Matio 11:26 - Nouveau Testament en Ngienboum

²⁶ Oon me Tá wɔ̀ɔn, ɔ̀ la gyá ngie ɔ̀ ge gÿo yɔ̀ɔn nò pɔ́ pú’u.

Matio 11:26 Referans Kwoze

2 Timote 1:9

À la gÿo pege tsẅɛ́, éfaga wégè ńdɔg ńgÿo pʉ̀a pé. À lɔ̌ɔn těen ńgÿo pú’u, éfóo pɔ́ nà mefà’ mbòŋo mie pege fǎ’ wɔ́, à la cÿó pɔ́ gʉme yégè. Pú’u, mbà njÿó la nyé pɔ́ tè gwɔ̌ wó, kwà’ yé zɔ̌ záb ngie à ge gÿo lɔgɔ Yěsô Kristo, é gÿo pú’u, ná pege.

Efeso 3:11

E Ssé ka gÿo pá’ɔɔn á lɔgɔ ḿbumte ná mmó gie à la záb tà ńnyé pɔ́ tè nyɛte njÿó, ńgie à ge lá’ fó ná Cʉ̀apʉ̀a wege Yěsô Kristo, é gÿo yɛ̌ mmó.

Efeso 1:11

Peg la zẅɛ́’ pɔ́ pá’ peg lǎ nnɛ́ ná Kristo, tá ńgẅiin yég jʉ’ tsetsɛ̀ɛ pʉ̀a pie à gÿǒ pɔ́ tsẅɛ́, á nue e Ssé la tʉ́ njÿó ńtsɔ́’ɔ wég. Á gwɔ́ pá’ a la záb. E Ssé piŋ ńgÿo kɔ̀ɔkɔ́ɔ pɔ́ pá’ à la záb ngie à ge gÿo pú’u.

Efeso 1:9

Áa yɛ̌ tá pege zsé mmó gie à la záb, mbà á la zɔɔn ńgwɔ́ pɔ́ lelyěen. Yɛ̌ mmó gwɔ́ gie à la tʉ́ njÿó, á poŋo yé poŋ, á záb ngie à ge lá’ lɔgɔ Kristo é gÿo à pumte,

Roma 9:18

Á lɔgɔ pú’u, ńgwɔ́ ngie e Ssé gÿo nyìŋ gẅie yé Ssé gyǎ ngie ngàŋ ge tʉʉ twó mbwo yé á tʉʉ twó, ńtsɔ́ɔn mezìŋe nyìŋ gẅie yé Ssé gyǎ ngie à ge tsɔ́ɔn mezìŋe ngàŋ.

Lukase 10:21

Yěsô ne ńgɔɔn yɔɔn nò, à Zẅìge Ndʉalʉ̌a gÿo letʉ́m sé pú ńkág tɛ’, á lêen ńké ńgɔɔn ngie: Tá wɔ̀ɔn, Cʉ̀apʉ̀a, gù gẅie ɔ̀ sá’a tÿǒ lepwó mbɔɔ tsetsá’. Mèŋ sǐe gú pá’ ɔ̀ kéen ńnyɛ mɔɔn menò mbwo mecʉ̀cʉ̀ŋ, ńdÿoon mbwo megye pâ pʉ̀a pie é la zí’i. Oon mè Tá wɔ̀ɔn, ɔ̀ la gyá ngie ɔ̀ ge gÿo yɔɔn nò pɔ́ pú’u.

Lukase 22:42

Tá wɔ̀ɔn, ɔ̀ lɔɔn ńgyá, ɔ̀ pe’e yɔɔn ngɔ́’ gie, e ne ńtóo ná mèŋ lɔɔn. Tá’, mèŋ n tě ńgɔɔn ngie ɔ̀ gÿo pɔ́ wɔ̀ɔn lekwoŋ wɔ́. Gÿo pɔ́ gù lekwoŋ. [

Lukase 23:34

Yěsô gɔɔn ngie: Tá wɔ̀ɔn, lege mefʉ̀a mɔ́b, mélà’mie pɔ́ té ne ńzsé mmó gie pɔ́ gÿo wɔ́. Pàlÿɔ́’ ncù pie é laa jʉ’ó ma’a tyeente tá ńdɔg ńgabte menzsǒ mé.

Ŋwà’ne Jâŋ 11:41

Mé gwɔ́ tà sẅɛ’te tóon, Yěsô pʉ’ʉ twó yé, ńdíe tÿǒ, ńgɔɔn ngie: Tá wɔ̀ɔn, mèŋ n nǎ ndǎg pá’ mèŋ sẅíŋte gú, ɔ̀ jú’.

Ŋwà’ne Jâŋ 12:27

Yěsô gíŋe ngie mèŋ n gee pá’ɔɔn, mbà lém yɔ́ɔn tsɔ’ɔ́. Mèŋ n ge ké gɔɔn ngie kɔ́? É gɔɔn ngie Tá wɔ̀ɔn gÿo mèŋ n tsẅɛ́ɛ yɔɔn fʉ̀’ la? Mèŋ n dɔ̌ɔn ńzɔɔn ńtóo ńtí pɔ́ yɔɔn fʉ̀’.

Ŋwà’ne Jâŋ 12:28

Tá wɔ̀ɔn, gÿo mé gu’te lezíŋ shú. Ngyè nyìŋ leen ńké fó lepwó ńgɔɔn ngie: Mèŋ n gÿǒ pú’u. Mèŋ n ge gíŋe gÿo sẅé sẅé.