Matio 10:5 - Nouveau Testament en Ngienboum

⁵ Yěsô gwaa túm megàŋ ntúm pɔɔn ntsɔ̀b pʉ́a nê legém, ńtsẅi né pɔ́b ngie: Tà pi gʉa tsɛ̀ɛ melá’ pʉ̀a pie é té pà Yuda wɔ́, tà pi kúu tsɛ̀ɛ metÿǒsoŋ pà Samalîɛ.

Matio 10:5 Referans Kwoze

Ŋwà’ne Jâŋ 4:9

Manzwě we Samalîɛ gɔɔn né Yěsô ngie: Ɔɔ nyìŋ Yuda, ḿbiŋe ńdúɔ ntse nǔ mbwo mèŋ manzwě we Samalîɛ lá? À lɔ̌ɔn ńgɔɔn pú’u, á nue pà Yuda pâ pà Samalîɛ lɔ́ɔn tě ńjú’e wɔ́.

1 Tesalonika 2:16

Pɔ́ ne ńkaga tʉ̀ ńtɔ’ɔ wég léshwóŋó nò Ssé mbwo pʉ̀a pie é té pà Yuda wɔ́, ḿbɔ́gɔ pá’ á ge gÿo pɔ́ tsẅɛ́. Pɔ́ ée pú’u, ńdɔgɔ ńkẅi’i nzẅìŋe nò wɔb kẅi’i. E Ssé kéen ńgyáŋa lóŋ tá ńzába pwó yé ná pɔ́b.

Lukase 17:16

Ńtó ńnuŋe mekwò Yěsô, ńcÿɔ’ɔ zí yé ssé, ńná ndǎg mbwo yé. Angàŋ laa nyìŋ Samalîɛ.

Megàŋ ntúm 10:45

Pʉ̀a Kristo pie pɔ́ ně ńtó ńtsege Piɛ, é laa pà Yuda. Pɔ́ gyá yɔɔn nò, á pú ńkʉ’ʉ wɔ́b tɛ’, pá’ e Ssé nǎ Zẅìge Ndʉalʉ̌a mbwo pʉ̀a pie é té pà Yuda wɔ́ pɔ́ pá’ à la náa mbwó pɔ́b yɔ́b!

Lukase 9:2

Ńdêen ńké ńtúmo wɔ́b ngie pɔ́ gʉa shwóŋ pá’ nò *lefùɔ Ssé áa pú’u, ńgíŋ ńgÿo megàŋa guɔ zeŋe,

Megàŋ ntúm 1:8

!Pi zsé pɔ́ ndà’ ngie à Zẅìge Ssé ge gÿo tóo ná pi, é náa gẅi metʉ̀. Pi lɔg ńku’u léshwóŋó kɔ̀ɔkɔ́ɔ gie pi zsé nà mèŋ! E zyé Yerósalem éshwóŋ shwóŋ maga Jẅidea. E piŋ fó Samalîɛ, éshwóŋ shwóŋ kúu jʉ’ gie tsetsá’ zsote wó.

Ŋwà’ne Jâŋ 20:21

Yěsô gíŋe ńgɔɔn né pɔ́b ngie: Mbʉ́lè gwɔ́ né pi. Pá’ Tá wɔ̀ɔn la túmo wɔ̀ɔn la, mèŋ n tumó gẅi yɔ́ɔn.

Ŋwà’ne Jâŋ 7:35

Epʉ̀a zye légɔɔn tsetsɛ̀ɛ pɔ́b ngie: Aa pá’ɔɔn ge gʉa pɔ́ nzɔ̌, tà peg le yé gyá? A ge gʉa kẅɛ́te pɔ́ pʉ̀a pégè pie pɔ́ la sa jʉ’, ńgee lá’ pà Gelekia keen? Kà à gee pɔ́ ńzí’i pà Gelekia nò Ssé?

Ŋwà’ne Jâŋ 4:5

Á gʉa tà ńkúu tsɛ̀ɛ tsɔ́ tÿǒsoŋo pà Samalîɛ, mé tóŋ lé Sikar, á gwɔ́ ngʉ̀ŋe nká’ gẅie Yakwɔ́b la náa mbwo míŋ we Yesyɛ̂b.

