Matio 13:47 - Nouveau Testament en Ngienboum

⁴⁷ Yěsô gíŋe ngie: Àno *lefùɔ Ssé gíŋe ńgwɔ́ pɔ́ pà’ nò lekÿo sie mé ma’a tsɛ̀ɛ letʉŋ, messó kúu tsɛ̀ɛ wó ntí ntí.

Matio 13:47 Referans Kwoze

Ŋwà’ne Jâŋ 15:6

Nyìŋ lɔɔn tè la nnɛ́ ná mèŋ wɔ́, á gwɔ́ pá’ pwó tÿǒ gẅie mé *kɔ̌’, ḿma’a nzèm nká’ á júm. Mé gÿo ḿbí ńtuɔ mmɔ̌g.

Ŋwà’ne Ngyà jʉ’ 3:1

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋo Sardɛ̀s. Ŋwe’e ngie: Nyìŋ gẅie à gẅiin Mezẅìge Ssé sɔɔn mbʉ́a mbɔɔ mecÿɔ́’ saŋ sɔɔn mbʉ́a la, à ne ńgɔɔn ngie: Mèŋ n ne ńzsé mefà’ mí, ńne ńzsé ngie mé gwaa gɔɔn ngie pi ee ntentʉ́, mbà pi léen ńkwé.

Malékuse 1:17

Yěsô gɔɔn né pɔ́b ngie: Pi tó pege zɔ cʉ́’ʉ ńgiŋe, mèŋ n gÿo pi cʉ́’ʉ fa’a pɔ́ pʉ̀a mesoŋ.

Galatia 2:4

Tà mbɔɔ pá’ tsɔ́ pàcÿɔ nò ngie pɔ́ ée mefɛ́ pég la ne ńkwoŋo ngie mé pú’u yé. Pʉ̀a ŋwɛ́ la shú ńkúu tsɛ̀ɛ nùɔ yég pá’ pà mánaŋ. Pɔ́ lɔ́ɔn ńtóo lé gyá pá’ peg ee pà ndù nnɛ́ ná mà pà Yuda, ńcʉa ná Yěsô Kristo ńgÿo még menò pú’u. Pɔ́ lɔ́ɔn fa’a lé lɔgɔ wég ńgÿo menkwɔɔn.

2 Korento 11:26

N dǎ giŋ tɛ’, legwé nÿɔgɔ wɔ̀ɔn tɛ’, ńgwá ńgyá ngɔ́’ mentse mie é kwɔ̌’ tà sa jʉ’, ńgwá ńgwe nà mbwo mesèm ncwò, ńgwá ńgwe nà mbwo mefɛ́ pɔ́ɔn pà Yuda, ńgwá ńgwe nà mbwo pʉ̀a pie é té pà Yuda wɔ́, ńgwá ńkúu nò tsɛ̀ɛ metÿǒsoŋ, ńgwá ńkúu nò kwòŋo tsẅɛ, ńgwá ńkúu nò tsɛ̀ ntse té pàa, ńgwá ńkúu nò mbwo pʉ̀a pie pɔ́ cÿɔ nò ngie pɔ́ ée pʉ̀a Kristo,

Megàŋ ntúm 20:30

Epʉ̀a kẅɛ mbɔɔ tsetsɛ̀ɛ pi, ńzye lézí’i cÿɔ̌ nò ńdɔg shwoŋte pʉ̀a Kristo ńcʉ́’ ńnéŋ pɔ́ nzèm pɔ́b.

Lukase 5:10

Tà mbɔɔ Jâŋ pɔ́ Jâg, é gubé Zebede, gie é laa ngàŋa yetsɔ́ kanú’ la gíŋe ḿbú ḿbɔ́g yɔ́b tɛ’. Tá Yěsô gɔɔn né Símo ngie: Tè pɔ́g pɔ̌g, tà fó lyɛ̌’ɔɔn, ɔ̀ ge nyé légwoon messó é cʉ́’ʉ cú’te pɔ́ pʉ̀a mesoŋ.

Matio 4:19

Yěsô gɔɔn né pɔ́b ngie: Pi tó, ńcʉ́me nzèm mèŋ, n dɔgɔ gẅi ńgÿo pàfà’ pʉ̀a mesoŋ.

1 Korento 11:19

Áa nénʉ́ ngie pi gwɔ́ tà fagte menùɔ menùɔ, mé fó mǒ ńgyá pʉ̀a pie pɔ́ té kwoŋo fàgte wɔ́.

Ŋwà’ne Jâŋ 15:2

Á gyá pwó tÿǒ gie à té ne ńzéme wɔ́, ńkɔ́’, ńtóo ná gie à ne ńzéme mentɔ̌ɔn, ńnyɛte ńkwɔ́gɔ wé wɛ̌, á cwoŋo ńzém mentɔ̌ɔn mboŋó.

Matio 13:44

Yěsô gíŋe ńgɔɔn ngie: Ànò *lefùɔ Ssé gíŋe ńgwɔ́ pɔ́ pá’ tsɔ́ mmó tʉ̀ nzẅìŋ gie á lyeen tsɛ̀ɛ tsɔ́ nká’, nyìŋ gwɔ́ tá ńgyá, ńgíŋe ńde’e, ńdɔgɔ lékág ńkÿote ńgʉa sẅiŋ shúm sé ntsèm, ńdɔg nkáb ńtó njú wɛ̌ nká’.

Matio 13:46

À gwɔ̌ tà ńgyá tsɔ́ tɔgɔ́ tsye gie á jÿó nkáb tɛ’, ńgʉa sẅiŋ shúm sé ntsèm ntsèm, ńdɔg nkáb ńtó ńjúu yɛ̌ ŋwɛ́.

Matio 13:48

Lekÿo gwɔ́ tà ńdúe, mé shwoŋ ńdɔg ńgee ngʉ̀ŋe ntse, ḿbʉ́le ńnéŋe ssé, ńtyɛ́te messó me mbòŋo, ńnéŋe tsɛ̀ɛ metúŋ, ńgwá’ metsɔ́ mie ńgwɔ́ é le kẅéte.