Matio 21:42 - Nouveau Testament en Ngienboum

⁴² Yěsô gɔɔn né pɔ́b ngie: Á lɔɔn tè kɔ́ wɔ́, mbà pi leen ńtóŋo jʉ’ʉ ŋwà’ne Ssé gie á gɔɔn ngie: «Tóon gẅie pàpwóon ndá la gwá’, leen ńcʉ́’ʉ tóon gẅie yé zɔ pi’ ndá. Cʉ̀apʉ̀a zɔ la gÿo pú’u, á gwɔ́ máa nò mbòŋo á menÿɔ́g pege»?

Matio 21:42 Referans Kwoze

Megàŋ ntúm 4:11

Yé zɔ lɔgɔ ńgwɔ́ tóon gẅie ŋwà’ne Ssé gɔɔn nò nà yé ngie: «Tóon gẅie pàkwɛ́ ndá la gwá’, à kéen ńcʉ́’ʉ tóon lezẅé ndá».

Efeso 2:20

Pi cʉ̌’ ńgwɔ́ pɔ́ pá’ mbelég gie mé lɔ̌g ḿbwóon ndá. Acÿó ndá gwɔ́ ngàŋ ntúm Yěsô pâ pà *ntsẅì nkʉ̀ Ssé, Yěsô Kristo lê twó yé gwɔ́ tóon gẅie à pi’ ndá.

Roma 9:33

Aa tóon gẅie mé la ŋwe’e nò mǒ tsɛ̀ɛ ŋwà’ne Ssé ngie: Ssé gɔ̌ɔn ngie: Mèŋ n ně ńnuŋe tà’ tóon á tÿǒsoŋo Sioŋ, Á gwɔ́ gẅie mé ge kwɔɔnte mǒ. Á máamáa tóon gẅie à ge gÿo mé gwe. Tá’ nyìŋ gẅie à ge záb ntʉ́m wé ná yé, eshʉ́ té ge lá’ kúu yé wɔ́.

Matio 21:43

Áa pú’u, tá mèŋ shwóŋó gẅi ngie mé ge kẅé jʉ’ʉ gí tsɛ̀ɛ *lefùɔ Ssé, é náa mbwó tsɔ́ túm gie á ge gÿo mmó gie e Ssé ne ńkwoŋo. [