Matio 23:8 - Nouveau Testament en Ngienboum

⁸ Tá ńgʉa ná pi, tà pi gÿo ngie mé tóŋo gẅi ngie tsítsà, á nue pi gwɔ́ pɔ́ mefɛ́ mefɛ́, ḿbiŋ ńgẅiin pɔ́ tà’ tsítsà wémɔ’ɔ́.

Matio 23:8 Referans Kwoze

Ŋwà’ne Jâg 3:1

Mefɛ́ pɔ́ɔn, tà pi metsèm tsɔ́ɔn légwɔ́ pàzí’i pʉ̀a mmó, pi ne ńzsé mboŋó ngie, peg pie peg zí’i pʉ̀a mmó, ntí gie mé ge lá’ lɔg ŋaga wég, e ge lá’ tʉ cʉa ye petsɔ́ pʉ̀a.

1 Piɛ 5:3

Tà pi lɔg metʉ̀ sá’ pʉ̀a pie Ssé la cʉ́me mbwo pi, pi giŋ pɔ́ nà mbú gie pɔ́ ge pí fʉ̀’ ná pi.

Lukase 22:32

Tá’, mèŋ n ně sẅíŋte Ssé nà twó ɔ́, légwɔ́ gie ɔ̀ tè pú kʉ́a kʉ́a nà lezǎb ntʉ́m ná mèŋ wɔ́. Ɔ̀ gÿo ńgwɔ́ tà ḿbiŋe nzèm mèŋ, ɔ̀ ne ńnéŋe ntʉ́m mefɛ́ pú.

Matio 23:10

Tà pi zẅíŋ mé tóŋo gẅi ngie pàtyé mvfò, á nue nyìŋ gẅie à tyé mvfò à gwɔ́ pɔ́ wémɔ’ɔ́, ńgwɔ́ nzá’nkÿo gẅie Ssé la ka’.

Matio 17:5

Á nyé ńgɔɔn gɔɔn, etsɔ́ melɔ́ɔn, mie é ŋwʉŋe ŋwʉŋe sẅɛ́’ ńkábte wɔ́b, ngyè nyìŋ fó tsɛ̀ɛ wó ńgɔɔn ngie: Wɔɔn aa Míŋ wɔ̀ɔn, mèŋ n kwoŋo yé tɛ’, aa wɔ̀ɔn lekág, pi jú’ ncwò wé.

Ŋwà’ne Ngyà jʉ’ 1:9

Àa mèŋ Jâŋ, fɛ́ gẅi, ńcʉa ná pá’ pege la nnɛ́ ná Yěsô. Pege pǔ ńne ńgyá ngɔ́’, ḿbú ńgwɔ́ tsɛ̀ɛ nò *lefùɔ Ssé, ḿbiŋ ńgíŋ ńne ńdɔgɔ kwɔ́gɔ nnɛ́ ńzẅí’te Yěsô. Mé la gʉa Patmos, á gwɔ́ lá’ gie ntse la kéle ńnéŋe soŋ, ńnyé wɔ̀ɔn, mélà’ mie mèŋ shwóŋó nò Ssé ḿbiŋ ńkú’te mmó gie Yěsô Kristo ka gÿo mé zsé.

Ŋwà’ne Ngyà jʉ’ 22:9

Tá’ á gɔɔn né mèŋ ngie: Tè gÿo pɛ́’ɛ̀. Mèŋ n gíŋe ńgwɔ́ yɔ́ɔn pɔ́ tsɔ̌ *ngàŋa kwò gù nà fà’, mbɔɔ we mefɛ́ pú pà *ntsẅì nkʉ̀ Ssé, mbɔɔ we pʉ̀a pie pɔ́ kú’te menò mie ée tsɛ̀ɛ yɔɔn ŋwà’ne. Gu’te pɔ́ Ssé.

Ŋwà’ne Ngyà jʉ’ 19:10

N jú’ pú’u, ńnuŋe mekwò yé légu’te yé. Tá’ á gɔɔn né mèŋ ngie: Tè gÿo pɛ́’ɛ̀. Mèŋ n gíŋe ńgwɔ́ yɔ́ɔn pɔ́ tsɔ̌ nyìŋ nà kwò fà’ gí, lâ petsɔ́ mefɛ́ pú pie, pia pɔ̌ kú’te mmó gie Yěsô Kristo ka gÿo mé zsé. Legÿo pú’u, áa mmó gie á tsóte pà *ntsẅì nkʉ̀ Ssé pɔ́ tsẅii nkʉ̀ gẅie é fóo mbwo Ssé. Pú’u la, gu’te pɔ́ Ssé.

