Matio 23:16 - Nouveau Testament en Ngienboum

¹⁶ Pi ee pàshÿó tepòŋ, pi pie pi ee mefʉ̀ menÿɔ́g, ḿbiŋ ne ńkíbe pwó petsɔ́ pʉ̀a, ńnyɛɛ wɔ́b mánzsè. Pi gɔɔn ngie nyìŋ lɔɔn ńdɔgɔ *jʉ’ʉ Ssé ńkʉa nò, mbà e tsɔ̌ ntsaŋ tè gwɔ́ wɔ. Tá ńké ńdɔg pɔ́ tʉ̌ ngɔl gie áa tsɛ̀ɛ *jʉ’ʉ Ssé ńkʉa nò, mbà à kwǎ’ ńkʉa nénʉ́.

Matio 23:16 Referans Kwoze

Matio 15:14

Pi nyé wɔ́b! Pɔ́ ée pàfʉ̀ menÿɔ́g pie é kíbe pwó petsɔ́. Àfʉ̀ menÿɔ́g lɔɔn ńkíbe pwó wetsɔ́, mbà pɔ́b yé mépʉ́a ge cʉ́me tsɛ̀ɛ gem.

Matio 23:24

Pi pie pi ee mefʉ̀ menÿɔ́g, ḿbiŋ ne ńkíbe pwó petsɔ̌ pʉ̀a, ńnyɛɛ wɔ́b mánzsè, pi pɔ́gɔ lémi nzeenzse á ná mmó gie pi gee núu, ḿbiŋ ḿmii nɔ̀ɔn nnɛ́.

Matio 23:17

Pi tè mecʉ̀cʉ̀ŋ ńgwɔ́ mefʉ̀ menÿɔ́g wɔ́ pé’e, á gʉa ná tʉ̌ ngɔl pɔ́ *jʉ’ʉ Ssé àkɔ́ cʉa kɔ́? *Jʉ’ʉ Ssé zɔ̌ té gÿo tá tʉ̌ ngɔl cʉ́’ʉ yé Ssé wɔ́ le?

Ŋwà’ne Jâg 5:12

Mefɛ́ pɔ́ɔn, á lɔɔn ńgwɔ́ pɔ́ nò kɔ́ wɔ́, tà pi gɔɔn nò tà ńkʉa. Tà pi lɔg lepwó ńkʉa nò. Tà pi lɔgɔ tsetsá’ ńkʉa, tà pi zɔɔn fó ńkʉa nò kʉa. Á poŋ ngie gẅi oon à gwɔ́ pɔ́ oon, agẅi ngǎŋ à gwɔ́ pɔ́ ngǎŋ. À cʉa pú’u, tá Ssé le gÿo e ngie pi gwě ntsaŋ wɔ́.

Matio 23:26

Nyìŋ *farisay, ɔ́ɔ fʉ̀ menÿɔ́g, ɔ̀ lɔɔn ḿvɔg ńtsí’i tsɛ̀ɛ ntú’, tà é lʉ́a, mbà nzème pǐ ge pɔ́ɔnte lʉ́a.

Matio 23:19

Pàfʉ̀ menÿɔ́g, á gʉa ná jʉ’ gie mé nuŋe pwɔ́’ wó, pɔ́ pwɔ́’, àkɔ́ cʉa kɔ́? Àjʉ’ gie mé nuŋe pwɔ́’ wó zɔ̌ té gÿo e pwɔ́’ cʉ́’ we Ssé wɔ́ le?

Galatia 5:3

Mèŋ n ge gíŋe gɔɔn nà tsɔ́ légʉa á mbwo wɛ̌ nyìŋ wɔ́ gẅie à zɛ́te ngie mé pú’u yé, ngie à gẅiin légÿo shúm ntsèm sie *lepʉ̌ Mǒsê ne ńzɛ́te.

Matio 23:13

Pi ee pàshÿó tepòŋ, pi *pàkyagte lepʉ̌ Mǒsê lâ pi pà *farisay. Pi ee pànkwòŋ menÿɔ́g, pi ne ńkíle ncwò ndá gẅie pʉ̀a mesoŋ pfó mǒ tá ńkúu tsɛ̀ɛ nò *lefùɔ Ssé, pú’u, pi tè tsɛ̀ɛ wó kú, ńké tè nyé pʉ̀a pie é ne ńkwoŋo lékúu tsɛ̀ɛ wó kúu wó wɔ́.