Matio 24:43 - Nouveau Testament en Ngienboum

⁴³ Pi gíŋe ńzsé mbòŋo ngie, nyìŋ laa pé’e ńgwɔ́ gie à ńgwɔ́ á ńnéŋe mbʉ̀a yé, ńzsé fʉ̀’ gie ntsǒŋ ge tó, mbà à lɔɔn ńgwɔ́ á lá’ té lyé, ḿbyɛ́b tà ntsǒŋ le kúu mbʉ̀a yé wɔ́.

Matio 24:43 Referans Kwoze

Lukase 12:39

Pi gíŋe ńzsé mboŋó ngie nyìŋ laa pé’e ńgwɔ́ á gwɔ́ ńnéŋe mbʉ̀a ye ńzsé fʉ̀’ gie ntsǒŋ ge tó, mbà à lɔɔn ńgwɔ́ á lá’ té lyé, ḿbyɛ́b tà ntsǒŋ le kúu mbʉ̀a yé wɔ́.

Matio 24:44

Pú’u, mbaa pi gí, pi cwoŋte mbùm gi ḿbyɛ́b, mélà’mie *Míŋ Nyìŋ ge gÿo vege vege tó.

Matio 20:11

Pɔ́ gwaa kẅé lóŋ wɔb ne ńgyáŋa ńtí ngàŋ nká’.

Matio 14:25

Á gÿo ńgwɔ́ nkwɔ̀’ njÿó, Yěsô gwɔ́ jwoŋte wɔ́b, ńně ńgiŋe ndùm ntse.

Matio 24:42

Áa yɛ̌ tá pi pɔ́ɔn légwá’a lÿɔ̀g, á nue pi tè ne ńzsé lyɛ̌’ gie Cʉ̀apʉ̀a gẅi ge tó wɔ́.

Matio 25:10

Pɔ́ gʉa ńjúu, nyìŋ gẅie à zɔ́’ɔ cʉ́’ ńtó, pâ pûɔ ngùɔ pie tsɔ́ mmó la tè ne ńzága wɔ́b gwɔ́ kúu ndá línɔ́ɔn lɔ́ɔn ndá, mé jÿɔ́’ ncwò ndá.

Matio 25:13

Yěsô ma’a twó ngie: Áa yɛ̌ tá pi pɔ́ɔn légwá’a lÿɔ̀g, á nue pi tè ne ńzsé lyɛ̌’ wɔ́, ńké tè ne ńzsé fʉ̀’ gie *Míŋ Nyìŋ ge lá’ tó wɔ́.

Malékuse 6:48

tá ńké ńgyá pá’ ntse ne ńgege pʉ̀a pé, mélà’mie fefà la ne fóo pɔ́ mvfò mvfò ńtóo. Á gÿo ńgwɔ́ nkwɔ́’ njÿó, Yěsô gwɔ jwoŋte wɔ́b, ńne ńgiŋe ndùm ntse, tà fa’a létɔ́gɔ wɔ́b,

Malékuse 13:35

Mbɔɔ pi gí, tà pi gwá’a lÿɔg ńdyé. Á nue pi tè ne ńzsé fʉ̀’ gie ngàŋ mbʉ̀a ne ńtóo wɔ́. Kà à ge tó pɔ́ mbÿɛ̀ njÿó wɔ́? Kà pɔ́ tsɛ̀ɛ tsẅɛ́’ wɔ́? Kà pɔ́ ntóŋ nkɔ́’ wɔ́? Kà pɔ́ mba’ámba’ wɔ́?

Lukase 12:38

Tsɔ́ nò tá fà’ tó tsɛ̀ɛ tsẅɛ́’ kà pɔ́ nkwɔ̀’ njÿó wɔ́, ńtó ńgyá pɔ́ nyé pɔ́ te lyé, mbà pɔ́ ée pàshÿó mbòŋo.

Lukase 21:36

Pi pɔ́ɔn lélyé, ńně sẅíŋte Ssé fʉ̀’ ntsèm, à náa gẅi tʉ̀ lélɔg ńtsẅɛ́ menò ŋwɛ́ mie é ne ńtóo, mbɔɔ lélɔg ńtyé mvfò Míŋ Nyìŋ.

Ŋwà’ne Ngyà jʉ’ 3:3

Pú’u la, pi ké ńkímte mmó gie mé la zí’i gẅí, ńgíŋe ńkímte ntí gie pi la lɔg ńjú’. Pi kú’te yɛ̌ mmó, ńkúbe mà gẅi. Pi lɔɔn ńnyé ńdyé lyě, mbà mèŋ n ge vege vege tó pá’ ntsǒŋ la, tà pi é le zsé fʉ̀’ gie mèŋ n ne ńtóo wɔ́.

Ŋwà’ne Ngyà jʉ’ 16:15

Cʉ̀apʉ̀a gɔɔn ngie: Pi ké ńzsé ngie, mèŋ n ge tó pá’ ntsǒŋ la. Ashÿó mbòŋo aa nyìŋ gẅie mèŋ n ge gwɔ tó, á le ne ńdyé wɔ́, menzsǒ mé gwɔ́ ná yé, ḿbɔ́gɔ pá’ à ge lu ssé giŋ té jÿɔ́g nzsǒ, eshʉ́ kúu yé.