Efeso 3:15

gẅie metsìŋe ndá mie ée tÿǒ lepwó mbɔɔ mie ée ndùmo ssé tsetsá’ ntsèm, é gwaa gwɔ́ wó ńzẅɛ́’ɛ pɔ́ yé,

2 Korento 4:5

Peg tè ne ńgwɔ tsẅii nkʉ̀ mbòŋo, éfa’a pɔ́ pá’ mé ge zsé wég wɔ́, peg fa’a pɔ́ pá’ mé ge zsé ngie Yěsô Kristo aa Cʉ̀apʉ̀a. Peg tyé ńgwɔ́ pɔ́ pafa’a fà’ pie éfa’a mbwo pi ńtí Yěsô,

2 Korento 1:24

Peg ne ńzsé ngie gẅi lézáb ntʉ́m ná Yěsô Kristo à tʉte, peg tě fa’a létó sẅɛ́ɛ gẅí, ńzáb pá’ pi ge gÿo wɔ́. Peg tsɔ́ɔn pɔ́ létó ńkẅéte gẅi pi mege ńjú’ mboŋó.

Matio 26:49

Jẅidas gwóon ńtsíŋte nnɛ́, ńtóo lejʉ́ŋ Yěsô, ńgɔɔn ngie: À Ndè, n tsyɛ’té, ńdeen ńgwóon ńtáŋte yé.

Matio 10:25

Mé lɔɔn ḿvɔg ńtóŋo ngàŋ ndá ngie: Bɛlzebùl, mbà mé ge kúu nà pʉ̀a ndá pé, tá nyé té tóŋo wɔ́b pú’u, keen? Á lɔɔn ńgwɔ́ gie kɔ́ la gÿo tsítsà wɔ́, mbà yɛ̌ mmó ge lá’ gÿo nyìŋ gẅie à ne ńzí’i nò yé, ńgwɔ́ gie kɔ́ la gÿo tá pà nkwɔɔn wɔ́, mbà yɛ̌ mmó ge gíŋe lá’ gÿo nkwɔɔn yé.

Matio 23:7

Pɔ́ kwoŋ ngie mé tyé mangǐɛ, ńtsyɛ’te wɔ́b lê mekù’, epʉ̀a piŋ ńnéŋe ńtóŋo wɔ́b lê tsítsà.

Matio 26:25

Jẅidas, ngàŋ menáŋ wɛ̌, zɛ́te yé Yěsô ngie: Tsítsà ɔ̀ gɔɔn wɔ̀ɔn ka? Yěsô tsɔ́’ɔ mbwó yé ngie: Gù zɔ kě ńgɔɔn!

Malékuse 9:5

Piɛ leen ḿvele vele ńgɔɔn mbwo Yěsô ngie: Tá weg, á pǒŋ pá’ pege jʉ’ɔɔn lɔɔn. Zẅíŋe peg jwóŋ *mentàb méentá, tà’ gwɔ́ gú, tà’ gwɔ́ we Mǒsê, wetsɔ́ gwɔ́ we *Elîɛ.

Malékuse 10:51

Yěsô zɛ́te yé ngie: Ɔ̀ tsɔ́ɔn ngie mèŋ n gÿo lêkɔ́ né gù? Afʉ̀ menÿɔ́g gɔɔn ngie: Andè mèŋ n tsɔ́ɔn légíŋe ńgyá jʉ’.

Malékuse 11:21

Piɛ líe tÿǒ ŋwɛ́, ńkímte mmó gie á ka cʉa, ńgɔɔn né Yěsô ngie: Tá weg, gyá pá’ tÿǒ ya gie ɔ̀ kà néŋ ndòon mǒ lá pǔ ńjúm tà ńcʉ́’ ńgwɔ́.

Malékuse 14:45

Jẅidas gwɔ́ tà ńtó tà ńkúu lejʉ́ŋ Yěsô, ngie: Andè, n tsyɛ’té, ńdeen ńgwóon ńtáŋte yé.

