Matio 18:10 - Nouveau Testament en Ngienboum

¹⁰ Pi laga twó gí légwága tsɔ̌ tà’ ná gígyé penkʉ́ pɔɔn. Tà mèŋ shwóŋó gẅí, *mecÿɔ́’ Ssé pie é lie wɔ́b tyé mvfo Ssé fʉ’ ntsem. [

Matio 18:10 Referans Kwoze

Heber 1:14

Anò *mecÿɔ́’ Ssé zɔɔn pá’a ńgwɔ́ kɔ́? Pɔ́ gwɔ́ pɔ́ mezẅìge mie é fa’a mbwo Ssé, á ne ńtúmo wɔ́b ngie pɔ́ gʉa fa’a fà’ gie á ge kẅéte pʉ̀a pie yé Ssé ge tâ gÿo pɔ́ tsẅɛ́.

Lukase 16:22

Ngàŋ ngɔ́’ gÿo ńkwé, *mecÿɔ́’ Ssé tó ńkaa yé, ńgʉa ńnéŋe lejʉ́ŋ Ábalam. Ngàŋ nkáb gÿo ńkwé yé, mé kaa yé ńtúŋ.

Matio 24:31

é túm mecÿɔ́’ pé, pɔ́ tóŋo máamáa ntaŋ, ńdɔg ńcú’te pʉ̀a pé pie à la tsɔ́’ɔ tsɛ̀ɛ njÿó mesǎg lekùɔ, pɔ́ fó meshÿó meshÿó ńtó.

Lukase 1:19

*Cÿɔ́’ Ssé tsɔ́’ ngie: Mèŋ n gee Ngáapeleya, ńju’u mbwo Ssé. Yé zɔ tumó wɔ̀ɔn ngie n tó ńtsẅi wɔɔn nkʉ̀ mbòŋo mbwo gù.

Matio 18:14

Áa mmó gie á gÿo tá, Tá gẅi gẅie aa tÿǒ lepwó tè kwoŋ ngie tsɔ̌ tà’ nà gubé yé pyé wɔ́.

Matio 18:6

Tá nyìŋ gẅie à kě ńtsóte tsɔ̌ tà’ nà mecʉ̀cʉ̀ŋ pɔɔn pie pɔ́ záb ntʉ́m ná mèŋ, ńtsóte wɔ́b légwɔ́ gie pɔ́ ge fʉa nò, mbà mvfò áa pá’ ngwɔ́ me cʉŋé máamáa tóon lóŋ ngàŋ, ńtsó yé, ḿma’a tsɛ̀ɛ mí á jʉ’ʉ zème.

Matio 2:19

*Herôd la gwɔ́ tà ńkwé, Yesyɛ̂b lyé njÿòon Egipto, ńgyá àtsɔ̌ *Cÿɔ́’ Cʉ̀apʉ̀a tó,

Matio 2:13

Pɔ́ gwɔ́ tà ńgʉa, Yesyɛ̂b lyé njÿòon, ńgyá tsɔ̌ *Cÿɔ́’ Cʉ̀apʉ̀a tó, ńgɔɔn né yé ngie: Lu ssé, ńkáa múɔ, pi lâ mápfò kÿo, ńgʉa lê tsɛ̀ɛ ngwòŋ Egipto, ńnéŋe wó. Mèŋ, n ge gÿo shwóŋó gú fʉ̀’ gie ɔ̀ ge piŋ nzèm. Á nue *Herôd ge fa’a múɔ wɛ̂ lézẅé yé.

Matio 1:20

ńnyé ńkwaŋa kwaŋ, ńdyé njÿòon ńgyá *cÿɔ́’ Ssé tóŋo yé, ńgɔɔn né yé ngie: Yesyɛ̂b, gu gẅie ɔɔ na ngẅɛ fuɔ Ndavíd, kẅé nzwě gù Malîɛ ńnéŋe ndá té pɔ́g, mélà’mie aa shwoŋ pɛ́’ɛ, mbà Zẅìge Ndʉalʉ̌a zɔ̌ gÿǒ.

1 Tesalonika 4:8

Pú’u la, nyìŋ gẅie à ju’ú yɔɔn nò ńdʉ’, à tě ńdʉ’ʉ pɔ́ nyìŋ mesoŋ wɔ́, à lʉ’ʉ pɔ́ Ssé gẅie à la náa zẅìge ndʉalʉ̌a yé mbwo pi.

