Matio 11:21 - Nouveau Testament en Ngienboum

²¹ Á gɔɔn né pɔ́b ngie: Ndoon ee twó pi pʉ̀a Kolazîŋ, mbɔɔ twó pi pʉ̀a Mbetsayida, menò mɔ̀ɔn mie mé la gÿo tsetsɛ̀ɛ pi, é laa pé’e ńgwɔ́ pɔ́ tsɛ̀ɛ tÿǒsoŋ Tir pɔ́ Sidoŋ, mbà pɔ́ leen ńdá’ ńkúbe mà, ḿmÿɔ́g, éshʉa mepɔ́ɔn ḿma’, ńzɔ́’ɔ pfó ńdɔg ńdúŋ

Matio 11:21 Referans Kwoze

Megàŋ ntúm 12:20

Fùɔ *Herôd ne ḿbú ńgyáŋa lóŋ nà pʉ̀a tÿǒsoŋ Tyr pɔ́ tÿǒsoŋ Sidoŋ pá’ɔɔn tɛ’. Pɔ́ cú’te ńgwɔ́ tà’ ncwò légʉa ńgyá yé. Á cʉa pú’u, pɔ́ kwɛ́ɛ pwó Mbelatus, á gwɔ́ nyìŋ gẅie yé zɔ pyɛ́bɛ ndá fùɔ, pá’ à ge gíŋ kěm wɔ́b ná, acÿɔ́g gie aa tsetsɛ̀ɛ pɔ́ba fùɔ mag, ńtsɔ́ɔn pú’u, á nue ammó léjÿó gie mé lɔ́ɔn ńjÿó tÿǒsoŋ Tyr pɔ́ tÿǒsoŋ Sidoŋ, á lɔ́ɔn fóo pɔ́ lá’ fùɔ *Herôd.

Ŋwà’ne Jâŋ 12:21

Pɔ́ tó ńgyá Filib, á nyìŋ Mbetsayida nà pàga ngwòŋ Galilea, ńgɔɔn né ye ngie: Andè, peg ne ńtsɔ́ɔn légyá Yěsô.

Lukase 9:10

Megàŋ ntúm Yěsô piŋ nzèm, ḿbíte pá’ pɔ́ lɔ̌g fa’ pú’u, éshwóŋó yé. Yěsô jú’, ḿbiŋ faga wɔ́b, pâ pɔ̌ tsẅe nùɔ, ńgʉa lê shÿó tÿǒsoŋo Mbetsayida.

Malékuse 6:45

Yěsô gwoon ńtsẅii mbwo *ngàŋa kwò yé ngie pɔ́ kúu kanú’, ḿvɔg ńgwɔ́ mvfò, ńtúm né yetsɔ̌ nzǐŋ, á nà gwoŋó Mbetsayida, á cʉ́’ nzèm ńde’e lá’ á gʉa.

Matio 15:21

Yěsô gÿo fó jʉ’ó ńgʉa ná tsɔ́ pàga ngwòŋ, á shÿó tÿǒsoŋ Tir pɔ́ Sidoŋ,

Jẅide 1:11

Ndòon ee twó pɔ́b nue pɔ́ cʉmé nà mánzsè we Kain, ńne fʉate menò ńdɔgɔ ńdaba nkáb pá’ Mbalam. Pɔ́ ée pú’u, mbà pɔ́ kéen ńkwé, á nue pɔ́ kéen ńtʉʉ twó mbwo Ssé pá’ Koré.

Ŋwà’ne Jâŋ 1:44

Filib ŋwɛ́ laa nyìŋ Mbetsayida, á tÿǒsoŋo pà Ndeléya pɔ́ Piɛ.

Lukase 6:17

Yěsô pâ *ngàŋ ntúm yé gie à tsɔ̌’, fó ndùm lekwɔ’ɔ́ sẅɛ́’ tà ńkúu tsìŋe lekwɔ’ɔ́, ńgyá yetsɔ́ *Ngàŋa kwò yé gwɔ́ jʉ’ó tà ńgyɔ́ɔn pâ nùɔ lá’, mbà mé fǒ nà pàga ngwòŋ Jẅidea, éfó tÿǒsoŋ Yerósalem, éfó mengʉ̀ŋe metÿǒsoŋo Tir pɔ́ Sidoŋ tà mbɔɔ metÿǒsoŋ mie ée nkʉ̀ŋ ntse.

Malékuse 8:22

Yěsô pâ *ngàŋa kwò yé la kúu Mbetsayida, mé lɔgɔ tsɔ̌ fʉ̀ menÿɔ́g ńtó, ésẅíŋte yé ngie à záb mbwó mé ná yé à zeŋe.

