Matio 11:8 - Nouveau Testament en Ngienboum

⁸ Tà pi kɔ̌ɔn ńgee pɔ́ ńgyá kɔ́? Ányìŋ gẅie à ma’ menzsǒ nkáb lá? Tá pà ma’ yɛ̌ ntí menzsǒ ńnéŋe pɔ́ nɔ’?

Matio 11:8 Referans Kwoze

Matio 3:4

Jâŋ laa nkwòŋo tsẅɛ, ḿma’ nzsǒ, mbà mé la lɔg menoŋ kamel ḿbá’, ńdɔgɔ *ngùb nɔ̀ɔn ńtʉ́me zẅɛ̌’ yé, àyé mmó léjÿó e gwɔ́ ngǐm ńgÿo nŋwá’ tsẅɛ.

Ŋwà’ne Ngyà jʉ’ 11:3

ńgʉa ná pʉ̀a pɔɔn mépʉ́a pie pɔ́ ge gɔɔn nò gie pɔ́ zsé ná mèŋ, mbà mèŋ n ge gÿo náa wɔ́b metʉ̀ lélɔg ńtsẅi nkʉ̀ wɔ̀ɔn. Pɔ́ ne ńtsẅii, ḿma’ menzsǒ lɔg ńdúŋ legwé ma’ nà melyɛ’ɛ́ lá’ ntsá’ lê nkÿo pʉ́a lê móm ntɔgɔ́ (1.260).

2 Korento 11:27

ńgwá fa’ mefà’ mie é tʉ̀ tà ńjú’ ńkʉ́a tɛ’, ńgwá ńdá’ té lyé. Nzyè gwá ńgyáŋa wɔ̀ɔn, agág yɔ́ɔn gwá shÿó, ńgwɔ́ tsɔ́ fʉ̀’, eshúm léjÿó pú ḿmaga mbwo mèŋ, efÿɔ́g gwá ńkúu wɔ̀ɔn, mbà mèŋ n zǎg nzsǒ.

1 Korento 4:11

Enzyè ee zɔ́gɔ légyáŋa wég. Agága yég zɔ́gɔ léshÿó. Nzsǒ ma’ e tè wó wɔ́. Mé ee zɔ́gɔ pɔ́ lécúa wég. Atsɔ̌ le gwɔ́ gẅie ńgwɔ́ peg pʉ́le ńnéŋe tà’a jʉ’ à tè wó wɔ́.

Matio 11:7

Megàŋ ntúm Jâŋ gʉa, Yěsô cʉ́’ ńgɔɔn nò ńtí Jâŋ, á mbwó lá’ gie aa jʉ’ó, ńzɛ́te wɔ́b ngie: Á kaa fʉ̀’e Jâŋ pi gʉa nkwòŋo tsẅɛ ńgyá kɔ́? Á kekà’a gie fefà ne ńcʉ’te lá? Ngǎŋ.

Matio 11:9

Tà pi kɔ̌ɔn ńgee ńgyá pɔ́ wɔ́? Á *ntsẅì nkʉ̀ Ssé lá? Oon tà mèŋ n ké shwóŋó gẅí, à kaa wɛ̌, tà ńcʉa mbɔɔ *ntsẅì nkʉ̀ Ssé.

Lukase 7:25

Tà pi kɔ̌ɔn ńgee pɔ́ ńgyá kɔ́? Á nyìŋ gẅie à ma’ menzsǒ nkáb lá? Tá’ pàma’ yɛ̌ ntí menzsǒ, ḿbiŋ ńgẅiin shúm meshúm ńnéŋe pɔ́ nɔ’.