1 Korento 11:22

Pi te gẅiin mendá mí léńnéŋe wó, ḿpfɛ̂ mmó, ḿbiŋ ńnú wɔ́ ka? Kà pi kwoŋo pɔ́ lélɔg shʉ́ ńkú pʉ̀a pie pɔ́ té mmó léjÿó gẅiin, ńdɔgɔ pú’u ńgwága cú’tè pʉ̀a Kristo? Pi gɔɔn ngie mèŋ n gɔɔn né pi ngie kɔ́? Ngie n ná ngɔ́ɔnte gi la? Ngǎŋ! Kwà’ nénʉ́, à lɔɔn ngwɔ́ n de ngɔ́ɔnte gi ná.

1 Korento 16:11

Pú’u lá, tà nyìŋ gwága yé. Pi náa yé shÿó pá’ à ge gwaa piŋ kẅɛ́te wɔ̀ɔn, é giŋe kága kǎg. Mèŋ n ne ńzẅí’te yé pá’ pâ mefɛ́ mefɛ́ ge tó.

Roma 14:10

Pá’ áa pá’ɔɔn la, gù, mélà’a kɔ́ ɔ̀ gíŋe ńtúu *lɔ̌’ fɛ́ gú? Gù jú mélà’a kɔ́ ɔ̀ gíŋe ńkʉ́e fɛ́ gú? Pege metsèm zɔɔn ḿbú ńgẅiin lélá’ ńcʉa mvfò Ssé à ŋaga wégè.

Megàŋ ntúm 27:23

Mèŋ, n gɔɔn pá’ɔɔn, mbà á ně ńgwɔ́ letsẅɛ́’ lyɛ̌’ɔɔn, e Ssé gẅie mèŋ n gu’te, túmo tsɔ̌ cÿɔ́’ we mbwo mèŋ mie mèŋ n gee ngàŋa fà’ we,

Megàŋ ntúm 12:23

Atsɔ̌ cÿɔ́’ Cʉ̀apʉ̀a gwóon ńtyé pɔ́ fʉ̀’ó, ḿma’a guɔ ná fùɔ *Herôd, mélà’mie à kǎŋ mekù’ mie é gwɔ́ pɔ́ me Ssé, ńdɔg ńgÿo mé. Mengingi lú’te yé á kwé.

Megàŋ ntúm 12:15

Pɔ́ gɔɔn né yé ngie: Ɔ̀ɔ pʉ̀a! Á gɔɔn ngie n gɔɔn shwóŋó nò. À wɛ̂ ncwò nká’. Pɔ́ gɔɔn ngie ndyɛ̀’, mbà à gwɔ́ pɔ́ *cÿɔ́’ Ssé gẅie aa ḿbyɛ́bɛ yé.

Megàŋ ntúm 10:3

Á gwɔ́ tsɔ̌ lyɛ̌’, á nà mmó nèm tá mbÿɛ̀ njÿó, e Ssé nyɛ́’ nÿɔ́g mé. Á gyá tsɔ̌ *cÿɔ́’ Ssé tó ńtsɛ́ɛ yé ndá, ńtóŋo yé ngie: Kornɛy!

Megàŋ ntúm 5:19

Tá á gÿo ńgwɔ́ letsẅɛ’, atsɔ̌ cÿɔ́’ Cʉ̀apʉ̀a tó, ńtsɔ́’ ndá tsǎŋ, ńgÿo megàŋ ntúm gwaa kẅɛ, á gɔɔn né pɔ́b ngie:

1 Timote 4:12

Pɔ́ɔn légÿo mé gwága gú ngie ɔ́ɔ múɔ. Kag tʉ̀ tà pʉ̀a Kristo pí fʉ̀’ ná gù. À cʉa nà shwóŋè jú, á nà megiŋe mú, á nà jù ntí lekwoŋo nyìŋ mesoŋ, á nà jù ntí lézáb ntʉ́m nà Ssé, á ná gù lépɔ́ɔn nkwaŋá gẅie à lɔɔn ńgwɔ́ é cʉŋte gú.

1 Korento 9:22

Mèŋ n gee fʉ̀’ gie mèŋ n ne fa’a tsetsɛ̀ɛ pʉ̀a pie pɔ́ nyé ḿbÿɛ́ɛ pÿɛ̌ nà lezǎb ntʉ́m ná Kristo, mèŋ n ńnéŋe pɔ́ pá’ nyìŋ gẅie à nyě ḿbÿɛ́ɛ yé pÿɛ̌ la, ńzsé ngie n ge lɔg pú’u, é gÿo pɔ́ cʉ́’ kwà’ pʉ̀a Kristo. Nyìŋ lɔɔn ńgwɔ́ pɔ́ lêkɔ́ wɔ́, á gwɔ́ pɔ́ lêkɔ́ wɔ́, n cʉ́’ pá’ yé, ńzsé ngie n ge lɔg pú’u, é gÿo ná ntí gie ńgwɔ́ á tsẅɛ́.

