Matio 20:7 - Nouveau Testament en Ngienboum

⁷ Pɔ́ tsɔ́’ ngie: Á gwǎ gwɔ́, mbà tsɔ̌ nyìŋ kaa tóŋo wég nà fà’ wɔ́. Á gɔɔn né pɔ́b ngie: Pí gʉa gí nká’ mèŋ fa’a fà’.

Matio 20:7 Referans Kwoze

Heber 6:10

E Ssé tè gÿo nò gie á té tyé wɔ́. À lɔɔn ńgwɔ́ á le lege mmó gie pi ka gÿo wɔ́, pá’ pi ka kẅéte mefɛ́ pi pʉ̀a Kristo, pi kě ńnyé ńkẅéte wɔ́b kẅéte, á lɔgɔ ńnyɛɛ ngie pi kwoŋ Ssé.

Kolosia 1:26

À ka tsẅi ngie mèŋ n kyɛ́’ ntsem gie à la lá’ ńdÿoon mbwo pʉ̀a mesoŋ é mejwoŋó mejwoŋó tà fó ngù’. Á ké ńgwɔ́ fʉ̀’ɔɔn, mbà à kéen ńké ńkyɛ́’ yɛ̌ ntsem ńnyɛɛ mbwo pʉ̀a pie ée pé.

Efeso 6:8

Pi kímte ngie, nyìŋ lɔɔn ńgwɔ́ nkwɔɔn, kà ńgwɔ́ pɔ́ ndù nnɛ́ wɔ́, mbà Cʉ̀apʉ̀a ge lá’ cʉ́’ʉ léná ntsɔ’ɔ́ fà’ we wɔ̌wɔ́ɔ, é ná pɔ́ pá’ ngàŋ ka lɔg fa’ mboŋó pú’u.

Roma 16:25

Pege gu’te Ssé. Yé zɔ ku’u légÿo pi tʉte tʉte nzèm yé. Nkʉ̀ Mbòŋo gẅie mèŋ n tsẅii é gɔɔn nò ná Yěsô Kristo, é ge ne fa’a yɛ̌ fà’. E Ssé lɔgɔ wɔɔn Nkʉ̀ Mbòŋo, ńnyɛɛ mmó gie à la zába ná Kristo, mbà á ka zɔ̌ɔn ńgwɔ́ pɔ́ lelyěen tà fó taa mángù’.

Megàŋ ntúm 4:16

ńgɔɔn ngie: Pege ge gÿo lêkɔ́ ná pʉ̀a pɔɔn? Pʉ̀a metsèm, ee Yerósalem wɔɔn ne ńzsé yɔɔn nò mmɔɔn mmɔɔn gie pɔ́ ka gÿo. Tà à lɔɔn ńgwɔ́ pege é le moŋe.

Ŋwà’ne Jâŋ 9:4

Á ne ńzɛ́te ngie, njÿó lɔɔn ńnyé wó pá’ɔɔn, pege fà’ mefà’ nyìŋ gẅie à la túmo wɔ̀ɔn. Nzèm ge síŋ, atsɔ̌ nyìŋ le gíŋe ńku’u léfa’a fà’ wɔ́.

Matio 20:1

Yěsô gíŋe ngie: Ànò *lefùɔ Ssé leen ńgwɔ́ pɔ́ pá’ nò tsɔ̌ nyìŋ gẅie à la mʉ́ mba’ámba’, ńgʉa fa’ megàŋa fà’ pie à ge ńnéŋe nká’ yé.

Matio 20:6

Á gÿo ńgwɔ́ ncwò nzèm ná nèm tʉ̀a, ńkẅɛ, ńgyá tsɔ́ megàŋa fà’ tyé, á zɛ́te wɔ́b ngie: Mélà’a kɔ́ pi tyé jʉ’ yɛ tà fó mba’ámba’ té ne ńgÿo tsɔ́ mmó?

Matio 20:8

Àfʉ̀’ ye létsɔ́’ɔ fà’ ku’, àngàŋ nká’ tsẅii mbwó nyìŋ gẅie à líe shúm sé ngie: Tóŋ megàŋa fà’, ńná nkáb yɔb, zye ná pʉ̀a pie mèŋ n toŋó wɔ́b nà fà’ pɔ́ nzèm la, ńgʉa ńkúu ná pʉ̀a pie mèŋ n ně ńzye ná pɔ́b