn né ye ngie: Tsítsà tsẅǐ ngie peg shwóŋó ɔ̀ ngie e ye njÿó ee pá’ɔɔn ne ńku’u, a ne ńkwoŋo ngie pâ *ngàŋa kwò yé jÿó yɔ́b línɔ́ɔn *Páskà pɔ́ mbʉ̀a gù.

Matio 26:18 Referans Kwoze

Ŋwà’ne Jâŋ 7:6

Yěsô tsɔ́’ɔ mbwo pɔ́b ngie: Ayɔ́ɔn fʉ̀’ nyé tè ku’, tá ńgʉa ná pi, mbà fʉ̀’ʉ kɔ́ wɔ́ áa mbwo pi ńgwɔ́ pɔ́ mbòŋ.

Ŋwà’ne Jâŋ 17:1

Yěsô la gɔɔn yɔɔn nò tà ńtsẅé jʉ’, ḿbʉ’ʉ twó yé, ńdíe tÿǒ, ńgɔɔn ngie: Tá wɔ̀ɔn, afʉ̀’ ku’ú, gÿo pʉ̀a gyá legú’ Míŋ gù, Míŋ gù gÿo yé, epʉ̀a gyá legú’ gù.

Ŋwà’ne Jâŋ 13:1

Á la cʉ́’ pɔ́ pá’ njÿó ge lʉ́a mé jÿó línɔ́ɔn *Páskà, Yěsô ne ńzsé ngie ayé fʉ̀’ kǔ’ pá’ à ge fó tsɛ̀ɛ yɔɔn njÿó é gʉa kẅɛ́te Tá we. Pá’ yé Yěsô lɔ̌ɔn ńkwoŋo pʉ̀a pie ée tsɛ̀ɛ njÿó ńgwɔ́ pé la, á kẅi’i ńkwoŋo wɔ́b tà ńcʉ́me.

Ŋwà’ne Jâŋ 7:30

Pɔ́ jú’u yɔɔn nò, éfa’a légwoon yé, tá nyìŋ ké tè pwó ná yé záb, mélà’mie à yé fʉ̀’ la nyé tè ku’.

Ŋwà’ne Jâŋ 7:8

Pi zɔ pʉ ńgʉa jʉ’ʉ línɔ́ɔn. Á gʉa ná mèŋ, mbà mèŋ n tě ńgee nê wó wɔ́, ayɔ́ɔn fʉ̀’ kaa ku’u.

Ŋwà’ne Jâŋ 12:23

Yěsô tsɔ́’ɔ mbwo pɔ́b ngie afʉ̀’ gie mé ge gyá legú’ we *Míŋ Nyìŋ á kǔ’.

Lukase 22:53

Mbà mèŋ n kaa lyɛ̌’ ntsèm, ńké ńně ńgwɔ́ pɔ́ tsetsɛ̀ɛ pi tsɛ̀ɛ *jʉ’ʉ Ssé, pi ké tè fa’a légwoon wɔ̀ɔn mɔ́. Tá’, agí fʉ̀’ yɔɔn, mbà á léen ńké ńku’, ńgwɔ́ fʉ̀’ gie afùɔ menò nzěm tǒ tà ne sá’a lá’ yé.

Ŋwà’ne Jâŋ 11:28

Mágtà gɔɔn pá’ɔɔn, ńgʉa ńtóŋo fɛ́ we Malîɛ, ńdemte yé ngie: Tsítsà aa pǐ ne ngie ɔ̀ tó.

Malékuse 5:35

Yěsô nyé ńgɔɔn nò né manzwě ŋwɛ́ gɔɔn, etsɔ́ ntá’ pʉ̀a fóo mbʉ̀a Yayelo, ńtó shwóŋó yé ngie míŋ we ně ńdá’ ńkwé, ngie tà á gíŋe ḿbége Ndè.

Matio 26:2

Pi zsé ngie, é cʉ́’ʉ ńzága pɔ́ lyɛ̌’ sépʉ́a mé jÿó línɔ́ɔn *Páskà. Mé ge sẅiŋe *Míŋ Nyìŋ, mé kime yé ná tÿǒ nkǐ.

Matio 23:10

Tà pi zẅíŋ mé tóŋo gẅi ngie pàtyé mvfò, á nue nyìŋ gẅie à tyé mvfò à gwɔ́ pɔ́ wémɔ’ɔ́, ńgwɔ́ nzá’nkÿo gẅie Ssé la ka’.

Matio 23:8

Tá ńgʉa ná pi, tà pi gÿo ngie mé tóŋo gẅi ngie tsítsà, á nue pi gwɔ́ pɔ́ mefɛ́ mefɛ́, ḿbiŋ ńgẅiin pɔ́ tà’ tsítsà wémɔ’ɔ́.

Matio 21:3

Pi lɔɔn ne ńkyɛ́’ɛ, nyìŋ gɔɔn nò, pi tsɔ́’ ngie: A Ndè zɔ ne ńtsɔ́ɔn. Mbà à ge gwóon nyé pi lɔg ńgʉa.

Ŋwà’ne Jâŋ 20:16

Yěsô tóŋo yé ngie: Malîɛ, á sele nnɛ́ ńtóŋo yé nà shwóŋè pà Heber ngie: Rabuni, ńdɔgɔ ńgɔɔn ngie Tsítsà.

Matio 26:49

Jẅidas gwóon ńtsíŋte nnɛ́, ńtóo lejʉ́ŋ Yěsô, ńgɔɔn ngie: À Ndè, n tsyɛ’té, ńdeen ńgwóon ńtáŋte yé.

Matio 26:19

*Ngàŋa kwò yé gÿo pɔ́ ndʉŋ ndʉŋ pá’ à tsẅǐ, ńcwoŋte shúm léjÿó *Páskà jʉ’ó.