Matio 13:21 - Nouveau Testament en Ngienboum

²¹ tá pɔ́ té nyé á lyɛ menŋaŋ ntʉ́m pɔ́b wɔ́, á nue pɔ́ gwɔ́ pɔ́ pʉ̀a lyɛ’ɛ́ lá’. Mé gwɔ́ tà ńzye lékʉ́e wɔ́b, ńnyɛɛ wɔ́b ngɔ́’ mélà’ nò Ssé pɔ́ gwóon ńgwá’.

Matio 13:21 Referans Kwoze

Matio 11:6

Àshÿó mbòŋo aa nyìŋ gẅie à tè kwɔɔnte ná *Míŋ Nyìŋ gwe ssé wɔ́!

Efeso 3:17

Mèŋ n giŋé ne sẅíŋte yé ngie à gÿo pi ké ne ńzába ntʉ́m pɔ́ ná Yěsô Kristo. Kristo lɔg pú’u, ńké ne ńnéŋe ńgwɔ́ pɔ́ tsɛ̀ɛ ntʉ́m gẅí. N giŋé ne sẅíŋte ngie à gÿo pi kwoŋ Ssé, ḿbiŋ ńgẅiin nkwòŋe tsetsɛ̀ɛ pi, à cʉa pú’u, pi tyé ńtʉ pá’ tÿǒ gie menŋàŋ mé kúu ssé, mbɔɔ pá’ ndá gie à cÿǒ á kúu ssé.

2 Timote 1:15

Ɔ̀ ne ńzsé jú pá’ pʉ̀a ná pàga ngwòŋ Azia kéen ḿbú ńgwá’a wɔ̀ɔn métsèm tà mbɔɔ Figele pɔ́ Hergène yɔ́b.

Filipo 1:6

Mèŋ n zsě ngie yé Ssé gẅie à la zye mefà’ mbòŋo tsɛ̀ɛ ntʉ́m pi, á ge lɔg gʉa pɔ́ lê mvfò tà lá’ kúu lyɛ̌’ gie Yěsô Kristo ge lá’ gíŋ tó.

Galatia 6:15

Áa mbwo Ssé *lepu’ú nyìŋ, kà lényé ngàŋ té pú’ wɔ́, à tè kẅéte. Anò gie á kẅéte á gwɔ́ pá’ nyìŋ léen sele ńcʉ́’ʉ nyìŋ sẅé.

Galatia 6:12

Pʉ̀a pie pɔ́ sẅɛ́ɛ gẅi sẅɛ́ ngie pi zẅíŋ mé pú’u gẅí, ée pʉ̀a pie pɔ́ fa’a pɔ́ légÿo mmó gie á ge poŋ pà Yuda. Pɔ́ gÿo pú’u, ńtsɔ́ɔn ngie pà Yuda té kʉ́e wɔ́b ngie pɔ́ tyé yɔ́b pɔ́ nà nò legwé Kristo nà tÿǒ nkǐ wɔ́.

Galatia 5:6

Á nue nyìŋ lɔɔn ńda nnɛ́ ná Kristo, mbà mé lépú’u yé kà lényé té pú’u yé wɔ́, á té tsɔ́ nò wɔ́. Lezǎb ntʉ́m ná Kristo ḿbiŋ ńkwoŋ pʉ̀a mesoŋ zɔɔ nò.

Roma 2:7

é náa le gwɔ́ tèmì mbwo pʉ̀a pie pɔ́ la lɔgɔ légÿo nò mbòŋo té kʉ́a, ńně ńtsɔ́ɔn ngie e Ssé zɔ náa wɔ́b legú’, ńnáa wɔ́b mékù’, ńgÿo pɔ́ gwɔ́ tsɛ̀ɛ le gwɔ́ gẅie mé te gíŋe kwé mǒ wɔ́.

Ŋwà’ne Jâŋ 6:26

Yěsô tsɔ́’ɔ mbwo pɔ́b ngie: Tà mèŋ shwóŋó gẅí, kwà’ nénʉ́, pi tě séen fa’a wɔ̀ɔn, pɔ́ mélà’mie pi ka gyá menò mmɔɔn mmɔɔn mie mèŋ n ka gÿo, é nyɛɛ metʉ̀ Ssé wɔ́, pi fa’a wɔ̀ɔn ńtí pɔ́ pá’ pi ka pfɛ́ mbelég tà ńzẅɛ́.

Lukase 8:13

Ajʉ’ ye metóon é gwɔ́ pʉ̀a pie pɔ́ jú’u shwóŋè Ssé, ésẅɛte ńzẅíŋ nê lekág tá á té lyɛ menŋaŋ wɔ́, ńgwɔ́ pʉ̀a lyɛ̌’ɛ lá’, ngɔ́’ gwɔ́ tà ńtó, pɔ́ gwóon ńgwá’.

