Matio 21:9 - Nouveau Testament en Ngienboum

⁹ Àlá’ gwɔ́ mvfò, yetsɔ́ gwɔ́ nzèm, ńgiŋe ńgɔɔn ngie: “Gugẅî”! Mbwó nyìŋ na ngẅɛ fùɔ Ndavíd Mbʉ́lè gwɔ́ né nyìŋ gẅie à tóo ná lezíŋ Cʉ̀apʉ̀a. Gugẅî mbwó Ssé tàa tÿǒ lepwó

Matio 21:9 Referans Kwoze

Lukase 2:14

Legu’ gwɔ́ mbwo Ssé á tàa tÿǒ lepwó, asẅétè gwɔ́ mbwo pʉ̀a mesoŋ ndùmo Ssé tsetsá’. E Ssé kwoŋo wɔ́b.

Matio 23:39

Áa yɛ̌ tá mèŋ n ge shwóŋó gẅi ngie: Tà fó fʉ̀’ɔɔn, pi tè gíŋe gyá wɔ̀ɔn mɔ́, tà lá’ kú lyɛ̌’ gie pi ge gɔɔn ngie: «E Ssé gwɔ́ né nyìŋ gẅie à tóo ná lezíŋ sé».

Matio 21:15

*Metándá pànùŋe pwɔ́’ pâ *pàkyagte lepʉ̌ Mǒsê, gyá menò mmɔɔn mmɔɔn mie Yěsô gÿǒ, ńgíŋ ńjú’ pá’ penkʉ́ ée tsɛ̀ɛ *jʉ’ʉ Ssé ńzɔbɔ ńgɔɔn ngie: Gugẅî, àgù’te áa mbwó nyìŋ na ngẅɛ fùɔ Ndavíd, ńgyáŋa lóŋ,

Matio 9:27

Yěsô fó jʉ’ó ne ńgee, etsɔ́ pàfʉ̀ menÿɔ́g mépʉ́a cʉ́me nzèm yé, ńne ńga’te ńgɔɔn ngie: Nyìŋ na ngẅɛ fùɔ Ndavíd tsɔ́ɔn mezìŋe még.

Matio 21:10

Yěsô gʉa tà ńkúu Yerósalem, àtÿǒsoŋ pú ńcʉ́’ʉ, èpʉ̀a ne ńzɛ́te ngie: Wɔɔn nyìŋ gwɔ́ pɔ́ wɔ̌?

Lukase 13:35

Cʉ́’ tà mèŋ n ké shwóŋó gẅí, *jʉ’ʉ Ssé gi ge cʉ́’ʉ fomo ndá, mbà Ssé gwa’á gẅí. Pi le gíŋe ńgyá wɔ̀ɔn mɔ́, tà lá’ kúu lyɛ̌’ gie pi ge gɔɔn ngie: E Ssé gwɔ́ lé nyìŋ gẅie à tóo nà lezíŋ sé.