Matio 22:44 - Nouveau Testament en Ngienboum

⁴⁴ tà ńgɔɔn ngie: «Cʉ̀apʉ̀a Ssé gɔ̌ɔn mbwó wɔ̀ɔn Ndè ngie: Tó ńnéŋe ná gwǒŋo pwó yɔ́ɔn yé tʉ̀, tà á lá’ ńkú fʉ̀’ gie mèŋ n gÿǒ ɔ̀ neŋte megàŋ mbù pú».

Matio 22:44 Referans Kwoze

Heber 1:13

E Ssé laa zɔɔn ńgɔɔn nê tsɔ̌ cÿɔ́’ we ngie: Tóo ńnéŋe nà gwoŋó pwó yɔ́ɔn ye tʉ̀ ńzẅí’te mèŋ n dɔg megàŋ mbù pú, ńgÿo ntÿɔgɔ́ mekwò mú wɔ́?

1 Korento 15:25

Kristo zɔɔn ńgẅiin lé ne sá’a njÿó tà ńkú fʉ̀’ gie Tá we lɔ̌g megàŋ mbù pé ńgÿo jʉ’ gie yé kristo ge tÿɔ́gɔ mekwò mé wó.

Heber 1:3

Mé fó pɔ́ ná múɔ wɔ̀ɔn tá ńgyá pá’ legú’ Ssé aa tè laa yé pú’u. Á lɔɔn ńgwɔ́ gie e Ssé aa lêkɔ́ wɔ́, mbà míŋ we giŋé ńgwɔ́ yé kwà’ pú’u. Á yé gẅie à lɔg pɔ́ metʉ̀ mie ée nà shwóŋè yé, ńtóonte kɔ̀ɔkɔ́ɔ gie áa tsɛ̀ɛ njÿó ntsèm. À la gwɔ́ tà ńgÿo mmó gie e Ssé ne fóo mǒ ńdege menò tepòŋ pʉ̀a mesoŋ tà á mag, á gʉa nê tÿǒ lepwó, ńnéŋe nà gwoŋó pwó Ssé ye tʉ̀, yé Ssé gẅie à pǔ sá’a kɔ̀ɔkɔ́ɔ.

Heber 12:2

Pege ne ńtÿɔ́gɔ menÿɔ́g pɔ́ ná Yěsô gẅie à la zí’i wégè lézáb ntʉ́m nà Ssé, yé zɔɔ nyìŋ gẅie à ge lá’ ńnéŋe wégè ná mbwó Ssé ndà’ ndà’. À la nyé lekág gẅie à laa we, mé kíme yé nà tÿǒ nkǐ á shÿɔg shÿɔg, à tè lɔg shʉ́ gẅie ée nà lekwě pú’u, ńtóŋo tsɔ́ nò wɔ́. Aa fʉ̀’ɔɔn ńnéŋe ngʉ̀ŋe lʉŋe lefùɔ ye Ssé, á nà gwǒŋo pwó Ssé ye tʉ̀.

Ŋwà’ne Ngyà jʉ’ 19:19

Mèŋ n gyá nkʉ̀’ʉ nɔ̀ɔn wa, ńgyá mefùɔ ndùmo ssé tsetsá’ mbɔɔ menùɔ ncù mɔ́b. Mbà pɔ́ cu’té léma’a nyìŋ gẅie à ńnéŋe ná lÿóon pâ wé nùɔ ncù lê ncù.

Filipo 3:8

é té gwɔ́ pɔ́ ndà’ pú’u wɔ́, le zsé Yěsô Kristo, á Cʉ̀apʉ̀a wɔ̀ɔn zɔ cʉ̌’ ńcʉa nò ntsèm. À kɔ̀ɔkɔ́ɔ cʉ́’ ńgwɔ́ pɔ́ pyé. Mbà mèŋ n déen ńdʉ’ shúm ntsèm ńtí pɔ́ yé. N cʉ̌’ ńdíe sɛ̌ shúm ntsèm é gwɔ́ pɔ́ kʉ̀ŋe. Kristo zɔ̌ cʉ́’ʉ yɔ́ɔn pì,

1 Korento 1:2

Mèŋ n ŋwe’e ńnáa mbwo cú’tè pʉ̀a Ssé á tÿǒsoŋo Korento, á wɔ́b pie e Ssé la laa wɔ́b nà Yěsô Kristo ńdɔgɔ wɔ́b ńgÿo pʉ̀a pé, ńzɛ́te mbwo pɔ́b ngie pɔ́ gwɔ́ kwà’ pʉ̀a pé. N náa yɔɔn ŋwà’ne mbɔɔ mbwo mânyìŋ ntsèm gẅie aa nzɔ̌ nzɔ̌ wɔ́, ńtóŋo lezíŋ Cʉ̀apʉ̀a wege Yěsô Kristo. À lɔgɔ pú’u, ńgíŋe ńgwɔ́ Cʉ̀apʉ̀a wɔ́b yɔ́b.

Ŋwà’ne Jâŋ 20:28

Tomáse tsɔ́’ɔ mbwo yé ngie: Cʉ̀apʉ̀a wɔ̀ɔn, ńgwɔ́ Ssé yɔ̀ɔn.

Lukase 19:27

Á gʉa ná megàŋ mbù pɔ́ɔn, epʉ̀a pá pie pɔ́ ka ne ńdʉ’ʉ ngie mèŋ n tè gwɔ́ fùɔ wɔb wɔ́ la, pi lɔgɔ wɔ́b ńtóo jʉ’ɔɔn, ńgwaa wɔ́b mvfò mèŋ.

Matio 22:45

Tà fùɔ Ndavíd lɔ̌ɔn ńtóŋo yé lê we Ndè pá’ɔɔn, á piŋ ńgwɔ́ míŋ we lêkɔ́?

Matio 26:64

Yěsô tsɔ́’ɔ mbwó yé ngie: Ɔ̀ gɔ̌ɔn, tà mèŋ n ké nyɛte shwóŋó gẅí, tà fó fʉ̀’ɔɔn, pi ge gÿo gyá «*Míŋ Nyìŋ ńnéŋe nà gwǒŋo pwó tʉ̀ ye Ngàŋa tʉ̀ ntsem, é gíŋe gyá à ne fóo tsɛ̀ɛ melɔ́ɔn tÿǒ lepwó ńtóo».

Malékuse 16:19

Cʉ̀apʉ̀a Yěsô la gɔɔn mbwo pɔ́b tà ńtẅé jʉ’, e Ssé ŋá’a yé ńdɔg ńkwɔ́’ lé tÿǒ lepwó. Á ńnéŋe nà gwoŋó pwó yé ye tʉ̀.