Matio 17:21 - Nouveau Testament en Ngienboum

²¹ Á gʉa nà yɛ̂ ntí *ssé tepòŋ, mbà nyìŋ lɔɔn tè zɔ́g nzyè, ńké sẅíŋte pɔ́ Ssé, tá ńjwoŋ wɔ́ é le kẅɛ.]

Matio 17:21 Referans Kwoze

Malékuse 9:29

Yěsô gɔɔn né pɔ́b ngie: Mé lɔg pɔ́ ndà’ lésẅíŋte Ssé tá ńdɔg ńgÿo yɛ̌ ntí *ssé tepòŋ fó ná nyìŋ ńkẅɛ.

Matio 17:22

Á gwɔ́ tsɔ́ lyɛ̌’, *ngàŋa kwò Yěsô pú ńcú’te Galilea, Yěsô gɔɔn né pɔb ngie: Mé ge sẅiŋe *Míŋ Nyìŋ mbwó pʉ̀a mesoŋ.

Matio 12:45

mbà à ge gʉa gú tsɔ́ *messé tepòŋ sɔɔn mbʉ́a, e gwɔ́ mie pú ńgyɔ́ɔn sóon tà ńcʉa yé, pâ pɔ́ piŋ nzèm ńkúu ná nyìŋ wa, ńdɔgɔ yé ńgÿo ndá yɔ́b. Ngɔ́’ ngàŋ pú ńgyɔ́ɔn ńcʉa pá’ e ka zɔɔn ńgwɔ́. Á ge lá’ gíŋe gwɔ́ pɔ́ pú’u, nà pʉ̀a pie ee tsɛ̀ɛ njÿó fʉ’ɔɔn pie e tepòŋ.

Megàŋ ntúm 13:2

Pɔ́ gÿo ne *ńkwoŋo kwoŋ ńnéŋe nzyè, ésẅíŋte Ssé. A Zẅìge Ndʉalʉ̌a gɔɔn né pɔ́b ngie: Pi faga Panebâse pɔ́ Sɔ̂l, ńnyé wɔ́b, pɔ́ fa’a fà’ gie mèŋ n ka tsɔ́’ɔ wɔ́b ńtí yɛ̌.

Megàŋ ntúm 14:23

Pɔl pɔ́ Panebâse ne ńcʉa nzɔ̌ jʉ’ wɔ́, ńtsɔ́’ɔ pʉ̀a pie pɔ́ ge kẅé mvfò tsɛ̀ɛ yɛ̌ cú’tè pʉ̀a Kristo wó. Tà á ku’, pɔ́ kwoŋo kwoŋ, ńdʉ’ʉ shúm léjÿó, ésẅíŋte Cʉ̀apʉ̀a Ssé, ńdeen ńké ńcʉ́me wɔ́b mbwo Cʉ̀apʉ̀a gẅie pɔ́ zẅiŋé nò yé.

1 Korento 7:5

Tà mámbàŋa lʉ’ʉ nò mbwo nzwé we, tà manzwě ké ńdʉ’ yé. À lɔɔn ngwɔ́ pi gÿo pú’u, pɔ́ ná mûɔ méfʉ̀’ gẅie pi lɔgɔ́ tà’ ncwò ńgyá ngie pi ge sẅíŋte Ssé, ésẅíŋte Ssé tà ńtsẅé jʉ’, pi gíŋe ńnéŋe tsɛ̀ɛ lɔ́ɔn ndá gí pá’ pi zɔɔn ńnéŋe, ḿbɔ́gɔ légwɔ́ gie à lɔɔn ńgwɔ́ Sátà lɔg pá’ pi kʉ́a légwoonte mbùm gí ńkwa’te gẅí,

2 Korento 11:27

ńgwá fa’ mefà’ mie é tʉ̀ tà ńjú’ ńkʉ́a tɛ’, ńgwá ńdá’ té lyé. Nzyè gwá ńgyáŋa wɔ̀ɔn, agág yɔ́ɔn gwá shÿó, ńgwɔ́ tsɔ́ fʉ̀’, eshúm léjÿó pú ḿmaga mbwo mèŋ, efÿɔ́g gwá ńkúu wɔ̀ɔn, mbà mèŋ n zǎg nzsǒ.

Efeso 6:18

Pi gwɔ́ fʉ̀’ ntsèm ńne ńtsyɛ’te Ssé, ńgíŋe ne sẅíŋte yé nà mentí ntsèm, pá’ Zẅìge ge ne nyɛɛ gẅi ngie pi gÿo pú’u. Tà pi gwá’a lÿɔ̀g, pi sẅíŋte Ssé nà twó pʉ̀a Ssé métsèm.