Matio 13:27 - Nouveau Testament en Ngienboum

²⁷ Megàŋa fà’ ngàŋ nká’ wá tó ńgɔɔn né yé ngie: Ànde, ɔ̀ la tè pye pɔ́ mbyè mmó mbòŋo tsɛ̀ɛ nká’ gù wɔ́ lê? Legǐ tepòŋ piŋe fóo nzɔ̌ wɔ́?

Matio 13:27 Referans Kwoze

Roma 16:17

Mefɛ́ pɔ́ɔn, mèŋ n ge gɔɔn né pi ngie pi pɔ́ɔn pʉ̀a pie é ma’a fàgte tsetsɛ̀ɛ pi, ńdɔgɔ pá’ pɔ́ lʉ’ʉ mmó gie mé la zí’i gẅi ná Kristo, ńgÿo pʉ̀a fʉa mánzsè. Pi kÿo pɛ̌ pʉ̀a.

2 Korento 6:1

Pá’ pega Ssé zɔ puté ne fa’a la, peg ne ńkẅiŋte gẅi ngie tà pi gÿo ná ntí gie, légwɔ́ gie é Ssé tsɔ̌ɔn gẅí, ńcÿó gʉm gí, à ge cʉa sẅɛ̀ɛ.

2 Korento 6:4

Tà ńcʉ́’ pú’u, peg tyé nà kɔ̀ɔkɔ́ɔ wɔ́, ńnyɛ ngie peg ee pafa’a fà’ Ssé, ńdɔgɔ pá’ peg ne shÿɔgɔ tɛ’, á ná fʉ̀’e ngɔ́’, á nà fʉ̀’ gie nò á cʉa wég, á nà fʉ̀’ gie peg ne ńcÿɔ’ɔ tɛ’,

1 Korento 16:10

Timoté lɔɔn ńtóo lá’ pi, pi kúe yé mboŋó. Légwɔ́ gie à ge ńnéŋe tsetsɛ̀ɛ pi, éjú’ mbùm ye poŋ, á nue à fa’a yé pɔ́ fà’a Cʉ̀apʉ̀a pá’ mèŋ.

Ŋwà’ne Jâg 4:4

Pii pàlaŋ nzèm pʉ́a. Pi tè ne ńzsé ngie nyìŋ gẅie aa shǔ shúm njÿó, cʉ̌’ ńgwɔ́ pɔ́ ngàŋ mbù Ssé wɔ́ ka? Nyìŋ gẅie à kwoŋ shúm njÿó cʉ̌’ ńgwɔ́ pɔ́ ngàŋ mbù Ssé.

Matio 13:25

Tá’ mé gwɔ́ tà ńdyé, ngàŋ mbù we tó ḿbye legǐ tepòŋ gẅie à sẅé mmó mbòŋo yá, ńgʉa.

Matio 13:26

Shúm gÿo sá’, ńgú’ tà ńná metsɔ̀’. Mé gyá mmó tepòŋ gwɔ́ tsetsolo.

Matio 13:28

Á tsɔ́’ɔ mbwó pɔ́b ngie: Áa fà’a tsɔ́ ngàŋ mbù. Megàŋa fà’ pé zɛ́te yé ngie: Tà ɔ̀ zẅǐŋ ngie peg gʉa ńtsɔ́’ɔ mmó tepòŋ ŋwɛ́?

Matio 20:1

Yěsô gíŋe ngie: Ànò *lefùɔ Ssé leen ńgwɔ́ pɔ́ pá’ nò tsɔ̌ nyìŋ gẅie à la mʉ́ mba’ámba’, ńgʉa fa’ megàŋa fà’ pie à ge ńnéŋe nká’ yé.