Ŋwà’ne Jâŋ 1:38

Yěsô sele nnɛ́, ńgyá pá’ pɔ́ ée nzèm yé, ńzɛ́te wɔ́b ngie: Pi fa’a kɔ́? Pɔ́ tsɔ́’ɔ mbwo yé ngie: Rabbi (ńdɔgɔ ngie tsítsà), ɔ̀ tsẅé nzɔ̌?

Ŋwà’ne Jâŋ 1:49

Natanayɛl tsɔ́’ ngie: Rabbi, ɔ́ɔ Mìŋ Ssé, ɔ́ɔ fùɔ pà Israel.

Ŋwà’ne Jâŋ 3:2

Á gÿo ńtó tsɔ̌ lêtsẅɛ́’, ńgyá Yěsô, ńgɔɔn né yé ngie: Tsítsà, peg zsě ngie e Ssé zɔ la túmo gú ngie ɔ̀ gʉa ńzí’i pʉ̀a mmó. Á nue à lɔɔn ńgwɔ́ nyìŋ le gÿo menò mmɔɔn mmɔɔn mie ɔ̀ gÿo lɛ̂ té gwɔ́ gie e Ssé zɔ túmo yé wɔ́.

Ŋwà’ne Jâŋ 3:26

*Ngàŋa kwò Jâŋ gʉa ńgyá Jâŋ, ńgɔɔn né yé ngie Tsítsà, ɔ̀ ne ńkímte nyìŋ wá gẅie pi yé kaa ná yétsɔ̌ nzǐŋ ntse Jurdeŋ la? Á nyìŋ wá gẅie ɔ̀ ka gɔɔn nò gie ɔ̀ zsé ná yé la? À ne ńnu’u yé pʉ̀a ntse fʉ̀’ɔɔn, tà lá’ menùɔ menùɔ ne ńgee ńgyá pɔ́ yé.

Ŋwà’ne Jâŋ 4:31

Ńgwɔ tó pú’u, *ngàŋa kwò yé ne ńtsíŋe yé ńgɔɔn ngie: Rabbi, pfɛ́ɛ mémmó la.

Ŋwà’ne Jâŋ 6:25

Ńgʉa tà ńkúu nà yetsɔ̌ nzǐŋ, ńgyá yé, ńgɔɔn né yé ngie: Tsítsà, ɔ̀ tǒ tà ńkúu jʉ’ɔɔn fʉ̀’e kɔ́.

Ŋwà’ne Jâŋ 9:2

*Ngàŋa kwò Yěsô zɛ́te yé ngie: Tsítsà, wɔɔn nyìŋ gwaa kẅɛɛ lepfòm, ńgwɔ́ fʉ̀ menÿɔ́g pá’ɔɔn, mbà wɔ̌ gÿo nò tepòŋ? Yé kà má we, kà tá we?

Ŋwà’ne Jâŋ 11:8

*Ngàŋa kwò yé tsɔ́’ ngie: Tsítsà, ntyě kaa sag pá’ pà Yuda ka ne fá’a lélɔg metóon ńtéme gú ńzẅé wɔ́. Ɔ̀ ge gíŋe piŋe wó lá.

Ŋwà’ne Jâŋ 20:16

Yěsô tóŋo yé ngie: Malîɛ, á sele nnɛ́ ńtóŋo yé nà shwóŋè pà Heber ngie: Rabuni, ńdɔgɔ ńgɔɔn ngie Tsítsà.

Filemo 1:16

Á le gíŋe ńgwɔ́ pɔ́ nkwɔɔn wɔ́. À cʉa nkwɔɔn, ńcʉ́’ ńgwɔ́ pɔ́ fɛ́ gù gẅie ɔ̀ ge kwoŋo yé tɛ’. Aa mbwo mèŋ, ńgwɔ́ tʉ̀ nzẅìŋ tà ngʉ̀a shÿɔ́’ɔ pá’ à ge gwɔ́ mbwo gù? À ge gwɔ́ mbwo gù, é gwɔ́ kwà’ nyìŋ mesoŋ, é gíŋ gwɔ́ fɛ́ gù nzèm Yěsô Kristo.