Matio 24:8 - Nouveau Testament en Ngienboum

⁸ Mɔɔn menò ge lá’ lɔgɔ gwɔ́ pá’ manzwě gẅie à zyete lélúme la.

Matio 24:8 Referans Kwoze

1 Tesalonika 5:3

Pʉ̀a mesoŋ ge lá’ gwɔ́ tà ne gɔɔn ngie: Mbʉ́lè ee tsɛ̀ɛ lá’, pɔ́ té gíŋ ne ńcÿɔ’ɔ wɔ́, tá máamáa ngɔ́’ lêen ńké ńtóo ná pɔ́b pá’ múɔ neŋé tà ńgwoon mánzwě shwòŋ la. Atsɔ̌ wɔb á le lÿɔ́’te tà ńtsẅɛ́ wɔ́.

Malékuse 13:8

Alá’ ge lá’ lu ssé lÿɔ́’ɔ yetsɔ́, afùɔ túm lu ssé ńdÿɔ́’ɔ wetsɔ̌, atsetsá’ ge lá’ pú cʉ’e nà mejʉ’ tà ńgyɔ́ɔn, gwáŋa gíŋe ńgwe. Mɔɔn menò lɔgɔ ńgwɔ́ nzyète ngɔ́’. Tá ńké ńgwɔ́ pɔ́ pá’ múɔ gwoon manzwě shwoŋ la.

Lukase 21:12

Mɔɔn menò ge zɔɔn lá’ gwaa tó, pi vɔg ńgyá mé gwoon gẅí, ńnyɛɛ gẅi ngɔ́’, ésẅiŋe gẅí, mé ŋaga gẅi *mendá cú’tè pà Yuda, ńnéŋe gẅi tsǎŋ. Mé ge lá’ ŋaga gẅi á mvfò mefùɔ pâ pàngúmnɔ́ɔn, mélà’mie pi jǔ’ ncwò wɔ̀ɔn.

Ŋwà’ne Jâg 5:1

Pi zẅí’te ńjú’, pi megàŋa mmó, pi lʉa tà ngyè gi kwɔ́’ɔ tÿǒ ńtí ngɔ́’ gie e ne ńtóo ná pi.