Matio 20:18 - Nouveau Testament en Ngienboum

¹⁸ Pi cwoŋo ńjú’ mboŋó, pege ee mánzsè ne ḿbʉʉ né Yerósalem pá’ɔɔn, é kúu wó, mé sẅiŋe *Míŋ Nyìŋ á mbwó *metándá pànùŋe pwɔ́’ paa *pàkyagte lepʉ̌ Mǒsê. Pɔ́ ŋaga yé, ńzáb ngie à ge kwé,

Matio 20:18 Referans Kwoze

Matio 16:21

Á fó fʉ̀’ ayɛ̌, Yěsô Kristo shʉashʉa ḿbÿe mbwó *ngàŋa kwò yé ngie: Á ne ńzɛ́te ngie à gʉa Yerósalem. À ge kúu wó gyá ngɔ́’ tɛ’ mbwó mekěme lá’, pâ *metándá pànùŋe pwɔ́’, mbɔɔ *pàkyagte lepʉ̌ Mǒsê, pɔ́ gÿo mé zẅé yé. A piŋ nzime na legwé na ḿbɔ́ɔnte lyɛ̌’ tá.

Megàŋ ntúm 2:23

Wɔɔn aa nyìŋ gẅie mé la ńnéŋe mbwo pi, á gwɔ́ pɔ́ pá’ e Ssé la lá’ ńkwaŋte ńzáb. Pi lêen ńké gÿo pàtezsě Ssé kime yé nà tÿǒ nkǐ, ńzẅé yé.

Matio 27:1

Njÿó gÿo ńdʉ́a, *mentándá pànùŋe pwɔ́’, pâ mekěme lá’ mʉ́ mba’ámba’, ńzáb ngie pɔ́ ge gÿo mé zẅé Yěsô,

Matio 26:66

Pi Kwǎŋ gí ngie kɔ́? Àlá’ tsɔ́’ ngie: Aa nyìŋ gẅie ńgwɔ́ mé zẅé yé zẅé.

Matio 26:2

Pi zsé ngie, é cʉ́’ʉ ńzága pɔ́ lyɛ̌’ sépʉ́a mé jÿó línɔ́ɔn *Páskà. Mé ge sẅiŋe *Míŋ Nyìŋ, mé kime yé ná tÿǒ nkǐ.

Lukase 22:71

Pɔ́ leen sele ńgɔɔn tsetsɛ̀ɛ pɔ́b ngie: Tà á lɔɔn ńgwɔ́ pɛ́’ɛ̀, pege ké ńgíŋe fa’a tsɔ̌ nkẅè ntáŋ la? Kwà’ pege cwoŋó ńjú’u nò gie á kẅɛ̌ ncwò yé.

Matio 10:4

ńgÿo Símo múɔ ngwòŋ pɔ́ Jẅidas Iskariod gẅie à la gÿo sẅiŋe Yěsô