Matio 13:44 - Nouveau Testament en Ngienboum

⁴⁴ Yěsô gíŋe ńgɔɔn ngie: Ànò *lefùɔ Ssé gíŋe ńgwɔ́ pɔ́ pá’ tsɔ́ mmó tʉ̀ nzẅìŋ gie á lyeen tsɛ̀ɛ tsɔ́ nká’, nyìŋ gwɔ́ tá ńgyá, ńgíŋe ńde’e, ńdɔgɔ lékág ńkÿote ńgʉa sẅiŋ shúm sé ntsèm, ńdɔg nkáb ńtó njú wɛ̌ nká’.

Matio 13:44 Referans Kwoze

Kolosia 2:3

Azse nò ntsèm, mbɔɔ legyè ntsèm pú ńgwɔ́ fù’ gie á cú’te ńdyeen pɔ́ ná Yěsô.

Lukase 14:33

Yěsô ma’a twó ngie: Áa ndʉŋ ndʉŋ pú’u, nyìŋ lɔɔn ńgwɔ́ tsetsɛ̀ɛ pi, à tè vɔg ńnyé shúm sie à gẅiin wɔ́, mbà à tè ku’u légwɔ́ *ngàŋa kwò wɔ̀ɔn mɔ́.

Matio 6:21

Á nue eshúm tʉ̀ nzẅìŋ shú lɔɔn ńgwɔ́ nzɔ̌ wɔ́, mbà ntʉ́m gú ge gwɔ́ pɔ́ jʉ’ó.

Matio 19:29

Àwɔ̌wɔɔ gẅie à la nyé mendá, ńnyé mefɛ́ pé pe mbàŋa mbɔɔ pe pànzwě, ka pɔ́ tá we, ka pɔ́ má we, ka pɔ́ penkʉ́ pé, ka pɔ́ menká’ mé wɔ́, ntí lezíŋ sɔ́ɔn, à ge lá’ gíŋe gẅiin sɛ̌ shúm ngʉ̀a nkÿo, é gíŋe gẅiin le gwɔ́ tèmi.

Ŋwà’ne Ngyà jʉ’ 3:18

mèŋ n ge ké shwóŋó gẅi ngie pi tóo mbwo mèŋ, ńjúu tʉ̌ gɔ̂l gie mé kéen ńdɔg mmɔ̌g ńkẅile ncÿǒ mǒ ntsèm, ńdeen ńké ńgwɔ́ ngàŋa mmó fʉ̀’ó, ńgíŋe ńjú mefɔ́gɔ nzsǒ mbwo mèŋ, ńzsé ngie pi ge gẅiin nzsǒ gie pi ge ma’, eshʉ́ le gíŋe ńkúu gẅi ngie pi tyeté té jÿɔ́g nzsǒ wɔ́. Pi ge gíŋe júu ffo menÿɔ́g mbwo mèŋ, é ńnéŋe nà menÿɔ́g mí légwɔ́ gie pi ge gyá jʉ’.

Matio 19:27

Piɛ gɔɔn mbwó Yěsô ngie: Tà peg leen nyé shúm ntsèm, ńcʉ́me nzèm gù pá’ɔɔn, tà yég nò ge lá’ gwɔ́ lêkɔ?

Matio 19:21

Yěsô tsɔ́’ɔ mbwó yé ngie: Ɔ̀ lɔɔn ne fa’a lémege ńcʉ́me, ɔ̀ gʉa sẅiŋ shúm sie ɔ̀ gẅiin ntsèm, ńná nkáb mbwó pàtèmmó, ńdeen ńké ndá’ ńgẅiin shúm tʉ̀ nzẅìŋ tÿǒ lepwó. Gʉa ńgÿo pú’u, ḿbiŋ ńtó ńcʉ́me nzèm mèŋ.

Roma 15:4

Á zɔɔn ńgwaa gwɔ́, mbà kɔ̀ɔkɔ́ɔ gie mé la lá’ ńtʉ́ njÿó ńŋwe’e tsɛ̀ɛ ŋwà’ne Ssé, mé lɔ́ɔn ńŋwe’e pɔ́ lélɔgɔ ńnéŋe ńzí’i wégè mmó, légwɔ́ gie á ge lɔg pá’ á ne ńkẅiŋte wégè, ḿbiŋ ne ńgÿo ngie tà pege kʉ́a, pege zsé ngie pege gẅiin mmó gie e Ssé la ka’a mbwo pege.

Matio 13:24

Yěsô gíŋe shwóŋó wɔ́b tsɔ́ sagá nò ngie: Nò *lefùɔ Ssé gwá’a nò nyìŋ gẅie á la pye mbyè mmó mbòŋo nká’ yé.

Heber 10:34

Megàŋa tsǎŋ la ne ńgyá ngɔ́’, pi kú gí nùɔ pɔ́b. Afʉ̀’ gie mé la gwoon shúm sí ńkẅé, pi lɔg pɔ́ lekág ńzẅíŋ mé kẅé, á nue pi la ne ńzsé ngie pi gẅiin tsɔ́ shúm é gwɔ́ sie é poŋ ńcʉa sɛ̌ ḿbiŋ ńgwɔ́ sie é ge lá’a gwɔ́ pɔ́ wó.

Ŋwà’ne Jâŋ 6:35

Yěsô tsɔ́’ɔ mbwo pɔ́b ngie: Eshúm léjÿó sie é gÿo nyìŋ gwɔ́ wó, à gwɔ́ pɔ́ mèŋ. Nyìŋ lɔɔn ńtó ńtsɛ́ɛ wɔ̀ɔn, mbà nzyè tè lá’ gíŋe gyáŋa yé wɔ́. Nyìŋ záb ntʉ́m ná mèŋ, mbà gag yé té lá’ gíŋe shÿó wɔ́.

Kolosia 3:16

Pi lɔgɔ shwóŋè Kristo ńzye ntʉ́m gẅi kwà’ mboŋó. À cʉa pú’u, pi gẅiin zse nò lélɔg ńzí’i mmó tsetsɛ̀ɛ pi, mbɔɔ lélɔg ńtÿɔ́gte mennɛ́ mí. Pi zɔb ntse ńdɔg ńgu’te Ssé nê ngwòŋ ntʉ́m gẅi ntsèm, ńdɔg ńná ndǎg mbwo yé. Pi zɔbɔ pú’u, mezɔ́b mie ée tsɛ̀ɛ ŋwà’ne Ssé, ńzɔbɔ zɔ́bɔ pʉ̀a Kristo, ńzɔb mezɔ́b mie Zẅìge Ssé ne ńnéŋe ntʉ́m pi.

Matio 13:46

À gwɔ̌ tà ńgyá tsɔ́ tɔgɔ́ tsye gie á jÿó nkáb tɛ’, ńgʉa sẅiŋ shúm sé ntsèm ntsèm, ńdɔg nkáb ńtó ńjúu yɛ̌ ŋwɛ́.

Matio 13:47

Yěsô gíŋe ngie: Àno *lefùɔ Ssé gíŋe ńgwɔ́ pɔ́ pà’ nò lekÿo sie mé ma’a tsɛ̀ɛ letʉŋ, messó kúu tsɛ̀ɛ wó ntí ntí.