Matio 19:23 - Nouveau Testament en Ngienboum

²³ Yěsô gɔɔn mbwó *ngàŋa kwò yé ngie: Mèŋ shwóŋó gẅí, kwà’ nénʉ́, ngie: Á tʉʉ mbwó ngàŋa mmó lézẅíŋ ngie e Ssé zɔ cʉ́’ʉ sá’a yé.

Matio 19:23 Referans Kwoze

Matio 13:22

Mbyè mmó gie e gwě tsɛ̀ɛ megǐ tepòŋ, lɔgɔ ńgwɔ́ pʉ̀a pie é jú’u shwóŋò Ssé, ńgÿo ńzye lémÿɔg menò njÿó, ńzye lézáb ntʉ́m wɔ́b nà nkáb. Sɛ̌ shúm gÿo shwóŋò Ssé maga ntʉ́m pɔ́b té zém ntɔ̌ɔn.

Malékuse 10:23

Yěsô cʉ́’ nzèm sele nnɛ́ ńdíe pʉ̀a pie é la tÿɔ́’ɔ yé ńnéŋe soŋ, ńgɔɔn mbwo *ngàŋa kwò yé ngie: Á pú ńtʉ pá’ à lɔɔn ńgwɔ́ ngàŋa mmó zẅíŋ ngie Ssé zɔ cʉ́’ʉ sá’a yé.

Lukase 18:24

Yěsô gyá ntí gie eshÿó wé lɔ̌g sẅɛ́’, ńgɔɔn ngie: Á pú ńtʉ pá’ à lɔɔn ńgwɔ́ ngàŋa mmó zẅíŋ ngie Ssé zɔ cʉ́’ʉ sá’a yé.

1 Korento 1:26

Mefɛ́ mefɛ́, pi pie Ssé la tsɔ́’ɔ gẅí, pi gyá ntí gie pi lɔg ńgwɔ́, epʉ̀a pie mé ee tsɛ̀ɛ njÿó ńgyá ngie ée pàzsé nò, é té tsetsɛ̀ɛ pi tà ńgyɔ́ɔn wɔ́. Pàgẅiin metʉ̀ é té tsetsɛ̀ɛ pi tà ńgyɔ́ɔn wɔ́. Pàfó nà metsìŋe ndá memáa pʉ̀a piŋ ńké tè tsetsɛ̀ɛ pi tà ńgyɔ́ɔn wɔ́.

Ŋwà’ne Jâŋ 3:3

Yěsô tsɔ́’ɔ mbwo yé ngie: Tà mèŋ shwóŋó gẅí, kwà’ nénʉ́, à lɔɔn ńgwɔ́ nyìŋ le gyá *lefùɔ Ssé té gwɔ́ gie mé giŋé ńzyé yé tsɔ́ legʉ̀a wɔ́.

Ŋwà’ne Jâg 2:6

Tá ńgʉa ná pi, mbà pi kéen ńcʉŋ nzẅìŋ mefÿɔg. Tá megàŋa mmó zɔ̌ téen sẅɛ́ɛ gẅi wɔ́ le? Pɔ́ zɔ̌ téen ńgwá ńdɔgɔ gẅi ńgiŋe mendá tsǎŋ wɔ́ le?

Megàŋ ntúm 14:22

ńgiŋe ńtóonte ntʉ́m pʉ̀a Kristo ngie tà pɔ́ kʉ́a ná lézáb ntʉ́m nà Yěsô, ńne ńgɔɔn né pɔ́b ngie: Á ne ńzɛ́te ngie pâ pɔ̌ cʉa tsɛ̀ɛ ngʉ̀ngʉ̀ tà ńgyɔ́ɔn tá ńkúu tsɛ̀ɛ *lefùɔ Ssé.

Ŋwà’ne Jâŋ 3:5

Yěsô tsɔ́’ ngie tà mèŋ shwóŋó gẅí, kwà’ nénʉ́, à lɔɔn ńgwɔ́ nyìŋ le kúu tsɛ̀ɛ nò *lefùɔ Ssé té gwɔ́ gie mé lɔ̌g ntse ńzyé yé, ńgíŋe ńdɔgɔ zẅìge ńzyé yé wɔ́.

Matio 18:3

ńgɔɔn ngie: Tà mèŋ shwóŋó gẅí, kwà’ nénʉ́, pi lɔɔn tè kúbe mà gẅí, tà ńcʉ́’ ńgwɔ́ pɔ́ pá’ gubé wɔ́, mbà pi tě ndá’a ńkúu tsɛ̀ɛ nò *lefùɔ Ssé wɔ́.

Matio 5:20

!Áa yɛ̌ tá mèŋ n gɔɔn né pi ngie: Pi lɔɔn té kú’te *lepʉ̌ mbòŋo ńtɔ́g *pàkyagte lepʉ̌ Mǒsê lâ pà *farisay wɔ́, mbà pi tě ńdá’a ńkúu ná nò *lefùɔ Ssé wɔ́.

Matio 21:31

Àwɔ̌ nà penkʉ́ pɔɔn mépʉ́a la gÿo mmó gie tá wɔ́b ne ńkwoŋo? *Mentándá pànùŋe pwɔ́’ pâ melÿò tsɛ̀ɛ lá’ tsɔ́’ ngie: Aa ndùŋ mvfò. Yěsô leen ńké ńgɔɔn né pɔ́b ngie: Mèŋ shwóŋó gẅí, kwà’ nénʉ́, pàkẅé ncùb pà *Roma pâ pàkáa tÿǒ pànzwě ne njÿó pì *lefùɔ Ssé ńcʉa gẅí,

Matio 19:22

Mûɔ shùm jú’u yɔɔn shwóŋó, eshÿó wé sẅɛ́’, á tém nzèm ńgʉa, mélà’mie à la gẅiin shúm tʉ̀ nzẅìŋ tɛ’.