Matio 2:1 - Nouveau Testament en Ngienboum

¹ Mé gwaa zyé Yěsô á tÿǒsoŋ Mbetélehem á tsɛ̀ɛ pàga ngwòŋ Jẅidea, é gwɔ́ ngù’ fùɔ *Herôd. Á gwɔ́ fʉ̀’ ayɛ̌, etsɔ́ pàzsé nò nà mecÿɔ́’ saŋ fó lá’ pɔ́b mbu’ sǎ’ nèm ńtóo Yerósalem,

Matio 2:1 Referans Kwoze

Ŋwà’ne Jâŋ 7:42

Ńtí nue mé la ŋwe’e tsɛ̀ɛ ŋwà’ne Ssé ngie: *Nzà’nkÿo ge lá’ fó pɔ́ nà ngẅɛ̀ ndá fùɔ Ndavíd, ńgie *Nzà’nkÿo ge lá’ fó pɔ́ Mbetélehem á gẅie áa lá’ pà fùɔ Ndavíd.

Lukase 2:11

Mé la’á tÿǒsoŋ fùɔ Ndavíd lyɛ̌’ɔɔn, ńzyé Nyìŋ gẅie à ge gÿo pi tsẅɛ́. Aa Kristo gẅie Cʉ̀apʉ̀a Ssé la ka’.

Matio 2:5

Pɔ́ shwóŋó yé ngie: Mé la ŋwe’e tsɛ̀ɛ ŋwà’ne Ssé ngie mé ge lá’ zyé yé á Mbetélehem, pɔ́ tsɛ̀ɛ ngwòŋ Jẅidea wɔɔn, mélà’mie *ntsẅì nkʉ̀ Ssé la ŋwe’e ngie:

Matio 1:25

Tá’ pɔ́ yé ké ńdá’ tè nuŋe, tà á gÿo ńzyé múɔ ŋwɛ́, Yesyɛ̂b tsẅi lezíŋ sé lê Yěsô

Lukase 2:15

*Cÿɔ́’ Ssé gwɔ́ tà ḿbiŋ nê tÿǒ lepwó, pàpyɛ́b mvfó gɔɔn tsetsɛ̀ɛ pɔ́b ngie: Pege gʉa tà ńkúu Mbetélehem, tá ńgyá nò gie á kẅɛ̌ wó li, á nò gie á kẅɛ̌ tà Cʉ̀apʉ̀a túm ngie mé tó shwóŋó wégè lɔɔn.

Lukase 1:5

Á laa fʉ̀’ gie *Herôd laa fùɔ lá’ pà Jẅidea, atsɔ̌ *nuŋe pwɔ́’ gwɔ́ wó, lezíŋ sé gwɔ́ le Sakarîɛ, á fa’a nà nùɔ pʉ̀a pé Abia. Anzwě we laa yé nà ngẅɛ̀ Aroŋ, lezíŋ sé gwɔ́ le Lisape.

Matio 2:19

*Herôd la gwɔ́ tà ńkwé, Yesyɛ̂b lyé njÿòon Egipto, ńgyá àtsɔ̌ *Cÿɔ́’ Cʉ̀apʉ̀a tó,

Matio 2:3

Pɔ́ ne ńgwá ńzɛ́te pú’u, ànò àyɛ̌ gwe metuŋó fùɔ *Herôd, ḿbú ńcu’u twó yé, ńcu’u twó pʉ̀a metsèm tsɛ̀ɛ tÿǒsoŋ Yerósalem.

Matio 2:7

*Herôd jú’ pú’u, ńtóŋ pàzsé nò nà mecÿɔ́’ saŋ, pâ pɔ́ tyé ntsèm, á zɛ́te wɔ́b ngie: Pi ka zye légyá wɔɔn cÿɔ́’ saŋ tà fó síŋe?

Matio 2:16

*Herôd gwɔ́ tà ńgyá ngie pàzsé nò nà mecÿɔ́’ saŋ ka paba yé, ńgyáŋa lóŋ tɛ’, ńdeen ńtúm pʉ̀a ngie pɔ́ gʉa tÿǒsoŋo Mbetélehem tà mbɔɔ menkwɔ’ɔ́ tÿǒsoŋ, ḿbú ńzẅéte penkʉ́ ntsèm pie e kǔ’ ngù’ pʉ́a mbɔɔ pie é nyé tè ku’ ngù’ pʉ́a, ńdɔgɔ ńdʉŋte pú’u, nà fʉ̀’ gie pɔ́ ka shwóŋó yé ngie cÿɔ́’ saŋ la kẅɛ.