Matio 2:2 - Nouveau Testament en Ngienboum

² ńgwá ńkʉ́’ʉ ńzɛ́te ngie: Àfùɔ pà Yuda gẅie mé ka zyé yé la gwɔ́ pɔ́ nzɔ̌ wɔ́? Peg ka tyé lá’ peg mbu’ sǎ’ nèm ńgyá saŋ we, peg tóo pá’ɔɔn léná mekù’ mé.

Matio 2:2 Referans Kwoze

Ŋwà’ne Ngyà jʉ’ 22:16

Yěsô ne ńgɔɔn ngie: Mèŋ n tumó cÿɔ́’ wɔ̀ɔn ngie à gʉa ńtsẅi mɔɔn menò mie ée nénʉ́ mbwo pi, ńzsé ngie mé ge gɔɔn mbwo mecú’tè pʉ̀a pɔ́ɔn. Mèŋ n gee lejÿɔ́g mmó sie é fóo nà leŋaŋ fùɔ Ndavíd, ńgwɔ́ cÿɔ́’ sàŋ gẅie à kwɔ̌’ ńjÿó gwóon ńdʉ́a.

Ŋwà’ne Jâŋ 18:37

*Pilato leen ńké ńzɛ́te yé ngie: Ɔ̀ lɔgɔ ńgwɔ́ fùɔ wɔ́? Yěsô tsɔ́’ ngie, ɔ̀ gɔ̌ɔn pú’u, mèŋ n gee fùɔ. Jú’u mmó gie á la gÿo mé zyé wɔ̀ɔn, ńgíŋe ńjú’u mmó gie á la gÿo mèŋ n tóo tsɛ̀ɛ njÿó. N da tó légɔɔn mmó gie mèŋ n zsé nà nò nénʉ́. Nyìŋ gwɔ́ ná nò nénʉ́, á jú’ ngyè yɔ̀ɔn.

Heber 1:6

Tá á la ké ńgʉa fʉ̀’ gie e Ssé lɔ̌ɔn ńge gÿo Míŋ we gẅie yé zɔɔ twó mvfò nà kɔ̀ɔkɔ́ɔ à tóo tsɛ̀ɛ njÿó, yé Ssé gɔɔn ngie: Á poŋ ngie mecÿɔ́’ pé, yé Ssé, métsèm gu’te yé,

Lukase 23:38

Mé la ŋwe’e mmó, ńkime nà tÿǒ á twó Yěsô ngie: Wɔɔn aa pá’ɔɔn ńgwɔ́ fùɔ pà Yuda.

Lukase 23:3

*Pilato zɛ́te Yěsô ngie: Ɔɔ fùɔ pà Yuda la? Yěsô tsɔ́’ɔ mbwo yé ngie: Ɔ̀ gɔ̌ɔn pú’u.

Ŋwà’ne Jâŋ 5:23

Á cʉa pú’u, mânyìŋ ntsèm ná mekù’ Míŋ we pɔ́ ndʉŋ ndʉŋ pá’ à ne ńnáa me Tá. Nyìŋ gẅie à kaa ná mekù’ Míŋ Ssé wɔ́, angàŋ lɔgɔ tě ńnáa mekù’ Tá we gẅie à la túmo yé wɔ́.

Ŋwà’ne Jâŋ 1:49

Natanayɛl tsɔ́’ ngie: Rabbi, ɔ́ɔ Mìŋ Ssé, ɔ́ɔ fùɔ pà Israel.

Lukase 19:38

ńně ńgɔɔn ngie: Mbʉ́lè gwɔ́ ne fùɔ gẅie à tóo nà lezíŋ Cʉ̀apʉ̀a. e Ssé ee tÿǒ lepwo ńgwɔ́ ngàŋ mbʉ́lè, agù’te gwɔ́ mbwo yé gẅie aa tàa tÿǒ lepwó.

Lukase 2:11

Mé la’á tÿǒsoŋ fùɔ Ndavíd lyɛ̌’ɔɔn, ńzyé Nyìŋ gẅie à ge gÿo pi tsẅɛ́. Aa Kristo gẅie Cʉ̀apʉ̀a Ssé la ka’.

Ŋwà’ne Jâŋ 9:38

Á leen ńgɔɔn ngie: Mèŋ n zǎb ntʉ́m ná gù me Cʉ̀apʉ̀a, ésẅɛ́’ ńkẅí’te ssé mvfò yé.

Ŋwà’ne Jâŋ 19:19

*Pilato gÿo mé ŋwe’e mmó, ńkime nà tÿǒ nkǐ. Á gwɔ́ mǒ ńgwɔ́ ngie: Yěsô nyìŋ Nǎzarɛd, fùɔ pà Yuda.

Ŋwà’ne Jâŋ 12:13

ńdeen ńké ńkɔ́’ meyáŋa letÿǒon, ńdɔg ńkẅɛɛ tÿǒsoŋ, ńgʉa ńzá’a yé, ńne ńgɔɔn né ngyè tetʉ́ʉ ngie: Gùugẅî E Ssé gwɔ́ né fùɔ gẅie à lɔgɔ lezíŋ Ssé ńtóo. E Ssé gwɔ́ né fùɔ pà Israel.

Matio 27:11

Yěsô kúu mvfò Ngúmnɔ́ɔn *Pilato, á zɛ́te yé ngie: Ɔ̀ɔ fùɔ pà Yuda lá? Yěsô tsɔ́’ɔ mbwó yé ngie: Ɔ̀ gɔ̌ɔn pú’u.

Ŋwà’ne Jâŋ 20:28

Tomáse tsɔ́’ɔ mbwo yé ngie: Cʉ̀apʉ̀a wɔ̀ɔn, ńgwɔ́ Ssé yɔ̀ɔn.

Matio 21:5

«Pi tsẅii mbwó pʉ̀a pie ée tsɛ̀ɛ tÿǒsoŋo Sioŋ ngie: Pɔ́ líe ńgyá pá’ fùɔ wɔ́b ne ńtóo né lejʉ́ŋ pɔ́b, ńgwɔ́ ngàŋ mbʉ́lè, ńnéŋe ndùm nzìkásè, á gwɔ́ mùɔ nzìkásè».

Matio 2:3

Pɔ́ ne ńgwá ńzɛ́te pú’u, ànò àyɛ̌ gwe metuŋó fùɔ *Herôd, ḿbú ńcu’u twó yé, ńcu’u twó pʉ̀a metsèm tsɛ̀ɛ tÿǒsoŋ Yerósalem.