Matio 11:30 - Nouveau Testament en Ngienboum

³⁰ Àyɔ́ɔn *kɔ̌’ pʉ́le, àpì’ gie mèŋ n gee gÿo pi kaa, á zéŋe zeŋe lékaa.

Matio 11:30 Referans Kwoze

1 Jâŋ 5:3

Á nue lekwoŋ Ssé aa pege létÿɔ́gɔ kwò ná mbʉ̌ mé, mbʉ̌ mé piŋ ńké tè tʉ ńcʉa wégè wɔ́.

Ŋwà’ne Jâŋ 16:33

Mèŋ n tʉ́ njÿó shwóŋó gẅi mɔɔn menò légwɔ́ gie pi ge la nnɛ́ ná mèŋ, mbʉ́lè gwɔ́ ntʉ́m pi. Pi ge gÿo gyá ngɔ́’ tsɛ̀ɛ njÿó, tá’ tà pi cÿɔ’. N kéen ńcʉa njÿó.

Filipo 4:13

Kristo zɔ náa wɔ̀ɔn metʉ̀, tá mèŋ n ku’u légÿo pú’u.

Galatia 5:1

Kristo la zá’ nkÿo pu’ lóŋ pege légwɔ́ gie pege ge gwɔ́ pʉ̀a pie é kwǎ’ ńtsẅɛ́ nkwɔɔn *lepʉ̌. Pú’u la, pi kú’te wɛ̌ légwɔ́ mboŋó, ḿbɔ́ɔn légíŋe ńzẅíŋ atsɔ́ mmó gíŋe ńdɔgɔ gẅi ńgÿo menkwɔɔn.

Galatia 5:18

Tá pi lɔɔn ńzẅíŋ Zẅìge Ndʉalʉ̌a ne ńtsyeen gẅí, mbà *lepʉ̌ té gíŋe ńgẅiin lésá’a gẅi wɔ́.

Megàŋ ntúm 15:10

Afʉ̀’ɔɔn, pi piŋ ńgÿo lêkɔ́ ńkumte Ssé? Pi fa’a lékaa pì’ gie metá pégè la tè ku’u lékaa wɔ́, kwà’ pege yégè gíŋe tè mǒ ku’, ńzába twó pɔ́b keen?

2 Korento 4:17

Múɔ méngɔ́’ gẅie peg ée fʉ̀’ɔɔn ne ńgyá, à cʉa cʉa. Mé lɔɔn ńgʉa ḿbí fʉ̀’ á le ku’u tsɔ́ mmó nà legú’ tendège gẅie à tě ńdà’a ḿmaga wɔ́, á gẅie yɛ̌ ngɔ́’ lɔgɔ ńtsɔ́’ɔ mánzsè ńnáa né pege wɔ́.

Megàŋ ntúm 15:28

Peg zɔ̌ɔn ńgwâ zába yɔɔn nò, à Zẅìge Ndʉalʉ̌a gíŋe ńzáb yé ngie tà mé kẅi’i pì’ mbwo pi. Tá’, á ke ne ńzɛ́te ngie pi nyɛte ńkú’te mɔɔn mbʉ̌ mie peg gee ngɔ̌ɔn lɔɔn kwà’ mboŋó.

Matio 12:1

Á gÿo ńgwɔ́ tsɔ́ lyɛ’ɛ́ nzse pa Yuda, Yěsô ne ńcʉa tsɛ̀ɛ nká’a ngesáŋ ntsíŋ, *ngàŋa kwò yé, pá’ nzyè la ne ńgyáŋa wɔ́b lá, pɔ́ giŋe sẅe ngesáŋ ḿpfɛ́ɛ.