Matio 23:15 - Nouveau Testament en Ngienboum

¹⁵ Pi ee pàshÿó tepòŋ, pi pà *farisay lâ pi *pàkyagte lepʉ̌ Mǒsê, pi ee ngàŋ mepàb, pi kag tʉ̀ tɛ’ légÿo nyìŋ gẅie à tè Ssé zsé cʉ́me nzèm pi, tá á ké ńgwɔ́ tà ké cʉ́me nzèm pi, pi zɔ̌ gÿo á cʉ́’ʉ nyìŋ gẅie à ge kú pɔ́ tsɛ̀ɛ tsɛ̀ɛ mmɔ̌g tà cʉa gẅí.

Matio 23:15 Referans Kwoze

Efeso 2:3

Pege metsèm ka zɔɔn ńgwɔ́ pɔ́ pá’ pɔ́b, ńne ńgÿo pɔ́ mmó gie ntʉ́m nyìŋ mesoŋ ne ńtsɔ́ɔn, éshúm sie ntʉ́m nyìŋ mesoŋ lâ nkwaŋá wé tyé mǒ, mbà mé la zyé wégè pege gwɔ́ pɔ́ pʉ̀a pie e Ssé ne ńgyáŋa lóŋ ná pɔ́b pá’ à ne ńgyáŋa lóŋ ná petsɔ́ pʉ̀a.

Megàŋ ntúm 13:43

Mé kẅɛɛ *ndá cú’tè, ńgwaa fagte, lelÿò pà Yuda, pâ pʉ̀a pie é la zẅíŋe nò Ssé pà Yuda gʉa ńtsege wɔ́b. Pɔl pɔ́ Panebâse gíŋe ńkẅiŋte wɔ́b ngie pɔ́ kú’te menò mbòŋo mie e Ssé kà lɔg ńcÿó gem yɔ́b, ńkú’te kwà’ mboŋó.

Megàŋ ntúm 13:10

ńgɔɔn né yé ngie: Mûɔ Sáta, ɔ́ɔ ngàŋa cÿɔ̌ nò. Ɔ̀ zsě pɔ́ léfʉte pʉ̀a. Ɔ̀ɔ ngàŋ mbù nò mbòŋo ntsèm, kɔ̀ɔkɔ́ɔ gie Ssé gÿo á tyé ndʉŋ ndʉŋ wɔ́, ɔ̀ lěen ńké ńtɔ́ɔn, ńŋwɔ́’te. Tà ɔ̀ te nyé wɛ nzẅìŋ pɛ́’ɛ̀ wɔ́?

Megàŋ ntúm 14:2

Tá’ petsɔ́ pà Yuda lʉ’ʉ lézẅíŋ, ḿbímte pʉ̀a pie é té pà Yuda wɔ́, pɔ́ zye lélíe mefɛ́ mefɛ́ tepòŋ.

Ŋwà’ne Jâŋ 8:44

Agẅi tá aa Sátá, pi piŋ né ńkwoŋo légÿo mmó gie à né ńtsɔ́ɔn. Á gʉa ná yé, mbà tà fó nzyeté, á gwɔ́ pɔ́ nzẅè nyìŋ. À laa mé ńgiŋe tsɛ̀ɛ nò nénʉ́ wɔ́. Ńtí nue à tè nò nénʉ́ tsɛ̀ɛ ntʉ́m yé gẅiin, tà tsoon lǎg. À gwɔ̌ tà ne ńcÿɔ nò, á gwɔ́ pɔ́ kwà’ shwóŋè yé, á nue aa ngàŋa cÿɔ nò, ńgwɔ́ nyìŋ gẅie yé zɔ la nuŋe cÿɔ nò.

Galatia 6:12

Pʉ̀a pie pɔ́ sẅɛ́ɛ gẅi sẅɛ́ ngie pi zẅíŋ mé pú’u gẅí, ée pʉ̀a pie pɔ́ fa’a pɔ́ légÿo mmó gie á ge poŋ pà Yuda. Pɔ́ gÿo pú’u, ńtsɔ́ɔn ngie pà Yuda té kʉ́e wɔ́b ngie pɔ́ tyé yɔ́b pɔ́ nà nò legwé Kristo nà tÿǒ nkǐ wɔ́.

Galatia 4:17

Pi ne ńgyá ngie pàzí’i gẅi menò ŋwɛ́ ne ńkwoŋo gẅi tɛ’, tá’ nkwaŋá gẅie pɔ́ gẅiin ná pi é té we mbòŋo wɔ́. Pɔ́ fa’a pɔ́ léfó nzèm mèŋ ńkẅile gẅi pi cʉ́’ʉ ńkwoŋo pɔ́ wɔ́b.

