Matio 13:8 - Nouveau Testament en Ngienboum

⁸ Etsɔ́ memvòm gwe ná jʉ’e tsetsá’ mbòŋo, ésá’ ńgú’, ńzém. Etsɔ́ letsiŋe gwɔ́ ná mvòm nkÿo, etsɔ́ ná mvòm móm ntɔgɔ́, setsɔ́ ná mvòm móm ntá.

Matio 13:8 Referans Kwoze

Lukase 8:15

Mbyè mmó gie e gwě nà tsetsá’a mbòŋo lɔgɔ ńgwɔ́ pʉ̀a pie pɔ́ jú’u shwóŋè Ssé, ńzẅíŋ lê ntʉ́m mbòŋo, ńgÿo pá’ á ne ńzɛ́te, ḿbiŋ ne ńkaga tʉ̀ lékú’te fʉ̀’ ntsèm, ḿbiŋe ne ńzéme ntɔ̌ɔn.

Matio 13:23

Mbyè mmó gie gwě nà tsetsá’a mbòŋo lɔgɔ ńgwɔ́ pʉ̀a pie pɔ́ jú’u shwóŋò Ssé tà nkwà’ ńjú’. Pɔ́ ée pá’ metsìŋe shúm mie setsɔ́ gwɔ́ ná memvòm nkÿo, setsɔ́ ná móm ntɔgɔ́, setsɔ́ ná móm ntá.

Ŋwà’ne Jâŋ 15:8

Ammó gie á lɔɔn ńgwɔ́ á gÿo mé gu’te Tá wɔ̀ɔn, aa pá’ à lɔɔn ńgwɔ́ pi gÿo shúm mbòŋo tɛ’, ḿbiŋ ńgwɔ́ *ngàŋa kwò yɔ́ɔn.

Filipo 1:11

Yěsô ge gÿo pi ké ne fa’a pɔ́ mefà’ mbòŋo, ńzsé ngie pʉ̀a ge ne gyá, é gu’te Ssé, é gé’e lezíŋ sé.

Roma 7:18

Mèŋ n ne ńzsé ngie nò mbòŋo léen tè wɔ̀ɔn jÿó, n gɔɔn wɔ̀ɔn nyìŋ mesoŋ gẅie mèŋ fege fege. N tsɔ́ɔn légÿo nò mbòŋo fʉ̀’ ntsèm tá ńké tè ku’u légÿo wɔ́.

Matio 13:7

Etsɔ́ memvòm gwe tsɛ̀ɛ legǐ tepòŋ, legǐ tepóŋ gÿo ńdu sse éfóme mɛ̌.

Malékuse 4:8

Metsɔ́ memvòm gwe nà jʉ’ʉ tsetsá’a mbòŋo, ńgú’, éshʉ́a mboŋó. Metsɔ́ metsiŋe gwɔ́ ná mvòm móm ntá, metsɔ́ ná móm ntɔgɔ́, metsɔ́ ná nkÿo.

Malékuse 4:20

Mbyè mmó gie e gwě nà tsetsá’a mbòŋo, lɔgɔ ńgwɔ́ pʉ̀a pie pɔ́ jú’u shwóŋè Ssé, ńzẅíŋ, ḿbiŋ ńně ńgÿo pá’ nò Ssé ne ńzɛ́te, ńdɔgɔ ńgee mvfò, pɔ́ lɔgɔ ńgwɔ́ pá’ mbyè mmó gie tsɔ̌ mvòm gwɔ̌ sá’ tó ńná memvòm móm ntá, yetsɔ̌ ná móm ntɔgɔ́, yetsɔ̌ ná nkÿo.

Lukase 8:8

Metsɔ́ memvòm gwe ná jʉ’ʉ tsetsá’a mbòŋo, ńgú’, ńgÿo ńzém, tà’ letsiŋé ná mvòm nkÿo. Yěsô gɔɔn pú’u, ngie, nyìŋ lɔɔn ńgẅiin metuŋó lélɔg ńjú’u nò á jú’.