Matio 15:8 - Nouveau Testament en Ngienboum

⁸ «Pʉ̀a pɛ̂ lɔgɔ pɔ́ ndà’ ncwò wɔ́b ńgu’te wɔ̀ɔn, ntʉ́m wɔ́b té ná mèŋ wɔ́.

Matio 15:8 Referans Kwoze

Megàŋ ntúm 8:21

Ɔ̀ tè nyìŋ gẅie à lɔɔn ngwɔ́ pege teme nò wɔ́. Menò mie mé gÿo jʉ’ɔɔn, ɔ̀ tè nò mǒ gẅiin, mélà’mie ntʉ́m gú ée mvfò Ssé, é té tyé ndʉŋ ndʉŋ wɔ́.

1 Piɛ 3:10

Mé la zɔɔn ńŋwe’e tsɛ̀ɛ ŋwà’ne Ssé ngie: Nyìŋ lɔɔn ńne ńkwoŋo léńnéŋe mboŋó, ḿbiŋ ńgẅiin melyɛ̌’ lá’ mbòŋo, á poŋ ngie ngàŋ sele lʉ́m yé tá ńgɔɔn nò, ḿbɔ́gɔ nò tepòŋ, ḿbɔ́ɔn ncwò we, ḿbɔ́g cÿɔ̌ nò.

Heber 3:12

Pú’u la, mbà mefɛ́ pɔ́ɔn, pi laga twó gí, tà ntʉ́m tsɔ̌ nyìŋ gẅi é le tiŋ ndʉ̀’ á fó ná Ssé gẅie aa ńgwɔ́ pɔ́ wó ńzyɛ́b ntʉ́m wé wɔ́.

Ŋwà’ne Jâŋ 1:47

Yěsô gyá pá’ Natanayɛl ne ńtóo, ńgɔɔn nò ná yé ngie: Wɔɔn aa kwà’ mûɔ Israel gẅie anò nkÿo nkÿo té ná yé wɔ́.

Matio 15:7

Pi ee pà nkwòŋ menÿɔ́g! Esǎya á *ntsẅì nkʉ̀ Ssé, lɔ̌ɔn fɔ́ɔn ńgɔɔn pá’a shwóŋó nò, pá’ à la gɔɔn ná mà lá’ gẅi ngie e Ssé gɔ̌ɔn ngie:

Malékuse 7:6

Yěsô tsɔ́’ɔ mbwo pɔ́b ngie: Pi ee pà nkwòŋ menÿɔ́g. Esǎya, *ntsẅì nkʉ̀ Ssé lɔ̌ɔn fóon ńgɔɔn pá’a shwóŋó nò, pá’ à la ŋwe’e ńtí mà gẅi ńgɔɔn ngie: Epʉ̀a pɛ̂ lɔgɔ pɔ́ ndà’ ncwò wɔ́b ńgu’te wɔ̀ɔn, ntʉ́m wɔ́b té ná mèŋ wɔ́.

Ŋwà’ne Jâŋ 5:23

Á cʉa pú’u, mânyìŋ ntsèm ná mekù’ Míŋ we pɔ́ ndʉŋ ndʉŋ pá’ à ne ńnáa me Tá. Nyìŋ gẅie à kaa ná mekù’ Míŋ Ssé wɔ́, angàŋ lɔgɔ tě ńnáa mekù’ Tá we gẅie à la túmo yé wɔ́.