15 Tá Yěsô gwɔ́ tà ńzsé, éfó jʉ’ó ńgʉa. Àlá’ cʉ́me nzèm yé tà ńgyɔ́ɔn. Á gÿo megàŋa guɔ ntsèm pie é laa tsɛ̀ɛ nùɔ lá’ zeŋe.
Mé lɔɔn ne ńkʉe gẅi a tsɛ̀ɛ yɔ̀ɔn tÿǒsoŋ, pi kÿo ńgee tsɛ̀ɛ yetsɔ́. Mèŋ n ge shwóŋó gẅí, kwà’ nénʉ́, pi tè lá’ kú metÿǒsoŋ Israel tà ḿmag té gwɔ́ gie *Míŋ Nyìŋ tǒ wɔ́.
Yěsô fó fʉ̀’ó à tè gíŋe shʉ̀ashʉ̀a ńcʉa tsetsɛ̀ɛ pà Yuda wɔ́. Á lɔg tsɔ́ shÿó lá’ gẅie ée lelyěen, á nkwòŋo tsẅɛ, ńgʉa tsɛ̀ɛ tsɔ́ tÿǒsoŋ gie mé tóŋo le Efalaim, pâ *ngàŋa kwò yé ńnéŋe jʉ’ó.
Yɔɔn nò tɔ́g, Yěsô gwɔ́ pɔ́ tsɛ̀ɛ pàga ngwòŋ Galilea, ńne ńgwá ńgiŋe, à tè ne ńkwoŋo légʉa tsɛ̀ɛ pàga ngwòŋ Jẅidea wɔ́, mélà’mie pàsá’a lá’ pà Yuda la ne fa’a lézẅé yé.
Àlá’ cʉ́me nzèm yé tà ńgyɔ́ɔn. Á kúu wó ńgÿo megàŋa guɔ nùɔ pɔ́b zeŋe.
Á ne ńcʉa nzɔ̌ nzɔ̌ wɔ́, kà pɔ́ tÿǒsoŋ wɔ́, kà pɔ́ tsɛ̀ɛ mbʉ̀a wɔ́, mé ne ńkate meguɔ ńdɔgɔ ńtóo, ńnuŋte jʉ’ gie à ge cʉa wó, ésẅíŋte yé ngie à fó ńzẅíŋ pɔ́ kíbe pɔ́ ndà’ tsɔ́ɔn nzsǒ yé. Epʉ̀a pie pɔ́ kibé tsɔ́ɔn nzsǒ ŋwɛ́, pú ńzeŋe métsèm.
E Ssé la gwaa tóŋo gẅí, ńne fa’a ngie pi gÿo pɔ́ pú’u. Kristo la gyá yé ngɔ́’ ńtí gẅí, ńdɔgɔ ńnáa gẅi fʉ̀’, ngie pi giŋ pá’ yé.
Tà pege ke ńkʉ́a legÿo nò mbòŋo, á nue pege lɔɔn gÿo nò mbòŋo ńdɔg ńgʉa pɔ́ lé mvfò, mbà fʉ̀’ ge lá’ ku’, e Ssé gÿo pege lág shúm tɛ’.
Á ne ńzɛ́te ngie, njÿó lɔɔn ńnyé wó pá’ɔɔn, pege fà’ mefà’ nyìŋ gẅie à la túmo wɔ̀ɔn. Nzèm ge síŋ, atsɔ̌ nyìŋ le gíŋe ńku’u léfa’a fà’ wɔ́.
Yěsô gwɔ́ lyɛ̌’, ńgʉa ndùm lekwɔ’ɔ́ lésẅíŋte Ssé, tà ńdá’a wó lá’.
Yěsô gwóon ńzsé mmó gie pɔ́ zẅɛ́te mǒ, ńzɛ́te wɔ́b ngie: Pi gaa ńgẅiin yɛ̂ ntí nkwaŋá ntʉ́m pi?
Alá’ zsé, ńcʉ́me nzèm ye. Á meen ńzẅíŋ, ńgíŋe shwóŋó wɔ́b nò nà *lefùɔ Ssé, ḿbiŋ ńgÿo pʉ̀a metsèm pie é la ne ńtsɔ́ɔn lézeŋe zeŋe.