Matio 23:23 - Nouveau Testament en Ngienboum

²³ Pi ee pàshÿó tepòŋ, pi *pàkyagte lepʉ̌ Mǒsê lâ pi pà *farisay, pi ee megàŋ mepàb, pi gabte shúm nná’ sí tà mbɔɔ nzab gi, nzsè legém, ńnáa tà’ nzsè mbwó Ssé, tá’, ńgwágte nò ná menò mie mé zí’i ná mbʉ̌, é gwɔ́ kwà’ menò mie é kẅéte. Ànò pá’ leshwoŋó nò nénʉ́, letsɔ̌ɔn mezìŋe, legù’te pɔ́ ndà’ Ssé, tá yɛ̌ zɔ gwɔ́ mmó gie á kɔ’ɔ́ ne ńzɛ́te ngie pi gÿo. Pi gÿo pú’u, tá ńké le wetsɔ̌ gígyé shúm lege.

Matio 23:23 Referans Kwoze

Lukase 11:42

Pà *farisay, ndòon ee twó pi! Pi gabte shúm nná’ sí tà mbɔɔ nzàb gi nzsè legém, ńnáa tà’ nzsè mbwo Ssé. Tá’, ńké ńdege légÿo nò mbòŋo mbwo pʉ̀a mesoŋ, ńgíŋe ńdege lékwoŋ Ssé. Pú’u, tá yɛ̌ zɔ̌ gwɔ́ mmó gie á ke ne ńzɛ́te ngie pi gÿo. Pi gÿo pú’u, tá ńké le wetsɔ́ gígyé shúm lege

Matio 9:13

Áa yɛ̌ tá mèŋ n ne ńgɔɔn né pi ngie: Pi gʉa nzí’i mmó gie yɔ̀ɔn nò gie mé la ŋwe’e lɔgɔ ńgɔɔn: «Mèŋ n kwoŋo tsɔ́ɔn mezìŋe, ńcʉa pwɔ́’ gẅie mé lɔgɔ ńgu’te wɔ̀ɔn». Yɔ̀ɔn aa mmó gie á gÿo, mèŋ n gɔɔn ngie: N ka te tó letóŋ pʉ̀a membóŋo wɔ́, mèŋ n kɔ̌ɔn ńtóo ntí pɔ́ megàŋ mefʉa ngie pɔ́ piŋe mbwó Ssé.

Lukase 18:12

Mèŋ, n gee ńkwoŋo kwoŋ ńzɔ́gɔ nzyè ngʉ̀a mbʉ́a nà ngàba lá’, ńgíŋe ńgabte shúm sɔ́ɔn nzsè legém, ńnáa tà’ nzsè mbwo gù.

Matio 12:7

Pi gwé’e ńzsé mmó gie jʉ’e ŋwà’ne gie á gɔɔn ngie: «Mèŋ n kwoŋo tsɔ́ɔn mezìŋe, ńcʉa pwɔ́’ gẅie mé lɔgɔ ńgu’te wɔ̀ɔn» lɔgɔ ńgɔɔn, mbà pi te zába nò twó pʉ̀a pɛ̂, pie pɔ́ kaa nò fʉa wɔ́.

Matio 23:13

Pi ee pàshÿó tepòŋ, pi *pàkyagte lepʉ̌ Mǒsê lâ pi pà *farisay. Pi ee pànkwòŋ menÿɔ́g, pi ne ńkíle ncwò ndá gẅie pʉ̀a mesoŋ pfó mǒ tá ńkúu tsɛ̀ɛ nò *lefùɔ Ssé, pú’u, pi tè tsɛ̀ɛ wó kú, ńké tè nyé pʉ̀a pie é ne ńkwoŋo lékúu tsɛ̀ɛ wó kúu wó wɔ́.