Lukase 10:33

Tá’, tsɔ̌ nyìŋ Samalîɛ ne ńgee né legìŋ, ńgʉa tà ńkúu jʉ’ó, ńgyá yé, mezìŋe mé kúu yé.

Matio 4:15

«Pi pà Zabuloŋ mbɔ́ɔ pi pà Neftali, pi pie pi ee ngʉ̀ŋe ntse, ńgwɔ́ nà yetsɔ̌ nzǐŋ ntse Jurdeŋ, pi pʉ̀a Galilea, pi pie pi lâ pʉ̀a pie e té Ssé zsé neŋé

Megàŋ ntúm 8:1

Sɔ̂l tyé jʉ’ó, ńzẅíŋe mmó gie mé gÿǒ ná Etien Á la fó lyɛ̌’ ŋwɛ́, mé zye lényɛ pʉ̀a Kristo ngʉ̀ngʉ̀ á Yerósalem tɛ’. Pɔ́ pú ńkÿo, ésa jʉ’ ná shÿó Jẅidea lâ Samalîɛ tà é cʉ́’ pɔ́ ndà’ megàŋ ntúm Yěsô á Yerósalem.

Ŋwà’ne Jâŋ 8:48

Epʉ̀a leen ńké ńgɔɔn né Yěsô ngie: Peg lɔɔn ńtóŋo gú ngie nyìŋ Samalîɛ, mbà peg kaa fʉa. Mbɔɔ légɔɔn ngie ssé tépoŋ ee ná gù.

Ŋwà’ne Jâŋ 4:20

Ńgie mbà, metá pég lɔ́ɔn ńgu’te Ssé ndùm lekwɔ’ɔ́ sɔɔn, pi pà Yuda pi èe ńcʉ́’ʉ ńgɔɔn pɔ́ ngie: Ajʉ’ʉ légu’te Ssé gwɔ́ pɔ́ ndà’ Yerósalem pɛ́’ɛ̀ mé jú’u yè wɔ́?

Lukase 10:1

Yɔɔn nò tɔ́g, Yěsô tsɔ́’ tsɔ́ *ngàŋa kwò yé ntsɔ̀b pʉ́a lê móm sɔɔn mbʉ́a, ńtúmó wɔ́b mépʉ́a mepʉ́a ngie pɔ́ vɔg ńgwɔ́ mvfò ńgiŋe tsɛ̀ɛ metÿǒsoŋ pâ mejʉ’ mie à ge gÿo pú cʉa wó.

Matio 22:3

Àfʉ̀’ʉ léjÿó shúm gÿo ńku’, á túm mentsìndá pé, ngie pɔ́ gʉa fa’ pʉ̀a pie à ka tsẅii mbwó pɔ́b pá’ pɔ́ ge tó pâ pɔ́ pfɛ́ shúm. Tá’ mentsìndá pé gʉa ńgyá wɛ̌ nyìŋ wɔ́ ná pɔ́b wɔ́, á lʉ’ lʉ’ létó.

Malékuse 6:7

Afʉ̀’ gÿo ńku’, á tóŋ pʉ̀a pé ntsɔ̀b pʉ́a nê legém, ńzye létúmo wɔ́b mépʉ́a mépʉ́a, ńná metʉ̀ mbwo pɔ́b lélɔg ńjwoŋ *messé tepòŋ mie é gwoon pʉ̀a ḿbúe wɔ́b,

Lukase 9:1

Yěsô gÿo ńcú’te pʉ̀a ntsɔ̀b pʉ́a nê legém, ńná metʉ̀ mbwo pɔ́b, pɔ́ ku’u lélɔg lezíŋ sé ńjwoŋ *messé tepòŋ ntsèm mie é pue pʉ̀a, mbɔɔ légÿo meguɔ zeŋe.

Ŋwà’ne Jâŋ 17:18

Pá’ ɔ̀ la túmo wɔ̀ɔn tsɛ̀ɛ njÿó la, mbɔɔ mèŋ yɔ́ɔn n túmo wɔ́b tsɛ̀ɛ njÿó.