Matio 23:13 - Nouveau Testament en Ngienboum

¹³ Pi ee pàshÿó tepòŋ, pi *pàkyagte lepʉ̌ Mǒsê lâ pi pà *farisay. Pi ee pànkwòŋ menÿɔ́g, pi ne ńkíle ncwò ndá gẅie pʉ̀a mesoŋ pfó mǒ tá ńkúu tsɛ̀ɛ nò *lefùɔ Ssé, pú’u, pi tè tsɛ̀ɛ wó kú, ńké tè nyé pʉ̀a pie é ne ńkwoŋo lékúu tsɛ̀ɛ wó kúu wó wɔ́.

Matio 23:13 Referans Kwoze

Lukase 11:52

Ndòon ee twó pi pàkyàgte *lepʉ̌ Mǒsê, pi léen ńkíle mánzsé gẅie pʉ̀a mesoŋ pfó mǒ tá ńzsé mmó gie Ssé gɔɔn, ńdʉ’ʉ kwà’ gẅi méŋwɛ́ lepfo mǒ, ńgíŋe ńtáte pʉ̀a pie é ne ńtsɔ́ɔn lepfo pú’u.

Matio 23:29

Pi ee pàshÿó tepòŋ, pi *pàkyagte lepʉ̌ Mǒsê lâ pi pà *farisay, pi ee megàŋ mepàb, pi ne nyɛte ḿbwóon mesyè á na mejʉ’ mie mé la tuŋ pà *ntsẅì nkʉ̀ Ssé wó, pi ne nkẅiŋe mesyè pʉ̀a pie pɔ́ la gwaa kwé nně ńkíbe *lepʉ̌ mbòŋo.

Matio 23:27

Pi ee pàshÿó tepòŋ, pi *pàkyagte lepʉ̌ Mǒsê lâ pi pà *farisay, pi ee megàŋ mepàb, pi gwɔ́ pɔ́ pá’ mesyè me mbwǒon, mie mé lɔgɔ mbwǒon ńzɔ́’ tà e ne fɔ́gɔ. Ee nzèm pǐ ésí tɛ’, tá’ mekẅǐ mepfó lâ melʉ̀ʉ shúm zɔ̌ gwɔ́ tsɛ̀ɛ wó.

Matio 23:23

Pi ee pàshÿó tepòŋ, pi *pàkyagte lepʉ̌ Mǒsê lâ pi pà *farisay, pi ee megàŋ mepàb, pi gabte shúm nná’ sí tà mbɔɔ nzab gi, nzsè legém, ńnáa tà’ nzsè mbwó Ssé, tá’, ńgwágte nò ná menò mie mé zí’i ná mbʉ̌, é gwɔ́ kwà’ menò mie é kẅéte. Ànò pá’ leshwoŋó nò nénʉ́, letsɔ̌ɔn mezìŋe, legù’te pɔ́ ndà’ Ssé, tá yɛ̌ zɔ gwɔ́ mmó gie á kɔ’ɔ́ ne ńzɛ́te ngie pi gÿo. Pi gÿo pú’u, tá ńké le wetsɔ̌ gígyé shúm lege.

Megàŋ ntúm 8:1

Sɔ̂l tyé jʉ’ó, ńzẅíŋe mmó gie mé gÿǒ ná Etien Á la fó lyɛ̌’ ŋwɛ́, mé zye lényɛ pʉ̀a Kristo ngʉ̀ngʉ̀ á Yerósalem tɛ’. Pɔ́ pú ńkÿo, ésa jʉ’ ná shÿó Jẅidea lâ Samalîɛ tà é cʉ́’ pɔ́ ndà’ megàŋ ntúm Yěsô á Yerósalem.

2 Timote 4:15

Mbǎ gù jú lÿɔ́’te yé, á nue à ka pǔ ńtɔ’ɔ nò Ssé gie peg ka ne shwóŋó pʉ̀a.

2 Timote 3:8

Pʉ̀a pie é zí’i wɔ́b zɔɔn ne ńdʉ’ʉ nò gie áa nénʉ́. Ndʉŋ ndʉŋ pá’ á laa tsɔ́ fʉ̀’, Jannès pɔ́ Jambrès lʉ’ʉ nò gie Mǒsê gɔɔn la, pɛ̌ pʉ̀a gíŋe ne ńdʉ’ʉ nò gie áa nénʉ́, ée pʉ̀a pie legyè sɔ́b té tyé, pɔ́ piŋ ńké tè záb ntʉ́m nà Ssé tà shwóŋó nò wɔ́.

