Matio 23:4 - Nouveau Testament en Ngienboum

⁴ Pɔ́ kâ pi’ gie á zɛ tɛ’, ńzába mekẅi pʉ̀a mesoŋ, tá ńdʉ’ʉ légwɔ́ gie kwà’ pɔ́b ge fó lɔgɔ mentsě tepwó e tsẅi’te mbɔɔ tsẅi’tě.

Matio 23:4 Referans Kwoze

Lukase 11:46

Yěsô pʉŋe ngie: Tà mbɔɔ pi gí pàkyàgte *lepʉ̌ Mǒsê, pi tè mboŋó wɔ́. Ndòon ee twó pi, á nue pi kaa pì’, ńzába twó pʉ̀a mesoŋ á ne ńcʉa wɔ́b, pi fó tè lɔgɔ méntsě tepwó ńdɔg ńtsẅí’te, ńkẅéte wɔ́b gwɔ́.

Megàŋ ntúm 15:10

Afʉ̀’ɔɔn, pi piŋ ńgÿo lêkɔ́ ńkumte Ssé? Pi fa’a lékaa pì’ gie metá pégè la tè ku’u lékaa wɔ́, kwà’ pege yégè gíŋe tè mǒ ku’, ńzába twó pɔ́b keen?

Galatia 6:13

Pʉ̀a pie é sẅɛ́ɛ gẅi pú’u, kwà’ pɔ́b yɔ́b zɔ́ɔn fó tè kú’te *lepʉ̌ pà Yuda ntsèm wɔ́. Tá ńké ne ńkwoŋo pɔ́ ngie mé pú’u gẅi pú’. Pú’u pɔ́ lɔg pá’ pɔ́ gÿǒ tà mé pú’u gẅí, ńdɔg ńŋá’te mvfò pà Yuda,

Matio 23:23

Pi ee pàshÿó tepòŋ, pi *pàkyagte lepʉ̌ Mǒsê lâ pi pà *farisay, pi ee megàŋ mepàb, pi gabte shúm nná’ sí tà mbɔɔ nzab gi, nzsè legém, ńnáa tà’ nzsè mbwó Ssé, tá’, ńgwágte nò ná menò mie mé zí’i ná mbʉ̌, é gwɔ́ kwà’ menò mie é kẅéte. Ànò pá’ leshwoŋó nò nénʉ́, letsɔ̌ɔn mezìŋe, legù’te pɔ́ ndà’ Ssé, tá yɛ̌ zɔ gwɔ́ mmó gie á kɔ’ɔ́ ne ńzɛ́te ngie pi gÿo. Pi gÿo pú’u, tá ńké le wetsɔ̌ gígyé shúm lege.

Ŋwà’ne Ngyà jʉ’ 2:24

Mèŋ n ge gɔɔn nò fʉ̀’ɔɔn mbwo pi petsɔ́ pʉ̀a tsɛ̀ɛ cú’tè pʉ̀a Kristo gie áa tÿǒsoŋo Tiatire, pi pie pi tè ne ńzẅíŋe ndɔgtelé pɛ̌ pʉ̀a wɔ́, ńké tè ne fa’a lézsé mmó gie pɔ́ tóŋo lê kwà’ nò nénʉ́ gie Sátà la gÿo pɔ́ zsé wɔ́. Mèŋ n těen ńge ńzába tsɔ́ pì’ ye ndyɛ̀’ɛ twó pi wɔ́.

Megàŋ ntúm 15:28

Peg zɔ̌ɔn ńgwâ zába yɔɔn nò, à Zẅìge Ndʉalʉ̌a gíŋe ńzáb yé ngie tà mé kẅi’i pì’ mbwo pi. Tá’, á ke ne ńzɛ́te ngie pi nyɛte ńkú’te mɔɔn mbʉ̌ mie peg gee ngɔ̌ɔn lɔɔn kwà’ mboŋó.

Matio 23:3

Pú’u, á ne ńzɛ́te ngie pi jú’ ncwò wɔ́b, ńgÿo kɔ́ɔkɔ́ gie pɔ́ ne ńgɔɔn né pi. Tá’ tà pi fʉ̀’e tsẅé yɔ́b. Á nue mmó gie pɔ́ zí’i pʉ̀a pɔ́ té yɛ̌ gÿo.

1 Jâŋ 5:3

Á nue lekwoŋ Ssé aa pege létÿɔ́gɔ kwò ná mbʉ̌ mé, mbʉ̌ mé piŋ ńké tè tʉ ńcʉa wégè wɔ́.