Matio 24:2 - Nouveau Testament en Ngienboum

² Tá Yěsô gɔɔn né pɔb ngie: Pi kaa gyá jʉ’ yɛ̂ wa? Tà mèŋ n ké shwóŋó gẅí, kwà’ nénʉ́, àtsɔ́ lyɛ̌’ ge gÿo gwɔ́, mé pú ńtág tà tóon le gíŋe ńzébe nà tsɔ̌ wɔ́.

Matio 24:2 Referans Kwoze

Lukase 19:44

Pɔ́ ge gÿo tó, é gwɔ’ɔ gẅi lâ gubé gí ntsèm, é gíŋe tágte tÿǒsoŋ gí tà pɔ́ le nyé tóon á gíŋe ńzɛ́be nà tsɔ̌ wɔ́. Á zɔɔn ńgwɔ́ pú’u, mélà’mie pi kaa zsé fʉ̀’ gie e Ssé too légÿo nò mbòŋo ná pi wɔ́.

2 Piɛ 3:11

Pá’ shúm asɛ̌ ge gÿo pú mag lɔɔn, á lɔgɔ shwóŋó gẅi ntí gie á póŋ ngie pi ńnéŋe pú’u. Á ne ńzɛ́te ngie pi ńnéŋe pɔ́ nà ntí gie Ssé ne ńkwoŋo, ńzsé pɔ́ ndà’ yé,

Ŋwà’ne Ngyà jʉ’ 21:22

Tá’ n ké ńdíe tÿǒsoŋ ntsèm n tè *jʉ’ʉ Ssé wó gyá, á nue *jʉ’ʉ Ssé ye tÿǒsoŋ ŋwɛ́, á gwɔ́ pɔ́ Cʉ̀apʉ̀a Ssé, Ngàŋa tʉ̀ ntsèm mbɔɔ Mûɔ *Njʉ̀njÿò.