Roma 15:1

Ammó gie pege gẅiin légÿo áa ngie pʉ̀a pie pɔ́ lɔgɔ nò Ssé ńzsé mmó gie pɔ́ ge gÿo, gẅiin lélɔg ntʉ́m mbòŋo ńkẅéte pʉ̀a pie pɔ́ té ne ńzsé pá’ pɔ́b wɔ́. Nyìŋ tè gẅiin légÿo mmó gie á poŋ pɔ́ yé wɔ́.

Roma 14:21

Ammó gie áa mbòŋ, aa lélʉ’ʉ kɔ̀ɔkɔ́ɔ gie ńgwɔ́ fɛ́ gù kwɔɔnte mǒ ńgwe ssé, kà ńgwɔ́ á gwɔ́ pɔ́ lépfɛ́ mbab wɔ́, kà lénú melù’ wɔ́.

Ŋwà’ne Ngyà jʉ’ 8:2

Mèŋ n gyá mé ná mentàŋ Sɔɔn mbʉ́a á mbwo *mecÿɔ́’ Ssé sɔɔn mbʉ́a pie pɔ́ ée ntyé mvfò Ssé.

Galatia 6:1

Mefɛ́ mefɛ́, pi lɔɔn ńkeme nyìŋ á ne fʉa nò, pi lɔg pá’ pi ne ńjú’u mbwo Zẅìge Ssé ńgÿo ngàŋ piŋe ná mánzsè gẅie aa ndʉŋ ndʉŋ. Tá ńcʉ́’ʉ légÿo ńdɔg pɔ́ mbʉ́lè. Wɔ̌wɔ́ɔ ná pi wɔ́ piŋ ḿbɔ́ɔn twó yé ḿbɔ́gɔ légwɔ́ gie à ge gwe yé tsɛ̀ɛ nkwà’te.

2 Korento 10:10

Mèŋ n ne ńzsé ngie tsɔ́ pʉ̀a ne ńgɔɔn ngie pɔl túmo ŋwà’ne ńcÿɔ́gɔ tsoló tɛ’, ńgɔɔn nò á tʉ, ḿbiŋ ńtó tà ńtyé ssé ḿbÿɛ́, anò gie à gɔɔn té gíŋe ńcʉ́e wɔ́.

2 Korento 10:1

Mèŋ Pɔl, mèŋ n ge lɔg pá’ Yěsô Kristo pʉ́le tɛ’ ńgíŋ ńgwɔ́ ngàŋa pòŋo ntʉ́m, éshwóŋó gẅi tà’a nò. Aa kwà’ mèŋ pɔl wá gẅie mé gɔɔn ngie mèŋ n ge fʉ̀’ gie mèŋ n gee tsetsɛ̀ɛ pi, ń nẅéen nẅéen, ńké ńgwɔ́ fʉ̀’ gie mèŋ n gee ngʉ̀a shʉ̀shʉ̀a, ńgɔɔn nò mbwo pi tsɛ̀ɛ ŋwà’ne té pɔ́g la.

Lukase 10:16

Yěsô gíŋe ńgɔɔn mbwo *ngàŋa kwò yé ngie: Nyìŋ lɔɔn ńzẅíŋe shwóŋè gí, mbà à zẅiŋe pɔ́ shwóŋè yɔ́ɔn. Nyìŋ lɔɔn ńdʉ’ʉ gẅí, mbà à lʉ’ʉ pɔ́ wɔ̀ɔn, ńdɔ́gɔ pú’u, ńdʉ’ʉ nyìŋ gẅie à la túmo wɔ̀ɔn

Matio 12:20

À tě ńdá’a ḿbwɔ́’ɔ kekà’a gie á tʉ́ŋe wɔ́, é ké le pyág mmɔ̌g nà lâm gẅie à gee ḿbyě wɔ́, é ké lá’ gÿo pɔ́ pú’u, tà ntí lesá’a lá’ gie ee ndʉŋ ndʉŋ e jÿó mânyìŋ ntsèm.

Heber 9:24

Kristo la zɔɔn tè kúu tsɛ̀ɛ jʉ’ gie mé nuŋe pwɔ́’ wó, á gwɔ́ gie pʉ̀a mesoŋ la lɔg mbwó mɔ́b ńnyɛte ńdɔgɔ fʉ’ʉ kwà’ yɛ̌ gie áa tÿǒ lepwó wɔ́. À la kú pɔ́ kwà’ tÿǒ lepwó, tà aa fʉ̀’ɔɔn ńdɔgɔ yégè nò ńgwɔ́ lejʉ́ŋ Ssé.