Matio 22:8 - Nouveau Testament en Ngienboum

⁸ ńgíŋe ńtsẅi né mentsìndá pé ngie: Mé ně ńdá’ ńtÿɔ́g shúm léjÿó lɔ́ɔn ndá ssé. Epʉ̀a pie mèŋ n ka zɔɔn ńtóŋo wɔ́b é ka tè pie é ku’u lépfɛ́ wɔ́.

Matio 22:8 Referans Kwoze

Ŋwà’ne Ngyà jʉ’ 3:4

N ké ńgɔɔn pá’ɔɔn, etsɔ́ ntá’ pʉ̀a gwɔ́ tsetsɛ̀ɛ pi tÿǒsoŋo Sardɛ̀s, mbà pɔ́ kaa lɔg ncÿǒ ńzɔ́’ menzsǒ mɔ́b wɔ́. Pɔ́ ge gÿo ma’ meféfɔ́gɔ nzsǒ, pega pɔ̌ pú ńteme kwò ńgiŋ, mélà’mie pɔ́ kǔ’ pá’ ńgwɔ́ pega pɔ̌ giŋ.

2 Tesalonika 1:5

Á lɔgɔ ńnyɛɛ ngie e Ssé ŋag ntsaŋ pɔ́ ndʉŋ ndʉŋ. Á nue ngɔ́’ gie pi ne ńgyá fʉ̀’ɔɔn, e gÿo ngie pi ku’ pʉ̀a pie pi ge lá’ kúu tsɛ̀ɛ *lefùɔ Ssé. Pi gyá ngɔ́’ ńtí pɔ́ pú’u.

Megàŋ ntúm 13:46

Pɔl pɔ́ Panebâse lêen ńké shʉ̀ashʉ̀a ńgɔɔn né pɔ́b ngie: Peg kě ńzɔɔn ńgẅiin lévɔg shwóŋó nò Ssé pɔ́ mbwo pi pà Yuda. Pá’ pi kě ńdʉ’ lʉ’, ńnyɛ ngie pi kaa ku’ pá’ ńgwɔ́ pi gẅiin le gwɔ́ tèmì wɔ́ lá, peg ge sele nnɛ́ é gʉa fa’ pʉ̀a pie é té pà Yuda wɔ́,

Ŋwà’ne Ngyà jʉ’ 22:14

Pàshÿó mbòŋo ée pʉ̀a pie pɔ́ sɔgɔ menzsǒ mɔ́b tà é lʉ́a, légwɔ́ gie pɔ́ ge ku’ léfó nà mencwò nká’, ńkúu tÿǒsoŋ, ńjÿó ntɔ̌ɔn tÿó ya gie á gÿo mé kwa’ ńgwɔ́ wó.

Lukase 21:36

Pi pɔ́ɔn lélyé, ńně sẅíŋte Ssé fʉ̀’ ntsèm, à náa gẅi tʉ̀ lélɔg ńtsẅɛ́ menò ŋwɛ́ mie é ne ńtóo, mbɔɔ lélɔg ńtyé mvfò Míŋ Nyìŋ.

Lukase 20:35

Tá ńgʉa ná pʉ̀a pie Ssé gyǎ ngie à ge zíme wɔ́b, pɔ́ kú yɔ́b tsɛ̀ɛ ngwòŋ sẅé, mbà tsɔ̌ lézɔ́’ à tè gíŋe ńgwɔ́ wó mbwo pɛ̌ mbàŋa lâ pɛ̌ pànzwě wɔ́.

Matio 9:15

Yěsô tsɔ́’ɔ mbwó pɔ́b ngie: Tà à lɔɔn ńgwɔ́ mé gʉa leluŋó nyìŋ, á nyé ńnéŋe ńnéŋe meshǔ pie mé ně ńtóŋ ńnéŋe tsɛ̀ɛ lemÿɔg mélà’a kɔ́? Tá’ mé ge lá’ fó mbwó pɔ́b tsɔ́ lyɛ̌’ sa’a yé, pɔ́ leen ńké ńnéŋe nzyè fʉ̀’ó la.

Matio 22:7

Ànò pú ḿbÿɔ́gɔ fùɔ. Á túm pàlÿɔ́’ ncù pé, ngie pɔ́ gʉa ńzẅéte mefÿɛ́ apɛ̌, ńtuɔ tÿǒsoŋ yɔ́b,

Matio 22:9

Pi leen ńké ńgʉa fʉ̀’ɔɔn ná metwó nzsè, ńgyá mbaa wɔ̌ nyìŋ wɔ́, pi tóŋo yé tóŋ.