Matio 21:19 - Nouveau Testament en Ngienboum

¹⁹ Á gyá tÿǒ mbÿě ngem ngʉ̀ŋe mánzsè, ńgʉa tsìŋe wó, ńgyá pɔ́ ndà’ meffo mǒ, ńgɔɔn né tÿǒ ayɛ̌ ngie: Ɔ̀ tě ńdá’a ńgíŋe ńzéme ntɔ̌ɔn wɔ́! Àtÿǒ ayɛ̌ gwóon ńjúm.

Matio 21:19 Referans Kwoze

Titus 1:16

Pɔ́ tyé ńgɔɔn ngie pɔ́ ne ńzsé Ssé, tá menò mie pɔ́ gÿo nyɛɛ ngie pɔ́ té Ssé zsé. Pɔ́ tʉʉ twó tɛ’, ńgÿo mmó gie á sẅile sẅile, ńgwɔ́ pɔ́ zɔɔn legÿo nò mbòŋo wɔ́.

Ŋwà’ne Jâŋ 15:6

Nyìŋ lɔɔn tè la nnɛ́ ná mèŋ wɔ́, á gwɔ́ pá’ pwó tÿǒ gẅie mé *kɔ̌’, ḿma’a nzèm nká’ á júm. Mé gÿo ḿbí ńtuɔ mmɔ̌g.

Lukase 3:9

Mé ně ńzɔɔn ńdá’ ńkaa nzɔ́ɔn lélɔg ńkɔ́’ɔ yɛ̌ yɛ̌ tÿǒ wɔ́ gie á té ně ńzéme ntɔ̌ɔn mbòŋo wɔ́, éfoo Ssé kɔ́’ɔ yé ké ma’ pɔ́ mmɔ̌g.

Ŋwà’ne Jâŋ 15:2

Á gyá pwó tÿǒ gie à té ne ńzéme wɔ́, ńkɔ́’, ńtóo ná gie à ne ńzéme mentɔ̌ɔn, ńnyɛte ńkwɔ́gɔ wé wɛ̌, á cwoŋo ńzém mentɔ̌ɔn mboŋó.

Malékuse 11:14

Á gɔɔn né tÿǒ ŋwɛ́ ngie: Nyìŋ tě ńdá’a ńgíŋe ńjÿó mentɔ̌ɔn mú wɔ́, ńgwaa gɔɔn, *ngàŋa kwò yé ne ńjú’u.

Ŋwà’ne Ngyà jʉ’ 22:11

Pú’u la, nyìŋ lɔɔn ńgwɔ́ gie à tè ne ńgÿo mmó gie áa ndʉŋ ndʉŋ mvfò Ssé wɔ́, á ké ńgÿo pɔ́ pú’u, ńdɔg ńgʉa lé mvfò. Nyìŋ gẅie ncÿǒ ée ná yé, à gíŋ ńkẅi’i ńnéŋ ncÿǒ ná yé. Tá nyìŋ gẅie à ne ńgÿo mmó gie áa ndʉŋ ndʉŋ mvfò Ssé, á ke ńgíŋe ńkẅi’i ne ńgÿo pɔ́ mmó gie áa ndʉŋ ndʉŋ. Nyìŋ gẅie aa nyìŋ Ssé, à ké ńgíŋe ńkẅi’i ńgwɔ́ pɔ́ wɛ̌.

Jẅide 1:12

Pɔ́ ée pʉ̀a pie pɔ́ cʉŋe nzẅìŋ gẅi á fʉ̀’ gie pi mefɛ́ mefɛ́ cu’té ńne ńjÿó shúm, pɔ́ tó fʉ̀’ó ḿpfɛ́ɛ mmó tɛ’, ńnú melù’ tɛ’, pɔ́ té shʉ́ kú, ńkwaŋ pɔ́ ndà’ yɔ́b twó. Pɔ́ ée pá’ mbʉ̀ŋ gie e kwɔ̌’ tà mé ne ńzẅí’te ngie e lú, afóm kaa la, ńgwɔ́ pá’ metÿǒ mie ée těen ńzéme ntɔ̌ɔn wɔ́, tà mbɔɔ ná fʉ̀’ gie é kɔ’ɔ́ zém, ńgwɔ́ pá’ metÿǒ mie é léen ḿbʉe, ḿbú ńkwé.

2 Timote 3:5

é gwɔ́ pʉ̀a Ssé pɔ́ nzème pǐ, é moŋe metʉ̀ Ssé mie é kɔ’ɔ́ lɔgɔ wɔ́b gÿo pʉ̀a Ssé. Timoté lÿɔ́’te ntí pʉ̀a ápɛ̌.

Matio 21:20

*Ngàŋa kwò yé gyá pá’ á jǔm, á pú ńcʉa wɔ́b, pɔ́ gɔɔn ngie: Á gÿo lêkɔ́ tá tÿǒ yɔɔn tyé pɔ́ fʉ̀’ yɔɔn ńjúm?

Malékuse 11:20

Pɔ́ gÿo ńgwɔ́ mba’ámba’ ńne ńcʉa, ńgyá, mbà tÿǒ mbÿé ngem yɛ̌ jǔm tà ńkúu nà menŋaŋ mé.