Matio 18:22 - Nouveau Testament en Ngienboum

²² Yěsô gɔɔn ngie ngǎŋ, mèŋ tè gɔɔn ngie ngʉ̀a sɔɔn mbʉ́a ndà’ wɔ́, mèŋ n ge gɔɔn ngie ngʉ̀a móm sɔɔn mbʉ́a ngʉ̀a sɔɔn mbʉ́a.

Matio 18:22 Referans Kwoze

Kolosia 3:13

Pi gẅiin shÿɔ̀gɔ ntʉ́m tsetsɛ̀ɛ pi, nyìŋ gẅi fʉa nò pi lege ńnáa mbwo ye, ńdege mefʉa mí tsetsɛ̀ɛ pi né pi, pá’ Cʉ̀apʉ̀a wege la lege mefʉa mí gí la.

Malékuse 11:25

Afʉ̀’ gie ɔ̀ ne sẅíŋte Ssé lá, ńgwɔ́ gie nyìŋ fʉ̌a nò mbwo gù, ɔ̀ lege ńnáa mbwo ngàŋ. À cʉa pú’u, tá Tá gẅi gẅie aa tÿǒ lepwó, à lege mí mefʉ̀a ńná lé pi.

Efeso 4:31

Pi pú ńkẅile shúm sie ée ntʉ́m pi ńgÿo ncwò gẅi pÿɔ́gɔ, ńkẅile lézá’ lekwɔɔn nyìŋ, ńkẅile gyáŋa lóŋ, tà pi gíŋe ńtág ntsaŋ, tà pi twó ncwò, pi pú ńgwá’ fʉ̀’ nò ntí ntí,

Roma 12:21

Tà nyìŋ cʉ́’ nò gie nyìŋ gÿǒ ná yé tsóte yé, á gÿo nò tepòŋ, tà ńcʉ́’ pú’u, á lɔgɔ légÿo nò mbòŋo, ḿbyága nò tepòŋ.

Efeso 4:26

Pi lɔɔn ńgyáŋa lóŋ, pi pɔ́ɔn légÿo nò tepòŋ, ḿbɔ́ɔn nèm légwaa pyé, agyáŋa lóŋ nyé ntʉ́m pi.

1 Timote 2:8

Á gʉa ná nò létsyɛ’te Ssé mèŋ n ne ńtsɔ́ɔn ngie nzɔ̌ nzɔ̌ wɔ́ gie pʉ̀a Kristo cu’té wó wɔ́, mbàŋa tsyɛ’te Ssé, ńgwɔ tsyɛ’te, ńgwɔ́ pʉ̀a pie é té záb mbwó nà shúm tepòŋ tá ḿbiŋ ńkwé’e ńnáa tÿǒ fʉ̀’e létsyɛ’te Ssé wɔ́. Pɔ́ gíŋe ńgwɔ́ pʉ̀a pie é té ngàŋ lóŋ wɔ́, ńké tè fa’ mentsaŋ wɔ́.

Matio 18:23

Áa yɛ̌ tá nò *lefùɔ Ssé sẅé nò tsɔ̌ fùɔ gẅie, à la ne ńkwoŋo ngie pafa’a fa’ yé tó pâ pɔ́ sáŋ shúm sé sie ée mbwó pɔ́b pɔ́ tsɔ́’ ńná,