Matio 21:36 - Nouveau Testament en Ngienboum

³⁶ Àndÿò wa gíŋe ńtúm petsɔ́ megàŋa fà’ tà pɔ́ gyɔ́ɔn ńcʉa pe mvfò. Tá pʉ̀a pa gíŋe ńgÿo pé pá’ pɔ́ zɔ̌ɔn ńgÿo ná petsɔ́ megàŋa fà’ la.

Matio 21:36 Referans Kwoze

Matio 22:4

Á gíŋe túm petsɔ́ mentsìndá pé, ńtsẅi né pɔ́b ngie: Pi gɔɔn né pʉ̀a pie mèŋ n ka tóŋo wɔ́b ngie mé cwoŋte shúm léjÿó tà ńtÿɔ́gɔ ssé, ngie mèŋ n tsẅi mé zẅé mefòŋ pɔ́ɔn, ńzẅé menɔ̀ɔn pɔ́ɔn pie e fáŋ tɛ’, ngie shúm ně ndá’ ńtyé ssé, pɔ́ tó mé jÿó línɔ́ɔn lɔ́ɔn ndá.

Matio 21:35

Pɔ́ gʉa tà ńkúu wó, pʉ̀a pie ée nká’ yé la gwe ná mvɔ́g mvfò ńcúɔ yé, ńzẅé mbɔ́ɔntè, ḿbiŋ ńdɔg metóon ńtémte mbɔ́ɔntè yétá ńzẅé.

Matio 21:37

Àndÿò leen ńké ńtúmo kwà’ míŋ we, ńne ńkwaŋa ngie á ge gǎ wɔ́, pɔ́ gÿo mekù’ mé.