Megàŋ ntúm 13:8

Tá à ngàŋ lekàŋ wa, gẅie lezíŋ sé lɔgɔ ńgwɔ́ Elimas ná shwóŋè Gelekia la, ne ḿbʉa Panebâse pɔ́ Sɔ̂l, ńne fa’a létáte tà ngúmnɔ́ɔn le záb ntʉ́m wé ná Yěsô wɔ́.

Megàŋ ntúm 5:40

ńtóŋ megàŋ ntúm, ńtsẅi mé lɔg ngwɔ̀ɔn ńcúa wɔ́b. Pɔ́ tɔ’ɔ wɔ́b légíŋ ńdɔg lezíŋ Yěsô ńgɔɔn nò, ndêen ńké ńnyé wɔ́b pɔ́ gʉa.

Megàŋ ntúm 5:28

Peg ka té tɔ’ɔ gẅi legíŋ ńzí’i nò nyìŋ ŋwɛ́ á mbwo pʉ̀a wɔ́ le? Pi pǐŋ ńdɔgɔ nò yé mbú saa Yerósalem ntsèm. Pi te pɛ́’ɛ̀ fa’a ngie mé yé peg zsé nò nà legwé wé wáa?

Ŋwà’ne Jâŋ 9:34

Pɔ́ tsɔ́’ɔ mbwo yé ngie, mé la lɔg pɔ́ nò tepòŋ ńzyé gú, ɔ̀ gee ńzí’i peg mmó lá! Ńdeen fó *ndá cú’tè ńjwoŋo yé ńnáa pi.

Ŋwà’ne Jâŋ 9:24

Pà *farisay gíŋe ńtóŋo nyìŋ gẅie à kaa fʉ̀ la, ńgɔɔn né yé ngie, tyé mvfò Ssé, éshwóŋó nò nénʉ́. Peg ne ńzsé ngie nyìŋ wɛ̂ aa nyìŋ tepòŋ.

Ŋwà’ne Jâŋ 9:22

Tá we pɔ́ má we, gwɔ́ gɔɔn pú’u, á nue pɔ́ la ne ḿbɔ́gɔ pàsá’a lá’ pà Yuda. Á gwaa gwɔ́, mbà pà Yuda ka zǎb ngie nyìŋ lɔɔn ńzẅíŋ ngie Yěsô aa *Nzà’nkÿo, mé fóo ndá cú’tè ńjwoŋo ngàŋ.

Matio 23:25

Pi ee pàshÿó tepòŋ, pi *pàkyagte lepʉ̌ Mǒsê lâ pi pà *farisay, pi ee megàŋ mepàb. Pi tsí’i mbùm ntú’ lɔg ńnú melù’ mbɔɔ ye káŋ, tá shúm sie pi lɔg tsóŋ lâ ngáte ńgẅiin zɔ̌ gwɔ́ tsɛ̀ɛ wó.

Matio 3:7

Jâŋ gyá pá’ pʉ̀a ná nùɔ pà *farisay paa pʉ̀a ná nùɔ pà *sadukay tó yɔ́b tà ńgyɔ́ɔn, pá’ à ge nu’u wɔ́b ntse, ńgɔɔn né pɔ́b ngie: ngẅɛ̀ mennú, pàpá’ legye, àwɔ́ zɔ piŋ shwóŋó gẅi lékÿo ngɔ́’ gie pi lyɛbté tà é ne ńge gwe á ná pi.

Matio 23:16

Pi ee pàshÿó tepòŋ, pi pie pi ee mefʉ̀ menÿɔ́g, ḿbiŋ ne ńkíbe pwó petsɔ́ pʉ̀a, ńnyɛɛ wɔ́b mánzsè. Pi gɔɔn ngie nyìŋ lɔɔn ńdɔgɔ *jʉ’ʉ Ssé ńkʉa nò, mbà e tsɔ̌ ntsaŋ tè gwɔ́ wɔ. Tá ńké ńdɔg pɔ́ tʉ̌ ngɔl gie áa tsɛ̀ɛ *jʉ’ʉ Ssé ńkʉa nò, mbà à kwǎ’ ńkʉa nénʉ́.