Matio 5:22

Tá’ mèŋ n gɔ̌ɔn yɔ́ɔn né pi ngie: Nyìŋ lɔɔn ńgyáŋa lóŋ nà fɛ́ we, mé gẅiin lélɔgɔ yé ńgʉa mvfò ntsɔ́’te mentsaŋ. Nyìŋ gẅie à toŋó fɛ́ we lê gʉ̀gʉ̀, mé gẅiin lélɔgɔ yé gẅie à tǒŋ ńgʉa mvfò cú’tè pàsá’a lá’. Nyìŋ gẅie à toŋó fɛ́ we lê tè zsé Ssé, à ku’u nyìŋ gẅie ńgwɔ́ Ssé ma’a yé mmɔ̌g.

Megàŋ ntúm 17:13

Tá pà Yuda pe Tesalonika jú’ pá’ Pɔl áa Mbelɛ, ńgíŋe ne shwóŋó nò Ssé, ńjuŋte ńtóo wó, ńzye léma’a và’ ńdɔg sẅite lá’.

Megàŋ ntúm 14:19

Étsɔ́ pà Yuda lêen ńgÿo fó Antiokia gẅie aa ngʉ̀ŋe Pisidie, petsɔ́ fó tÿǒsoŋ Ikonium, pɔ́ pú ńtó sele lá’ tà pɔ́ cʉ́’ ńgwɔ́ pɔ́ nà yɔb nzèm. Pâ pɔ̌ lêen ńké ńdɔg metóon ńtémte Pɔl, tà ne ńkwaŋa pɔ́ ngie à kwě, éshwoŋo yé ńdɔg fó tÿǒsoŋ, ńgʉa ńgwá’.

Megàŋ ntúm 2:10

Pàfó Filigia pɔ́ Panfilia pɔ́ Egipto, pàfó Sirɛne á nà pàga ngwòŋ Libia, pàfó *Roma gwɔ́ pɔ́ ssé. Lâ pà Yuda pie pɔ́ ée lá’ɔɔn nà melyɛ̌’ mɔɔn.

Megàŋ ntúm 6:5

Pʉ̀a Kristo jú’, á pú ḿboŋo wɔ́b tɛ’. Pɔ́ lêen ńké ntsɔ́’ɔ Etien. Á gwɔ́ nyìŋ ńzáb ntʉ́m wé nà Ssé tɛ’, mbà Zẅíge Ssé léen ńjÿó yé. Mé gíŋe ńtsɔ́’ɔ Filib, ńtsɔ́’ɔ Porokɔr, ńtsɔ́’ɔ Nikanor, ńtsɔ́’ɔ Timon, ńtsɔ́’ɔ Parmenas pɔ́ Nikola gẅie a laa nyìŋ Antiokia. Mbà à la kúu nà nò Ssé pà Yuda.

Matio 5:29

Lejÿɔ́g shú sé pwó tʉ̀ lɔɔn ńtsóte gú ɔ̀ fʉa nò, ɔ̀ tsɔ́’ ńgwá’a taa taa ngʉ̀a shʉ̀shʉ̀a. Mvfò ee pá’ ńgwɔ́ tsɔ̌ tà’ ná mekèm mbùm mú pyé, mé piŋ ńké le lá’ ḿma’a gú tsɛ̀ɛ mmɔ̌g wɔ́.

Matio 3:7

Jâŋ gyá pá’ pʉ̀a ná nùɔ pà *farisay paa pʉ̀a ná nùɔ pà *sadukay tó yɔ́b tà ńgyɔ́ɔn, pá’ à ge nu’u wɔ́b ntse, ńgɔɔn né pɔ́b ngie: ngẅɛ̀ mennú, pàpá’ legye, àwɔ́ zɔ piŋ shwóŋó gẅi lékÿo ngɔ́’ gie pi lyɛbté tà é ne ńge gwe á ná pi.

Matio 23:13

Pi ee pàshÿó tepòŋ, pi *pàkyagte lepʉ̌ Mǒsê lâ pi pà *farisay. Pi ee pànkwòŋ menÿɔ́g, pi ne ńkíle ncwò ndá gẅie pʉ̀a mesoŋ pfó mǒ tá ńkúu tsɛ̀ɛ nò *lefùɔ Ssé, pú’u, pi tè tsɛ̀ɛ wó kú, ńké tè nyé pʉ̀a pie é ne ńkwoŋo lékúu tsɛ̀ɛ wó kúu wó wɔ́.