Matio 18:7 - Nouveau Testament en Ngienboum

⁷ Ndoon ee two pʉa pie pɔ ee tsɛ yɔɔn njÿo, ńgÿo pʉa fʉate meno! Aa nenʉ meno mie é lɔɔn ńgwɔ́ é gÿo nyìŋ fʉa manzse, ée tsɛ̀ɛ njÿó tà ńgyɔ́ɔn. Mɛ̌ menò téen ndá’a ńzága wɔ́. Tá’ àshÿó tepòŋ ké ńgwɔ́ nyìŋ gẅie a ge gÿo nyìŋ fʉa manzse!

Matio 18:7 Referans Kwoze

Lukase 17:1

Yěsô gíŋe ńgɔɔn né ngàŋa nkwò yé ngie: Ammó gie ńgwɔ́ mé fó mǒ fʉa nò, á lɔɔn ńgwɔ́ á le zág. Tá’, ashÿó tepòŋ, aa nyìŋ gẅie à ge gÿo nyìŋ fʉa nò.

1 Korento 11:19

Áa nénʉ́ ngie pi gwɔ́ tà fagte menùɔ menùɔ, mé fó mǒ ńgyá pʉ̀a pie pɔ́ té kwoŋo fàgte wɔ́.

Matio 26:24

*Míŋ Nyìŋ ge kwé, à gwɔ́ pá’ mé la gɔɔn tsɛ̀ɛ ŋwà’ne Ssé, tá’, àndù té poŋ aa nyìŋ gẅie à sẅiŋé yé. Mbòŋo laa pá’ mé lɔɔn tè zyé yé wɔ́.

Jẅide 1:4

Mèŋ n gɔɔn pá’ɔɔn nue tsɔ́ pʉ̀a kéen ńzɔɔn shú ńkúu tsetsɛ̀ɛ pi, pɔ́ ne sele shÿó nò mbòŋo gie e Ssé yege la lɔg ńcÿó gʉm yégè, pú’u lépʉ́le ńgÿo menò shʉ́ mɔ́b. Pɔ́ lɔgɔ pú’u, ḿmoŋe Yěsô Kristo, á gwɔ́ ndà’ Ndè wege, yé gíle yé zɔ gẅiin wégè. Pɔ́ ée pʉ̀a tepòŋ, ńgwɔ́ pʉ̀a pie ntyě sǎg pá’ ŋwà’ne Ssé la lá’ ńgɔɔn ntí ngʉ̀ngʉ̀ gie e ku’u ná pɔ́b.

Titus 2:8

Gɔɔn nò à tyé ndʉŋ ndʉŋ, á gie à lɔɔn ńgwɔ́ mé lezoŋ, ńzsé ngie pʉ̀a pie é lʉ’ʉ nò gie ɔ̀ gɔɔn, ge zág sóon gie pɔ́ ge zába nà pege, éshʉ́ kúu wɔ́b.

Titus 2:5

é gwɔ́ manzwě gẅie à sáŋa nò tá ńgÿo, é gwɔ́ manzwě gẅie à zsě pɔ́ ndà’ ndǔm we, éfa’ mefà’ ndá mé mboŋó, é gwɔ́ manzwě gẅie mé kwoŋo nò yé, é gwɔ́ manzwě gẅie à jú’ ncwò ndǔm we. Pɔ́ lɔɔn ńgÿo pú’u, nyìŋ léshwóŋe té poŋ nà nò Ssé wɔ́.

1 Timote 6:1

Á gʉa ná pʉ̀a pie pɔ́ ée ndá nkwɔɔn, mbà á ne ńzɛ́te ngie pɔ́ zsé ngie pɔ́ gẅiin légÿo mekù’ pʉ̀a pie pɔ́ gẅiin wɔ́b, ńzsé ngie mé té ge kím lezíŋ Ssé té poŋ wɔ́, é ké le gwága nò gie mé zí’i pʉ̀a ná Yěsô Kristo wɔ́.

Megàŋ ntúm 1:16

Mefɛ́ mefɛ́, á ka ne ńzɛ́te ngie ammó gie Zẅìge Ndʉalʉ̌a la lɔg ncwò fùɔ Ndavíd ḿbÿé, mé ŋwe’e tsɛ̀ɛ ŋwà’ne Ssé à pumte. Á nò gie à la tʉ́ njÿó ńgɔɔn ntí Jẅidas gẅie yé zɔ kéen ńkẅɛɛ nnyɛ̀ nzsè tá mé gwoon Yěsô.

Ŋwà’ne Jâŋ 17:12

Á kaa fʉ̀’ gie peg lâ pɔ́ ka gwɔ̌, mèŋ n ne ńdɔgɔ metʉ̀ mú, é metʉ̀ mie ɔ̀ la náa mbwo mèŋ la, ḿbyɛ́bɛ wɔ́b. N ka tÿɔ́’te wɔ́b tà tsɔ̌ tà’ nyìŋ ná pɔ́b tè pyé. Nyìŋ gẅie á la ne ńzɛ́te ngie à pyé zɔ ká pyě. Á lɔgɔ ḿbumte nà nò gie mé la ŋwe’e tsɛ̀ɛ ŋwà’ne Ssé.

Malékuse 13:7

Pi lá’ ńgwɔ́ tà ńjú’ mé ne ńgɔɔn nò nà mencù mie é kẅɛ̌ nà gẅi shÿó, kà ngʉ̀a shʉ̀shʉ̀a wɔ́, tà pi cÿɔ’. Á ne ńzɛ́te ngie sɛ̌ shúm vɔg ńcʉate, tá á lěen ńdɔgɔ ńgwɔ́ ngie njÿó mǎg wɔ́.

Matio 16:23

Yěsô sele nnɛ́, ńgɔɔn né Piɛ ngie: Fó nzèm mèŋ ńtsíŋte nnɛ́ me Sátà! Ɔ̀ cʉ’ʉ́ ńtate wɔ̀ɔn taté. Ɔ̀ tě ńkwaŋa pɛ́’ɛ, á gwɔ́ pá’ Ssé ne ńkwaŋa wɔ́, wɛ̂ gwɔ́ pɔ́ nkwaŋá pʉ̀a mesoŋ.