Matio 26:11 - Nouveau Testament en Ngienboum

¹¹ Pi ge ne gyá mepóŋ pɔ́ fʉ̀’ ntsèm, tá ńgʉa ná mèŋ, mbà pege tè gwɔ́ pɔ́ fʉ̀’ ntsèm wɔ́.

Matio 26:11 Referans Kwoze

Malékuse 14:7

Pi ge ne gyá mepóŋ pɔ́ fʉ̀’ ntsèm, ńgwɔ́ gie pi lɔɔn ńkwoŋ pɔ́ fʉ̀’e kɔ́ wɔ́, pi gÿo nò mbòŋo ná pɔ́b. Tá ńgʉa ná mèŋ, mbà pege tè gwɔ́ pɔ́ fʉ̀’ ntsèm wɔ́.

Ŋwà’ne Jâŋ 12:8

Mepóŋ ge gwɔ́ tsetsɛ̀ɛ pi pɔ́ fʉ̀’ ntsèm. Tá ńgʉa ná mèŋ, mbà pege tě ge gwɔ́ pɔ́ fʉ̀’ ntsèm wɔ́.

Ŋwà’ne Jâŋ 16:28

Mèŋ n da fóo mbwo Tá wɔ̀ɔn, ńtóo tsɛ̀ɛ njÿó, mèŋ m biŋ ńgwɔ́ fʉ̀’ɔɔn ńne fóo tsɛ̀ɛ njÿó ńgee ne ńtsɛ́ Tá wɔ̀ɔn.

Ŋwà’ne Jâŋ 16:5

Mèŋ n gee fʉ̀’ɔɔn pá’ɔɔn, ńgee né lejʉ́ŋ Nyìŋ gẅie à la túmo wɔ̀ɔn. Mèŋ ne ńgee, atsɔ̌ nyìŋ gẅi kě kaa zɛ́te wɔ̀ɔn ngie: Ɔ̀ gee pɔ́ nê nzɔ̌ wɔ́ wɔ́?

Ŋwà’ne Jâŋ 14:19

Á cʉ́’ pɔ́ méjʉ’, pʉ̀a njÿó le gíŋ ńgyá wɔ̀ɔn mɔ́, tá ńgʉa ná pi, pi ne ńgyá wɔ̀ɔn gyǎ, mélà’mie n gwɔ̌ pɔ́ ntentʉ́. Pi gÿo ńgíŋe ńgwɔ́ gí ntentʉ́.

Ŋwà’ne Jâŋ 13:33

Pènkʉ́ pɔ́ɔn, pege tè gíŋe ńnéŋe tà ntyě sag wɔ́. Pi ge gÿo ne gwá fa’a wɔ̀ɔn pá’ mèŋ n ka gɔɔn mbwo pà Yuda ngie: Ajʉ’ gie mèŋ n gee nê wó, pi tè ku’u létóo wó wɔ́. Mèŋ n giŋé ńgɔɔn yɛ̌ nò mbwo pi fʉ̀’ɔɔn.

Megàŋ ntúm 3:21

Áa nà fʉ̀’ɔɔn Yěsô ké ńgẅiin pɔ́ léńnéŋe tÿǒ lépwó. Tà lá’ ku lyɛ̌’ gie e Ssé ge lá’ gÿo akɔ́ɔkɔ́ɔ sele ńcʉ́’ ńgwɔ́ pɔ́ ye sẅe. Pá’ à la lá’ ńdɔg ncwò kwà’ pà Ntsẅì nkʉ̀ pé ńgɔɔn tà ntyě sǎg.

Ŋwà’ne Jâŋ 17:11

Áa nà fʉ̀’ɔɔn, á cʉ́’ʉ méjʉ’, ń de gíŋe ńgwɔ́ tsɛ̀ɛ njÿó wɔ́, á nue mèŋ n ge piŋ ne lejʉ́ŋ gù. Tá ńgʉa ná pɔ́b, mbà pɔ́ ké ńnyé ńgwɔ́ pɔ́ tsɛ̀ɛ njÿó. Tá wɔ̀ɔn ée ndà’ gú ńgwɔ́ Ssé, lɔg metʉ̀ mú, é metʉ̀ mie ɔ̀ la náa mbwo mèŋ la, ḿbyɛ́bɛ wɔ́b, ńzsé ngie pɔ́ ge gwɔ́ tà’ nyìŋ ndʉŋ ndʉŋ pá’ pɔgɔ ée tà’ nyìŋ la.

Matio 28:20

ńzí’i wɔ́b létÿɔ́gɔ kwò ná menò ntsèm mie mèŋ n da zí’i gẅí. Pi zsé ngie, kwà’ mèŋ n ge lá’a gwɔ́ pɔ́ tsetsɛ̀ɛ pi tà njÿó lá’ ḿmag.

Matio 18:20

Àjʉ’ gie pʉ̀a mépʉ́a ka pʉ̀a métá wɔ́, cu’té wó nà lezíŋ sɔ́ɔn, mbà mèŋ n ge gwɔ́ tsetsɛ̀ɛ pɔ́b.

1 Jâŋ 3:17

Nyìŋ lɔɔn ńgwɔ́ ngàŋa mmó, ńgyá fɛ́ we ne ńzága mmó, à tè yé líe, mbà mé ge gɔɔn ngie wɛ̌ ngàŋ mmó ne kwoŋo Ssé lêkɔ́?

Galatia 2:10

Pɔ́ gɔɔn né peg pɔ́ ndà’ ngie peg kímte mépoŋ pie ée tsɛ̀ɛ cú’tè pʉ̀a Kristo Yerósalem. N ka kě ńkímte wɔ́b kwà’ mboŋó.

Matio 26:10

Yěsô zsé nkwaŋá wɔ́b, ńgɔɔn mbwó pɔ́b ngie: Pi zẅɛ́te mélà’a kɔ́? À gÿǒ pɔ́ nò mbòŋo ná mèŋ.