Malékuse 4:17

Tá’, á té lyɛ menŋaŋ tsɛ̀ɛ ntʉ́m pɔ́b wɔ́, á nue pɔ́ gwɔ́ pɔ́ pʉ̀a lyɛ’ɛ́ lá’, mé gwɔ́ tà ńzye lékʉ́e wɔ́b, ńnyɛɛ wɔ́b ngɔ́’ mélà’ nò Ssé, pɔ́ gwóon ńgwá’.

Matio 26:33

Piɛ gɔɔn né yé ngie: Petsɔ́ pʉ̀a lɔɔn ńgwá’a gú ńkÿo metsèm, mbà à lɔɔn ńgwɔ́ mèŋ n de gú gwá’.

Matio 26:31

Pɔ́ ne ńgee, Yěsô gɔɔn né pɔ́b ngie: Á ge gÿo gwɔ́ letsẅɛ́’ lyɛ̌’ yɔɔn, pi metsèm pú ńgwá’a wɔ̀ɔn ńkÿo, á pumte pá’ mé la ŋwe’e tsɛ̀ɛ ŋwà’ne Ssé ngie: «Mèŋ n ge lá’ zẅé mbyɛ̀b mvfó, *menjʉ̀njÿò mé saa tsẅɛ».

Matio 24:13

Tá, nyìŋ gẅie à shÿɔg shÿɔg té kʉa zɔ́ gÿo ńtsẅɛ́.

Matio 13:57

Pɔ́ gɔɔn pá’ɔɔn, ńdʉ’ʉ lé jú’u nò yé. Yěsô leen ńké ńgɔɔn né pɔ́b ngie: Mé ná mekù’ *ntsẅì nkʉ̀ Ssé jʉ’ ntsèm, tà é cʉ́’ ndà’ lá’ pɔ́b, ńgÿo pʉ̀a tsìŋe ndá yɔ́b

Matio 13:6

Nèm gÿo ńtʉ́a mboŋó, ńtuɔ é júm ńtí nue menŋaŋ la tè lyɛɛ ssé wɔ́.

Matio 10:22

Pʉ̀a metsèm ge lá’ pú pʉ̀a gẅi mélà’ mɔ́ɔn, tá’ nyìŋ gẅíe à shÿɔ̌g shÿɔg tè kʉ́a zɔ ge gÿo tsẅɛ́

1 Piɛ 1:5

ée shúm sí, pi pʉ̀a pie Ssé ne ńdɔgɔ metʉ̀ mé ḿbyɛ́bɛ gẅí, á gwɔ́ pá’ pi ne ńzába ntʉ́m ná yé. À pyɛ́bɛ gẅi pá’ pi ge gÿo gẅiin letsẅɛ́ gẅie à ge lá’a lyɛ’ɛ́ nzsònzèm é gÿo mé gyá.

2 Timote 4:10

Zsé ngie Ndemas kéen ńgwá’a wɔ̀ɔn, mélà’mie à kwoŋ shúm njÿó tɛ’. Yɛ̌ zɔ̌ ka gÿo á gʉa né Tesalonika. Kelesens ka gʉa lé Galatia, Titus gʉa lé Ndalmatia.

Ŋwà’ne Ngyà jʉ’ 2:13

Mèŋ n ne ńzsé jʉ’ gie pi ńnéŋe wó. Alʉ̀ŋe lefùɔ Sátà tyé jʉ’ó tá’, n ké ńne ńzsé ngie pi cwoŋó ńcʉŋe pɔ́ ná mèŋ. Pi laa nyé lézáb ntʉ́m ná mèŋ wɔ́, tà mbɔɔ ná melyɛ̌’ mie mé la zẅé Antipas á mbʉ̀a pi, á nà jʉ’ gie Sátà ńnéŋe wó. Antipas laa nyìŋ ńgɔɔn yé pɔ́ ndà’ nò gie à zsě ná mèŋ.

Matio 13:20

Àjʉ’e metóon ée pʉ̀a pie pɔ́ jú’u nò Ssé, ésẅɛte ńzẅíŋ nê lekág,

Ŋwà’ne Jâg 3:2

Pege pǔ fʉate menò ntí ntí pɔ́ tè vʉ’ʉ nyìŋ. Nyìŋ lɔɔn ńgwɔ́ nyìŋ gẅie à laa tóo ńgɔɔn nò é fʉa wɔ́, mbà aa nyìŋ té *lɔ̌’, ńku’u légwoonte mbùm ye ntsèm.