Malékuse 7:31

Yěsô fó Tir, ńne ḿbiŋe né ngʉ̀ŋe letʉ̀ŋ Galilea, ńdɔg ye tÿǒsoŋ Sidoŋ, ńne ńcʉa tsɛ̀ɛ pàga lá’ Metÿǒsoŋ Legém.

Malékuse 3:8

tà mbɔɔ tÿǒsoŋo Yerósalem. Petsɔ́ fóo gwoŋó Idẅime, etsɔ́ fóo tà mbɔɔ nzǐŋ ntse Jurdeŋ, ńgÿo pʉ̀a pie é ńnéŋe ḿbɔ́ɔnte Tir pɔ́ Sidoŋ. Pɔ́ tóo pú’u, légyá Yěsô, mélà’mie pɔ́ la ne ńjú’u kɔ̀ɔkɔ́ɔ gie à ne ńgÿo.

Matio 18:7

Ndoon ee two pʉa pie pɔ ee tsɛ yɔɔn njÿo, ńgÿo pʉa fʉate meno! Aa nenʉ meno mie é lɔɔn ńgwɔ́ é gÿo nyìŋ fʉa manzse, ée tsɛ̀ɛ njÿó tà ńgyɔ́ɔn. Mɛ̌ menò téen ndá’a ńzága wɔ́. Tá’ àshÿó tepòŋ ké ńgwɔ́ nyìŋ gẅie a ge gÿo nyìŋ fʉa manzse!

Matio 11:22

Aa mmó gie á gÿo mèŋ n gɔɔn ngie: Á ge lá’ gwɔ́ lyɛ̌’ gie e Ssé ŋaga pʉ̀a mesoŋ, egi ngʉ̀gʉ̀ cʉa yé pʉ̀a Tir lâ yé pʉ̀a Sidoŋ,

Megàŋ ntúm 27:3

Njÿó gÿó ńgwaa lʉ́a, peg gwɔ́ Sidoŋ. Julius gẅiin ntʉ́m mbòŋo ná Pɔl tà ńnyé yé ngie à gʉa ńgúɔ meshǔ pé. Pɔ́ kú, ńkẅéte yé.

Lukase 4:26

Tá, e Ssé ké ńdá’ te túmo *Elîɛ mbʉ̀a tsɔ́ wɔb wɔ́, ńtsẅi, á kẅɛ ńgʉa pɔ́ ndá mpfɔ̌g manzwě Serepta á tsɛ̀ɛ ngwòŋ Sidoŋ.

Malékuse 7:24

Yěsô gÿo fóo jʉ’ó ńgee nà tsɔ́ pàga ngwòŋ, á shÿó tÿǒsoŋo Tir pɔ́ Sidoŋ, ńkúu tsɛ̀ɛ tsɔ́ ndá, ńké tè ne ńkwoŋo ngie mé zsé ngie aa jʉ’ó wɔ́. Tá’ mé ké ńzsé zsé.

Matio 26:24

*Míŋ Nyìŋ ge kwé, à gwɔ́ pá’ mé la gɔɔn tsɛ̀ɛ ŋwà’ne Ssé, tá’, àndù té poŋ aa nyìŋ gẅie à sẅiŋé yé. Mbòŋo laa pá’ mé lɔɔn tè zyé yé wɔ́.

Ŋwà’ne Ngyà jʉ’ 6:12

Mûɔ *Njʉ̀njÿò ne ńnyɛ́’ɛ lìi nŋwá’ nà jʉ’ mbɔ́ɔntè ntɔgɔ́, n ne ńdíe, ńjú’ atsetsá’ pú ńcʉ’e pá’ɔɔn tɛ’, nèm sele síŋ pá’ nzsǒ gie mé lɔgɔ ńdúŋo legwé la. Saŋ pú sele ḿbaŋ pá’ metse la.

Ŋwà’ne Ngyà jʉ’ 11:3

ńgʉa ná pʉ̀a pɔɔn mépʉ́a pie pɔ́ ge gɔɔn nò gie pɔ́ zsé ná mèŋ, mbà mèŋ n ge gÿo náa wɔ́b metʉ̀ lélɔg ńtsẅi nkʉ̀ wɔ̀ɔn. Pɔ́ ne ńtsẅii, ḿma’ menzsǒ lɔg ńdúŋ legwé ma’ nà melyɛ’ɛ́ lá’ ntsá’ lê nkÿo pʉ́a lê móm ntɔgɔ́ (1.260).